O Blogue de Literaturas Irmás-Irmãs

O proxecto Literaturas Irmás/Irmãs 

ten blogue propio 

PICA AQUÍ para acceder ao blogue

Este proxecto, como ben sabedes, pretende visibilizar a cooperación existente entre as dúas rexións (Portugal e Galiza) a través da promoción de libros en galego en bibliotecas portuguesas e libros en portugués en bibliotecas galegas, para que os usuarios das mesmas en ámbolos dous lados do Miño poidan gozar da riqueza das dúas literaturas.

 En xuño de 2018, unha representación cultural do concello de Redondela, das bibliotecas municipais e mais a mentora do proxecto, Tania Lago, desprazouse á vila portuguesa de Monção para dar comezo a unha colaboración entre as bibliotecas dos dous municipios, dentro desta iniciativa. 

 No blogue podedes atopar aos autores que protagonizan os centros de interese que se colocan  nas bibliotecas de cada municipio referentes a un autor galego, no caso da de Monçao, e a un autor portugués nas de Redondela. Así mesmo cada mes e medio atoparedes unha recomendación por parte dun axente cultural e de cidadáns en xeral  de cada localidade dunha obra en lingua galega e portuguesa.

 Non esquezades que Literaturas Irmás-Irmãs tamén ten presenza en Instagram desde o ano 2018

Estes instrumentos que crean lazos entre municipios, entre bibliotecas, entre cidadáns, están xestionados con creatividade, bo gusto e profesionalidade por Tania Lago, á que desde aquí enviamos o noso máis caloroso agradecemento.

Captura libros con Leolo Go!

Captura libros por Redondela con LEOLO GO! 

Trátase dunha actividade organizada pola Asociación de Amigos das Biliotecas de Redondela, coa finalidade de fomentar a lectura entre os rapazes da vila. 
Os participantes, de entre 6 e 16 anos, deberán vir provistos dun dispositivo eléctronico con conexión a Internet.

Ler legal e dixital. GaliciaLe

Presentación  da plataforma de préstamo de libros electrónicos, GaliciaLe

ATLÁNTICO DIARIO

FARO DE VIGO

Presentación da plataforma de préstamo de libros electrónicos, GaliciaLe, en Redondela

O secretario xeral de Cultura, D. Anxo M. Lorenzo Suárez, presentará o próximo luns, 20 de abril, ás 20:00 h. na Casa da Cultura, a plataforma  de préstamo delibros electrónicos, GaliciaLe,  en Redondela dentro das actividades da VII Semana do Libro, a Festa das Palabras programadas polas bibliotecas municipais e o Servizo de Normalización Lingüística de Redondela,  en conmemoración do Día do Libro

GaliciaLe é a plataforma de lectura electrónica da Rede de Bibliotecas Públicas de Galicia. A través dela os usuarios das bibliotecas  poden acceder a un dobre catálogo de títulos (en galego e castelán) dispoñibles en formato electrónico e con dúas modalidades de lectura: en  streaming  ou mediante descarga en dispositivos compatibles: tabletas, teléfonos móviles, ordenadores persoais e lectores de libros electrónicos.

Os únicos requisitos para facer uso deste servizo son ter carné de usuario nalgunha das 391 bibliotecas que compoñen a Rede de Bibliotecas de Galicia, e rexistrarse previamente no propio portal de GaliciaLe.

LIBREANDO, novo blog dos Amigos das Bibliotecas

Os Amigos das  Bibliotecas Municipais Redondela inaguran un novo blog

 LIBREANDO, en palabras da Asociación "non é unha bitácora na que ir subindo novas –todas elas interesantísimas  ;) – senón un lugar de encontro de lectores, un espazo no que todos poidamos verter as nosas vehementes recomendacións e críticas descarnadas. 

Todos os meses faremos unha nova entrada na que poderedes atopar: "Redondela recomenda..." Un dos nosos veciños dará un título e unha razón pola que non deberiamos deixar de lelo. Aproveitamos para das as grazas ao noso flamante valente número un ¡¡¡Graciñas Pablo!!! 

Dúas recomendacións feitas desde a Asociación –vale, cun pouquiño de axuda ultra secreta– extraídas dos fondos das nosas dúas bibliotecas. 

