O mes de marzo vén cargado de contos ás bibliotecas municipais de Redondela. A narradora Ana Facchini estará nas nosas bibliotecas para facer dúas sesións de contacontos nas nosas bibliotecas.
Comezaremos a primeira sesión conteira na Biblioteca Xela Arias de Chapela:
- VENRES 6 DE MARZO, ÁS 19:00 h.: A verdadeira historia de Victoria - Con Ana Facchini.
Para rapazada a partir de 3 anos.
BIBLIOTECA XELA ARIAS DE CHAPELA.
"Esta é a historia da vaca Victoria. Pero e se no lugar dunha vaca, Victoria fose unha serpe, ou un coello, ou un galo, ou un lobo, ou unha solitaria velliña, ou...?".
E seguiremos, noutra volta, na Biblioteca Valle-Inclán de Redondela, na Sala Infantil:
- MÉRCORES 18 DE MARZO, ÁS 18:00 h.: Os contos da pota - Con Ana Facchini.
Para rapazada a partir de 4 anos.
BIBLIOTECA VALLE-INCLÁN DE REDONDELA.
"Unha extravagante cociñeira elaborará unha receita familiar arredor dunha pota moi especial na que viven marabillosas personaxes e, mentres remexe a lume baixo, os ingredientes irán cobrando vida e transportarannos a un mundo de sabores e emocións, onde as cousas non sempre son o que parecen".
Os contos son con entrada libre e de balde, ata encher as salas.
Non volos perdades!! Agardámosvos nas bibliotecas.
No hay comentarios:
Publicar un comentario