As bibliotecas de Redondela converten en virtuais os seus clubs de lectura

 As bibliotecas de Redondela  converten en virtuais os seus clubs de lectura por mor da pandemia

 

❎As bibliotecas municipais de Redondela contan con dous clubs de lectura para público adulto que se reúnen, presencial e mensualmente, na Biblioteca P. M. Valle-Inclán de Redondela e na Biblioteca P. M. Xela Arias (Chapela-Redondela).

 

❎Con xa 11 anos de historia,  ambos os clubs terían que dar inicio  a súa nova tempada o pasado mes de setembro pero,debido ás restricións imperantes, non foi posible .

❎Ante a incerteza,  decidiuse acudir á virtualidade ata que a situación permita a presencialidade dos seus membros. 

 

❎Os  clubs, na súa versión telemática, manterán as datas de debate xa fixadas para que os encontros conserven o seu dinamismo e facilitar a asistencia dos participantes.

 

👉Hoxe, será a "xuntanza" do primeiro grupo e o luns a a seguinte, ambas ás 20:15 h.

👉A lectura protagonista: "Las lealtades"

 

#asnosasbibliotecas

 

 

Contos pola Radio para Gianni Rodari

 Tachaaan!!! Misterio desvelado:  aquí deixámosvos os contos de Gianni Rodari que se emitiron o día de onte a través das ondas de Radio Redondela. 

Con eles celebramos no día de hoxe o centenario do autor e o Día das Bibliotecas como vos comentabamos nun post anterior.

Están marabillosamente locutados por:

 ✅Ana Gesteira (Arquivo Municipal de Redondela) e Mario:  "O paseo dun despistado"

✅Cristina Garabatos, Coodinadora da Biblioteca IES de Chapela: "Alicia Caediza"

✅Cote Reboredo (Bibliotecas Municipais de Redondela) e Ana

✅con introdución de Gustavo, usuario das bibliotecas

Aquí a ligazón aos contos 

Aquí o audio completo da sección, cunha pequena introdución sobre o autor 

#asnosasbibliotecas

#bibliotecaslugaresseguros

#RadioRedondela
#DíaDasBibliotecas

Contos pola radio e máis

🔹Coa coincidencia da data do 100 aniversario de Gianni Rodari (23 de outubro) e do Día das Bibliotecas (24 de outubro), as Bibliotecas de Redondela, coa colaboración da Radio Municipal, conmemoraremos ambas efemérides coa actividade “Contos pola radio” .

🔹Tres persoas do municipio, relacionadas profesionalmente co mundo do Libro, lerán, a través das ondas radiofónicas de Radio Redondela, tres das historias de “Contos por teléfono” na súa edición en galego da editorial Kalandraka. Duas delas, en referencia ao arranque do libro, farano acompañadas polos seus fillos.

 
🔹Esta emisión poderá escoitarse a posteriori, nas redes sociais da radio municipal e das bibliotecas.
 
👉Data de emisión: 22 de outubro,  dentro da sección #LiteraturaNasOndas do programa matinal “A Estación”

 

  

  

Así mesmo, a nosa conmemoración conxunta se continua cuns centros de interese cos libros infantís do autor e de obras onde as bibliotecas son protagonistas.

Un teléfono e máquinas de escribir "último modelo"centran a exposición en referencia aos libros "Contos por teléfono" e "Cuentos escritos a máquina"

 

(Fotografías na Biblioteca Xela Arias de Chapela é na Biblioteca Valle-Inclán de Redondela.)

#asnosasbibliotecas

#bibliotecaslugaresseguros

#RadioRedondela
#DíaDasBibliotecas

 

Actividades polo Día das Bibliotecas na web de BAMAD

"As escritoras sempre nas nosas lecturas": Día das escritoras nas Bibliotecas de Redondela

 O "Día de las Escritoras" trátase dunha conmemoración iniciada en España no 2016 para recuperar o legado das escritoras, facer visible o traballo das mulleres na literatura e combater a discriminación que sufriron ao longo da historia. 

 

   A celebración, de carácter anual, convócase o luns máis próximo ao 15 de outubro, festividade de Teresa de Jesús. Para iso, sempre se leva a cabo un acto de homenaxe promovido pola Biblioteca Nacional de España (BNE), a Federación Española de Mujeres Directivas, Ejecutivas, Profesionales y Empresarias (FEDEPE) e a Asociación Clásicas y Modernas (CyM).

 

 Este luns  19 de outubro celebrarase na Biblioteca Nacional  a V edición que conta co comisariado da escritora Elvira Lindo, quen elixiu o tema O esforzo cotián das mulleres, en torno ao cal vira a selección dos textos e as autoras.

Leranse fragmentos de obras das seguintes escritoras: Teresa de Jesús, Rosalía de Castro, Dulce María Loynaz, Blanca Varela, Errose Bustintza (Mañariko), Elena Fortún, Sor Juana Inés de la Cruz, Ana María Matute, Josefina Carabias, Pura Vázquez, Luisa Carnés, Gloria Fuertes, Mercè Rodoreda, Idea Vilariño, Circe Maia, Emilia Pardo Bazán, Victorina Durán, Ida Vitale, Carmen Baroja y Nessi e Concha Méndez.

   Este ano as Bibliotecas Municipais de Redondela unímonos á celebración cuns marcapáxinas, realizados polo persoal das mesmas, con algúns dos textos que se van  ler o día 19 na Biblioteca Nacional.

    Ese día, e ata esgotar existencias, regalaranse ás persoas que fagan uso do servizo de préstamo na Biblioteca P. M. Valle-Inclán de Redondela e na Biblioteca P. M. Xelas Arias de Chapela-Redondela.

  Tamén vos deixamos aquí a ligazón aos mesmos en .pdf para que poidades descargalos e imprimir os modelos que máis vos gusten.

 

  A nosa actividade recollida na web da BNE adicada a esta conmemoración

 

 

 #DíadelasEscritoras

 

Novas prazas nos Clubs de Lectura de adultos

👉Convocatoria de NOVAS PRAZAS NOS CLUBS DE LECTURA DE ADULTOS DAS BIBLIOTECAS MUNICIPAIS DE REDONDELA: 

 

🔹No Club de Lectura na biblioteca de Redondela: 3 prazas 

🔹No Club de Lectura na biblioteca de Chapela: 5 prazas 

📍 Prazas limitadas. Con todas as medidas de seguridade e hixiene 

📍 Información e inscrición nas respectivas bibliotecas (Redondela: 986 40 15 61/Chapela: 986 45 42 26 )

#bibliotecaslugaresseguros