Blog das Bibliotecas Municipais de Redondela (en construción)

Aquí

AVISO: Próximos días de peches das bibliotecas de Redondela

 

Os libros que máis lle prestan a.... Anxo Angueira

 

Como xa sabedes, mensualmente o SNL do concello de Redondela estase a poñer en contacto con distintos/as creadores/as e persoas das letras para pescudar sobre as súas preferencias literarias e os libros que máis lles marcaron ao longo da súa vida.

Neste  mes de xullo é Anxo Angueira, presidente da Fundación Rosalía de Castro o convidado. En varias ocasións, nestes últimos anos, estivo en Redondela participando en actividades arredor da nosa escritora nacional. Ademais encargouse da edición de varios poemarios e publicou numerosos artigos sobre Rosalía. Sen dúbida é un dos grandes promotores e divulgadores da vida e obra rosalianas.

Aquí podedes acceder á entrevista no blogue do Servizo de Normalización Lingüística de Redondela

As bibliotecas poñemos o noso pequeno gran de area nesta preciosa iniciativa , colocando cada mes, nas nosas salas de lectura, un centro de interese coas obras dos escritores que máis lle prestan ao autor/autora do mes.

A exposición "Xela Arias e as palabras", do CEIP Porto Cabeiro, agora na Biblioteca Xela Arias!

 

A exposición na sala infantil da Biblioteca Xela Arias

Xela Arias e as palabras é o título do proxecto didáctico co que o redondelán CEIP Plurilingüe Porto Cabeiro resultou gañador, dentro da categoría de centros de Primaria, no Concurso-Exposición arredor da autora homenaxeada polas Letras Galegas 2021 que organizaba a Secretaría Xeral de Política Lingüística da Xunta de Galicia. 

 

 

A comisión de valoración encargada de resolver a convocatoria salientou a “orixinalidade e creatividade, pola beleza estética e pola diversidade das técnicas empregadas na procura de difundir a vida e a obra de Xela Arias entre o público máis novo”.

Froito deste proxecto didáctico, o alumnado do centro elaborou 10 fermosos e orixinais carteis para difundir a vida, a obra e o traballo da poeta, editora e tradutora a prol da nosa lingua e a difusión da cultura.

 

Agora eses carteis podédelos ver no mellor sitio posible: na biblioteca que leva o nome da nosa querida autora, en Chapela. 

Dende hoxe dánlle vida e embelecen a sala infantil da mesma.

 

Moitas grazas ao CEIP Porto Cabeiro e parabéns por ser merecedores dese premio! Grazas por darlle vida a Xela Arias coa vosa creatividade, e grazas por cedernos o voso traballo para a biblioteca.

#XelaArias2021

#RedondelaconXela

#DíaLetrasGalegas21

#LetrasGalegas2021

Buscando e atopando a Xela Arias e a súa biblioteca

💟 Emocionados que estamos coa xentileza do 🔸 CPR María Inmaculada (Verín),  🔸 CEIP Xunqueira 1 (Pontevedra),  🔸 Colexio de Verducido (Pontevedra), 🔸 Colexio de Campañó (Pontevedra),  🔸 CPI Curros Enríquez de Pazos de Borbén, 🔸 C.R.A. Monterrei (Ourense),  🔸 Santa María do Castro (Boiro),  🔸 CEIP de Quiroga (Lugo) e 🔸 O Ruxidoiro (A Valenza-Ourense) 🔸 CPR Colexio Vigo (Redondela)  que, non soamente, buscaron e atoparon a Xela a través da visita virtual á Biblioteca P.M. Xela Arias de Chapela (Redondela), senón que nos enviaron as fotografías que dan fe dese encontro que sabemos foi moi, moi grato. 