Aí vos queda o enlace... ¡¡¡A ver que vos parece!!!!"

http://libreandoblog.blogspot.com.es/

Arquivo Audiovisual do Concello de Redondela

Remitimos unha nova de moito interese. 

 O Arquivo municipal de Redondela acaba de poñer en marcha un novo proxecto: o Arquivo Audiovisual do Concello de Redondela. Este pretende recoller fotografías e vídeos da nosa vila que podan ser de interese como documentos a conservar. O plantexamento é recoller as fotografías, vídeos ou documentos que están nas casas para poder escanealos, clasificalos e volcalos na páxina web, sempre facendo constar a propiedade de cada fotografía ou vídeo, e devolvendo os orixinais ó final da dixitalización. 

No caso de que contedes con material que vos gustaría aportar ou que esteades interesados, só tedes que poñervos en contacto co Arquivo municipal: no teléfono 986400300, na dirección de Correo arquivoaudiovisual@redondela.es, ou nas Oficinas municipais. 

No facebook:  https://www.facebook.com/ArquivoaudiovisualConcelloRedondela

Dámosvos as grazas a todos, de antemán, de parte dos responsables do Arquivo.

GaliciaLe, xa operativa nas bibliotecas de Redondela

Xa está operativa nas nosas bibliotecas a plataforma de préstamo de libros electrónicos GaliciaLe. Esta plataforma ofrece dous catálogos, un de obras en galego e outro de obras en castelán, de temática diversa (ficción, informática, historia…). Para acceder ao servizo de préstamo a través de GaliciaLe só é preciso ser usuario/a con carné dunha das bibliotecas da Rede de Bibliotecas Públicas de Galicia. A lectura (en streaming ou mediante descarga) pode facerse nos diferentes dispositivos compatibles: teléfono móbil, tableta, ordenador persoal ou lector de libro electrónico. Poderás tomar en préstamo ata un máximo de dous libros en cada catálogo (dous no catálogo do libro en galego e outros dous no catálogo do libro en castelán) que estarán á túa disposición durante un prazo de 21 días. Se a obra ou obras que buscas están prestadas, poderás solicitalas en reserva (ata un máximo de dous).

Tedes toda a información neste e neste titorial

Aportación da editorial galega OQO a GaliciaLe

Visita o vídeo de presentación de GaliciaLe

Novos equipos informáticos para as nosas bibliotecas municipais

As Bibliotecas de Redondela estamos moi contentas! Dende esta semana contamos con equipamento informático novo, tanto na Biblioteca de Redondela como na Biblioteca de Chapela.

• 6 equipos novos na Biblioteca P. Municipal Valle-Inclán de Redondela:

Novos ordenadores na Biblioteca de Redondela

•  6 equipos novos na Biblioteca Axencia de Lectura Municipal de Chapela:

Novos ordenadores na Biblioteca de Chapela, recibindo a última revisión por parte do técnico

A xestión do equipamento débese ao Departamento de Novas Tecnoloxías do Concello de Redondela. Dende as bibliotecas municipais queremos agradecer a Olalla, a Fátima, a Luis e mais a Joaquín, de dito departamento, pola súa inestimable colaboración e axuda.

Nos equipos podedes atopar:

- Ferramentas de Ofimática, con Open Office.

- Ferrramentas para visionado (IrfanView) e edición de fotografías (Gimp).

- Acceso a Internet.

- Acceso aos CATÁLOGOS das respectivas bibliotecas:

Catálogos das bibliotecas de Chapela e mais de Redondela.

- Acceso á enciclopedia escolar Canal Océano Junior, á que estamos suscritas as bibliotecas municipais de Redondela.

 

- Acceso á enciclopedia escolar Aula Planeta, á que tamén estamos suscritas as bibliotecas municipais de Redondela.

O novo "Chocos e lectores"

Presentámosvos o novo deseño do blog dos nosos clubs de lectura de adultos Chocos e lectores, obra do coordinador dos mesmos, Jerónimo Pomares; un lugar cheo de pequenas e grandes sorpresas literarias. O novo deseño é moito máis limpo, útil  e fácil para navegar por os seus contidos.

A mergullarse nel!

