LiteraTour

Dentro duns días teredes dispoñible na Biblioteca Municipal o xogo,  LiteraTour

LiteraTour é un xogo de mesa  entretido e educativo. Ten diferentes niveis de complexidade e con el poderás demostrar os teus coñecementos literarios. 

 Existen varias modalidades de xogo: a tradicional, similar ao clásico parchís, e a avanzada, que incorpora preguntas e retos que dinamizan e complican un pouco cada partida. Hai preguntas e retos de diferentes niveis para que tanto grandes como pequenos teñan a oportunidade de xogar.

Os  tres modos de xogo: 
 -Usar o taboleiro como un parchís clásico. 
-Xogar coas tarxetas de PREGUNTA e RETO. 
-Xogar só coas tarxetas de PREGUNTA.

O futbolín e a música tradicional fanse óco entre os máis cativos na Biblioteca de Chapela

Este venres na Biblioteca de Chapela gozamos de novas actividades co programa Leolo mergúllase en Galicia, da man do divertidísimo alumnado de Educación Infantil do IES Chapela, que nos agasallou con actividades moi interesantes, divertidas e novidosas para pasalo ben e aprender moitas cousas.

Aquí podedes ver o álbum de fotos da actividade

En primeiro lugar, coñecemos algúns dos aspectos máis salientables do noso folklore.



Logo de coñecer que o futbolín foi un exitoso invento que Galicia exportou a todo o mundo, probamos a xogar a un futbolín moi especial: un futbolín-humano.



E despóis do futbolín, recibimos as nosas medallas aos mellores xogadores.


Na segunda parte da sesión achegámonos á música.
Coñecemos algúns instrumentos tradicionais.

 E tocamos música xuntos.


E bailamos a muiñeira, pero, non de calquera xeito...

bailámola cos pes descalzos ¡e deixando as nosas pegadas de cores nun papel xigante!

Graciñas ás nosas animadoras desta sesión, por traernos esta xornada tan intensa e divertida. Agardámosvos sempre na biblioteca!