CEIP de Quiroga (Lugo)

Colexio de Verducido (Pontevedra)

CPI Curros Enríquez (Pazos de Borbén)

Colexio de Campañó (Pontevedra)

 

CEIP Ruxidoiro (A Valenza, Ourense)

CEIP de Quiroga (Lugo) 2

CEIP Santa María do Castro (Boiro)

 

 

C.R.A. Monterrei (Ourense)

CPI Curros Enríquez (Pazos de Borbén)

CPR María Inmaculada (Verín)

 

CPR Colexio Vigo (Redondela)

Ademáis, onte as Bibliotecas Municipais de Redondela recibimos un agasallo moi fermoso. É o traballo dunha nena dun cole de Vigo: mandoullo a Raquel Queizás a súa nai e Raquel a nós.

 É un debuxo no que sae a nosa Biblioteca Xela Arias de Chapela debuxada como se fose unha casiña de conto…

 

A autora chamase Alba, ten 10 anos, e estuda no Centro Dr Fleming de Vigo.

✅ MOITAS GRAZAS A TOD@S QUE COMO NÓS… 💖 XELA ARIAS!

“Xela a Diario. O poema sodes vós”

✴ Aquí tedes o podcast deste programa tan especial que se emitiu no día de onte a través das ondas de Radio Redondela no que, despois de seis semanas repasando a diario a vida e obra de Xela Arias con persoeiros da cultura e das letras, contamos coa participación de alumnos/as e mestres/as de diferentes centros de ensino que puxeron voz á poesía de Xela. Foron o Club de Lectura do IES Illa de San Simón, o CEIP de Laredo, o CEIP de Cedeira, o CEIP Porto Cabeiro e o CEIP Josefa Alonso de Matamá (Vigo).

✴  Con este broche de ouro, de 120 voces proclamando os versos de Xela Arias, púxose punto e final ao programa “Xela a diario” organizado polas Bibliotecas Municipais de Redondela, coa colaboración de Radio Redondela, e coordinado e conducido pola dinamizadora cultural Ana Facchini.

Que o gocedes❗️

#XelaADiario

#XelaArias2021

#XelaAriasRadio

#RedondelaconXela

#DíaLetrasGalegas21

#LetrasGalegas2021

Xela na Voz Amiga de... Darío Gil Arias

 

✴  Achégase o Día grande das nosas letras. Onte contamos cos recordos de Amparo Castaño, nai de Xela Arias. Hoxe coa voz do seu fillo, Darío Gil, nun dos últimos programas de “Xela a diario”.

Un espazo moi especial que inclúe un ✴ agasallo musical: Marcos Acuña, de Truque Matruque, pon música e voz a un poema de Xela. Moitísimas grazas! 💗

 

Aquí, na web de Radio Redondela

 

 

#XelaADiario

#XelaArias2021

#XelaAriasRadio

#RedondelaconXela

#DíaLetrasGalegas21

#LetrasGalegas2021

 

Unha biblioteca para Xela Arias

 

No ano 2018 Redondela recoñeceu a figura da poeta Xela Arias ao poñer o seu nome a unha das súas bibliotecas municipais.

Nese ano, o Concello de Redondela convidara á cidadanía a participar na elección dun nome para a Biblioteca situada no Multiúsos do Piñeiral do Crego, na parroquia de Chapela.

Foi o nome de Xela Arias, proposto pola biblioteca do IES Chapela, instituto no que ela deu clases, o escollido entre varias suxestións de nomes de persoeiros vencellados á literatura e mais á lingua galega que foron achegados pola veciñanza. A escolla recibiu a aprobación unánime do Pleno municipal en novembro dese ano.

Nunha cerimonia que tivo lugar xa no 2019, distintas autoridades descubriron a placa conmemorativa que asignaba o nome de "Biblioteca Pública Municipal Xela Arias" á biblioteca de Chapela. Ademáis un mural lembra á escritora na entrada interior da biblioteca, en cuxa fachada tamén se gravou o nome de Xela.

Ao acto asistiran entre outros Manuel Bragado, pedagogo, escritor e vencellado á editorial Xerais, da que foi o seu director durante 24 anos, unha representación do IES de Chapela, onde Xela Arias levou a cabo labores docentes e tamén o fillo, a nai e mais un irmán da poetisa falecida en 2003.

