viernes, 13 de diciembre de 2019

O teu papel para o Nadal nas Bibliotecas de Redondela

A World Wide Fund for Nature (Fondo Mundial para a Natureza, WWF, polas súas siglas en inglés) convidou por primeira vez en 2016, a través da campaña 'Cal é o teu papel no Nadal?', a reutilizar o papel de xornal como recurso creativo para envolver os agasallos na época do Nadal. 

   Hoxe, tres anos despois, o WWF relanza de novo esta campaña nestas datas prenavideñas para motivar o consumo responsable e reutilizar o papel de xornal como papel de agasallo nun chamamento á sustentabilidade.

 

As Bibliotecas Municipais de Redondela, unímonos a esta proposta, desde o día de hoxe, en que finaliza o cume do clima, ata o próximo 5 de xaneiro, facilitando a todo o que o desexe papel de xornal do noso fondo para reciclar.
 

O único que tedes que facer é achegarvos á Biblioteca de Redondela ou á Biblioteca de Chapela e dirixirvos ao persoal do mostrador que vos facilitará os xornais que necesitedes. 
 Ata esgotar existencias




Con esta proposta a biblioteca contribúe á Axenda 2030 para o Desenvolvemento Sostible auspiciada polas Nacións Unidas. Concretamente, aos obxectivos 12, sobre o consumo responsable, 13, sobre a acción polo clima e mais ao 15, sobre a vida e ecosistemas terrestres.

No hay comentarios: