Soños doces de algodón... obradoiro para nenos na Biblioteca de Chapela

 Esta tarde os rapaces de Chapela gozaron dunha fermosa tarde de soños e ilusión na biblioteca.

Preparados para a actividade

Amalia Pérez Otero e mais a súa filla Alba Grimaldi, así como o pequeno Yared, que todos xa coñecemos como protagonista dalgúns dos contos da biblioteca, achegáronse a Chapela para participar nun taller de creación de libros ilustrados.

Soños de algodón é o título dun libro que crearon entre Amalia e Alba ao longo dun inverno chuvioso. Ilustráronno con moito mimo e con moita elegancia, e enchéronno de ideas máxicas e fermosas sobre a visión e a valoración de un mesmo.

Amalia Pérez Otero e Alba Grimaldi, explican como se compón un libro

A partir deste libro, os rapaces elaboraron os seus propios álbumes, no que repetirían a idea de sí mesmos, como soñarían con transformarse en moitas cousas, pero... ningunha nos satisfará tanto como ser nós mesmos. Non é unha idea fermosa?

Amalia amosa o seu álbum cara aos participantes

As creacións que saíron do obradoiro foron fantásticas, e a propia autora saíu moi sorprendida do nivel artístico e creativo que teñen os cativos de Chapela. Bravo por eles!

Os participantes escoitan as instruccións de Amalia

 Como se trataba dun obradoiro moi doce, tamén houbo reparto de lambetadas. E ao final, un dos participantes recibiu a sorte de levar o libro consigo. De seguro lle gustará moito!

Con esta actividade celebramos en Chapela o  

7º Aniversario da nosa biblioteca!  

Os rapaces traballan nas súas creacións

Estamos moi felices de seguir cumplindo anos, e de contar coa axuda da Concellería de Cultura do Concello de Redondela e mais do programa Letras Vivas da Xunta de Galicia, para axudarnos a facer estas actividades que tanto éxito teñen.

Parabéns para todos!

Noelia le o seu conto, escrito e ilustrado por ela mesma

O noso amigo Miguel foi agraciado co libro "Soños de algodón"

• Aquí podedes ver a nova en Radio Redondela.