Mapa interactivo de ebiblio por comunidades autónomas

"Desde Baratz nos llega ahora un mapa interactivo sobre la implantación y puesta en funcionamiento de la plataforma de préstamo de libros electrónicos en las diversas Comunidades Autónomas"

Moitas grazas a QUEFACER!

Quédanos pouco tempo dunha magnífica ferramenta que día a día informaba a todos os nosos usuarios no blog, das actividades tanto da biblioteca como das de outros usuarios que tomaban parte neste buscador e informador de eventos que é QUEFACER. 

A partir do 1 de xuño, por problemas de financiamento, esta web vese obrigada a pechar.

 Dende aquí querémosvos agradecer o excelente e profesional servizo que prestastes e, ogallá!, isto non sexa unha despedida senón un ata logo! Moitas, moitas grazas, destes Eventureiros!

De Amor e de Palabras

Na biblioteca pensamos que o Amor é un sentimento universal e que enriquece e da felicidade a todos os seres humanos. 

O 14 de Febreiro, adicado a San Valentín, deu en celebrarse como o Día dos Namorados. Aínda que hoxe se critica como un invento para promover o consumismo, en realidade as súas orixes son antigas (século III, durante o Imperio Romano), e as tradicións populares relacionadas coa festividade se veñen estendendo polos países europeos dende o século XVII.

Ainda que sabemos que todo o ano debe ser "San Valentín", porque as demostracións de amor e mais de afecto non deben ter data prefixada, queremos facer un guiño a esta efeméride para achegarnos á poesía.

Pedimos a vosa participación para encher o noso muro de Facebook de poemas de amor: os que máis vos gusten, os que atopedes máis románticos, máis sensibles, máis graciosos ou, por que non?, máis ridículos...

Consideraremos o amor no seu sentido amplo, así que, ademáis do amor romántico ou erótico, tamén podedes recoller o amor fraternal, filial, materno, paterno... nos vosos poemas.

Pedímosvos que continuedes esta nota para incorporar nela os poemas de amor que nos propoñades. Poden ser poemas famosos, publicados por autores recoñecidos, pero tamén os vosos propios versos, se é que tedes vos apetece aventurarvos no mundo da creación poética.

Dende o venres 7 de Febreiro e ata o venres 14 de Febreiro, todo o día, animámosvos a subir as vosas propostas poéticas.

Entre todos os que participedes sortearemos un pequeno agasallo, formado por un fermoso poemario de Juana Inés de la Cruz e mais un elegante marcapáxinas. O luns 17 daremos a coñecer ao agraciado co premio.

AS "INSTRUCCIÓNS" A SEGUIR:

- Os poemas poderán ser en galego, en castelán e tamén en inglés.

- Pedimos que os encabecedes co título do poema e mais o nome do autor (o nome ou seudónimo co que é coñecido ou, no caso de selo, "anónimo").
- Poderán ser poemas de autores recoñecidos, pero tamén as vosas propias creacións.
- Agradecémosvos que non superen os 40 versos.
- Indicarédelos en mensaxes continuando a nota que puxemos (ver AQUÍ).
- Podedes participar con máis dun poema, pero cada un dos participantes contará unha soa vez para o noso sorteo.

Para animarvos, imos poñer nós os tres primeiros exemplos, cada un deles nunha das linguas sinaladas.

E agora... atrevédesvos a facerlle un canto ao amor?

Os perigos de internet

O Valedor do Pobo e a Consellería de Traballo e Benestar lanzaron a primeira edición do cómic Os perigos de internet, unha historieta que pretende achegar por medio das vivencias dunha familia con fillos adolescentes as ameazas reais que se poden atopar os menores de idade no uso das tecnoloxías e de que xeito os seus comportamentos poden chegar alterar a convivencia normal nos seus fogares.

    Podes descargalo aquí

O Arquivo Municipal no facebook

O Arquivo do Concello de Redondela xa ten perfil no facebook!

Xa sodes amigos? Non? 

Picade na imaxe para acceder ao perfil

O Blog dos "Amigos del Libro Infantil y Juvenil"

I Feira Virtual do Libro

A I Feira Virtual do Libro, a primeira exclusivamente online sobre o libro que se celebra no mundo, arrincou coa participación de 31 expositores e máis de 30 actividades programadas.

