MPK magazine 02

Xa está na Biblioteca e nas rúas de Vigo o NÚMERO 2 da revista cultural e de entretemento MPK MAGAZINE.

Editada pola asociación cultural MPK e de tirada estacional, distribúese a través dos seus "Puntos de Lectura" que se poden consultar na súa páxina web:www.mpkmagazine.com onde figuran locais tan emblemáticos do barrio vello vigués como A Pedra, A Lareira, A Pintxoteca, El Águila, Lobo do Mar etc.. A este respecto, Óscar Torres director e impulsador do proxecto di: “Somos unha revista pequena, cun presuposto moi axustado e que non pode permitirse grandes tiradas, polo que optamos por imprimir un número reducido de exemplares e distribuílos entre os nosos puntos de lectura, xeralmente negocios de restauración.” 

Aínda que a revista impresa é unicamente distribuída en galego, a páxina web da asociación tamén ofrece a posibilidade de lectura e descarga en castelán para os lectores de fóra da comunidade autónoma.

MPK nace segundo os seus creadores, da necesidade de cubrir un oco na cultura viguesa de editar e potenciar unha revista cultural en galego. A súa finalidade non é outra que a entreter e achegar ao lector as tendencias culturais do momento, tanto de dentro coma de fóra de Galicia.

Páxina web: www.mpkmagazine.com

Facebook: https://www.facebook.com/MPKmagazine
Twitter: @MPKmagazine
Correo: MPKmagazine@gmail.com

MPK magazine

A asociación cultural sen ánimo de lucro Parapsipunk comprácese en presentarvos " MPK magazine", unha revista cultural gratuita pensada para achegar á escena galega as tendencias artísticas e creativas do mundo. 

O idioma aquí non é unha barreira se non un catalizador á multiculturalidade.

Visita o seu Web e verás os Puntos de Lectura (dentro de dous días xa o teremos dispoñible nas Bibliotecas de Redondela) ademais tes a opción de lectura e descarga OnLine tanto en castelán como en galego.

http://parapsipunk.blogspot.com.es/

MPK magazine é deseño, entretenimiento e opinión.

Non cho perdas!

Dirección: Óscar Torres

Subdirección: Diana González

Redactora xefe: Carolina Aguilera

A xogar!!!!!!!!

 

 Xa tes dispoñible nas nosas bibliotecas Arume Xogal, un  xogo de mesa coñecido como “O trivial galego”, que avalía, a través do sistema de  pregunta/resposta,  os nosos coñecementos sobre  Galicia.

Contén preguntas de temática xeral (historia, literatura, lendas, xeografía e natureza, arte e cultura, localidades) e específicas (léxico e ortografía).

O mecanismo do xogo consiste en completar o percorrido por un petroglifo, avanzando a medida que se responden preguntas do tema correspondente. Todo o xogo utiliza a simboloxía celta.

 É recomendado para maiores de 15 anos.

Sobre o xogo en "La Región"