O pasado venres, 7 de setembro, unha ampla representación dos clubs de lectura de Redondela deron inicio a un novo curso coa actividade do programa Ler conta moito da Xunta de Galicia, Caderno de Lectura con Zentangle
O zentangle é un método de debuxo baseado nas formas
abstractas, suaves, orgánicas, elegantes e estruturadas.
Con esta
técnica podes crear debuxos moi agradables e elegantes, realmente
bonitos sen necesidade de saber debuxar. Ademáis, permíteche desenvolver a túa
creatividade, xa que non existe unha técnica concreta e podes facelo á
túa maneira, debuxando formas abstractas que vas enchendo con outras
máis pequenas, normalmente repetitivas.
O normal é facelo en branco e negro, é dicir, cun bolígrafo ou rotulador
negro sobre papel branco (normalmente rectangular). É tan relaxante que
adoita considerarse terapéutico.
Teño que recoñecer que ao principio, a que aquí escribe, era un pouco escéptica (perdóame Elisabet) sobre a posibilidade de que se alcanzasen os obxectivos que Zentangle propón.
Un pensamento totalmente equivocado, como ben puidemos comprobar todos os que participamos no taller.
Non importa como se debuxe (horriblemente mal pola miña
banda), o resultado é precioso e, utilizando unas mesmas formas, o
resultado é absolutamente persoal e diferente no traballo de cada
persoa.
 |
| Moitas grazas a Carmen por este marabilloso biscoito caseiro que nos
trouxo á actividade (o que nos custou esperar ao final para comérnolo
pois non podiamos manchar as mans) |
Ademais durante o proceso de creación prodúcense unha profunda
concentración no que se está elaborando o que leva a un gran descanso
mental.
A satisfacción ao final da actividade foi absoluta por parte de todos os que participamos nela.
É unha actividade estimulante, que permite variar das miñas rutinas de estudo", así se expresa unha das compoñentes dos clubs de lectura das Bibliotecas de Redondela.
"El último encuentro", de Sándor Márai, foi o título debatido este mes e que serviu para trazar paralelismos entre o final do Imperio austrohúngaro e esta época de incerteza.