Un dos principais atractivos é que os visitantes poden visitar o recinto e as casetas virtuais as 24 horas desde calquera parte do mundo do 6 ao 11 de marzo, facer consultas aos expositores a través dun chat, e participar nos talleres e encontros cos autores sen necesidade de desprazarse nin esperar colas, simplemente a través dun computador con conexión a internet.

Ademais das actividades programadas, celebraranse outros encontros dixitais a través de webinar ou videoconferencia con Rubén Turienzo, experto en Coaching e Influencia Social e autor de varios libros de éxito sobre esta temática (mércores 7 de marzo, ás 12 horas); con Silvano Gozzer, especialista en edición dixital (mércores 7 de marzo, ás 17 horas) e un encontro conxunto cos autores de best sellers Juan Gómez-Xurado e Manel Loureiro, coñecidos como o Ken Follet español e o Stephen King español respectivamente (o venres 9 de marzo ás 17 horas). Nestes encontros, os visitantes poderán enviar as súas preguntas a través do chat e os autores contestaranas en directo a través da cámara.

Ademais, ao longo da semana, celebraranse talleres literarios para aprender a escribir un libro, a maquetarlo, a deseñar a portada ou ata a auto publicalo de forma gratuíta, e charlas sobre os premios literarios, as licenzas, tipografías, ebooks ou servizos de tradución, entre outros.

Modelos lectores

Unha aplicación permitirá a interacción con 8.215 bibliotecas españolas a través do móbil

A Subdirección Xeral de Coordinación Bibliotecaria presenta o servizo gratuíto de realidade aumentada georeferenciada e en tempo real para móbiles Smartphones ANDROID, IPHONE ou SYMBIAN cunha capa de información dixital sobre bibliotecas españolas

Guía do usuario

eTinta

Non, non. A tinta electrónica non se consegue mandando á cadeira eléctrica ás pobres luras. Tampouco o ides a conseguir inxertando uvas tintas con letras E.
O proceso é moito máis interesante e baséase en procesos eléctricos razoablemente fáciles de comprender.
 

 

E, claro, como é a base dos ebooks e queredes estar á última, pómosvos como deberes para o finde ver os seguintes vídeos:1 e 2

Teatro.es

O portal de Internet'Teatro.es',  permitirá o acceso a 40.000 fichas de estreas, 180.000 fotografías, 15.000 caricaturas e máis de medio millón de noticias relacionadas coas artes escénicas de preto de 7.000 espazos, compañías, empresas, editoriais ou premios.

Este proxecto, iniciativa do Instituto Nacional das Artes Escénicas e da Música (INAEM), ofrecerá aos usuarios, a través do Centro de Documentación Teatral (CDT), diversos produtos e recursos co obxectivo de converterse nunha web de referencia dentro deste ámbito.

Destacan  os proxectos divulgativos, como 'Teatro para ti', unha serie dirixida aos estudantes de secundaria sobre as obras fundamentais do teatro español; ou 'Teatro sen barreiras', que dará acceso ás nosas gravacións a persoas con dificultades auditivas ou de visión e as nosas canles temáticas sobre aspectos concretos da actividade teatral.

O xestor documental deste portal permitirá acceder, así mesmo, a unha ampla galería de vídeos e audios en streaming, moitos deles obras completas, así como dunha ampla selección fotográfica, dentro do banco de imaxes e son. En total, o Centro de Documentación conta na súa biblioteca con 17.000 libros, 600 coleccións de revistas e 5.000 dvd con gravacións completas de obras de teatro.

'Teatro.es' dará tamén a oportunidade de recuperar moitas das publicacións esgotadas do CDT, pero tamén inéditas, que se ofrecerán en pdf, como páxinas sobre o teatro español do século XX que estarán ao alcance de todos os usuarios. Tamén, a colección fonográfica 'El Eco de las Voces', ou a de caricaturas 'Retratos en blanco y negro'.

O portal permitirá o acceso ás dúas revistas do CDT: unha de información e análise da realidade teatral española, a 'Revista Digital de la Escena'; e outra de estudos e investigación para o ámbito universitario, 'Don Galán'.