Cerimonia nomeamento da biblioteca Xela Arias.
Fotografía Atlántico Diario

Familiares de Xela Arias na cerimonia de nomeamento da biblioteca.
Fotografía de Alba Villar, para Faro de Vigo

Por iso este ano as bibliotecas de Redondela están a promover con especial intensidade a celebración das Letras Galegas, cunha serie de actividades desenvolvidas con moitísimo agarimo e admiración cara o persoeiro á que van adicadas:

- O programa radiofónico "Xela a diario", coordinado e conducido pola dinamizadora cultural Ana Facchini.

- O encontro virtual cos centros de ensino superior de Redondela ao redor da figura da autora lucense, coa participación da filóloga Chus Nogueira e mais Darío Gil, o fillo de Xela Arias.

- O vídeo “Buscando a Xela”, videovisita á biblioteca para coñecer á escritora, coa dirección e interpretación de Raquel Queizás e a gravación de Fernando Carreira.

Grazas, Xela, polo teu legado e por significar tanto para a cultura galega. Grazas polo vencello que te une ás nosas bibliotecas municipais.

• Ligazón ao vídeo Buscando a Xela.
• Ligazón aos programas de abril  e maio de Xela a Diario. 

#XelaADiario

#XelaArias2021

#XelaAriasRadio

#RedondelaconXela

#DíaLetrasGalegas21

#LetrasGalegas2021

Xela na Voz Amiga de… Amparo Castaño

 ✴Marabilloso programa o que nos regalan hoxe Ana Facchini e as ondas de Radio Redondela a través do programa “Xela a Diario. Voces Amigas”, organizado polas Bibliotecas Municipais de Redondela.

✴Unha honra contar coas lembranzas e as palabras de Amparo Castaño, nai de Xela Arias. 

Moitísimas grazas pola túa afabilidade e cariño, Amparo, e por compartir a Xela con todos nós

Aquí, na web de Radio Redondela

 

#XelaADiario

#XelaArias2021

#XelaAriasRadio

#RedondelaconXela

#DíaLetrasGalegas21

#LetrasGalegas2021

Biblioteca Xela Arias-O desenlace: "Buscando a Xela: visita virtual á Biblioteca Xela Arias de Chapela"

Velaquí está! Misterio resolto!

Compracémonos en presentarvos o vídeo completo de "Buscando a Xela": visita virtual á Biblioteca Xela Arias de Chapela. 

Unha videovisita á nosa biblioteca situada en Chapela, que leva o nome de Xela Arias, e que festexa así este ano especial dedicado á escritora.

O vídeo paga a pena. Dura uns 10 minutos... pero pásanse voando!, xa que a narración do mesmo é dinámica, con misterio e efectos moi divertidos.

Veremos a biblioteca e coñeceremos moito sobre a figura literaria da escritora.

Agardamos que vos guste, xa que está feito con moito entusiasmo e agarimo. Conta coa dirección, guión e interpretación de Raquel Queizás, e a gravación de Fernando Carreira.

Podedes velo aquí:

Neste ano en que as Letras Galegas se lle adican á poeta e tradutora Xela Arias, as bibliotecas municipais de Redondela estamos comprometidas como nunca coa celebración desta festa do noso calendario literario.

Xela na Voz Amiga de… Mónica Soto

 

✴️Unha alegría contar de novo con Mónica Soto en “Xela a Diario” neste caso dentro de “Voces Amigas”. Mónica é mestra e amiga de Xela Arias

Aquí, na web de Radio Redondela

 

#XelaADiario

#XelaArias2021

#XelaAriasRadio

#RedondelaconXela

#DíaLetrasGalegas21

#LetrasGalegas2021

Xela na Voz Amiga de… Cristal Méndez

 

✴️Hoxe, na Voz Amiga de “Xela a Diario”, contamos coa participación de Cristal Méndez Queizán, poeta e cantante.

Aquí, na web de Radio Redondela

#XelaADiario

#XelaArias2021

#XelaAriasRadio

#RedondelaconXela

#DíaLetrasGalegas21

#LetrasGalegas2021