Feliz día dos Reis Magos... con sorpresas!

 

As SS. MM. os Reis Magos de Oriente veñen de deixarnos un fermoso agasallo nas bibliotecas de Redondela, en forma de novidades literarias para o noso público máis pequecho.

De madrugada deixáronse fotografar xunto a árbore de Nadal da Biblioteca Xela Arias, onde nos deixaron tan magníficos presentes.

Moitas grazas pola vosa visita!

 

Velaquí as novidades destes días para os cativos e cativas.

Horarios das bibliotecas municipais de Redondela durante as festas do Nadal 2020

 

BIBLIOTECA VALLE-INCLÁN DE REDONDELA

 

Horario habitual:

Sala xeral: de luns a venres, de 10:00 a 14:00 e de 17:00 a 20.00 h.

Sala infantil: de luns a venres, de 17:00 a 20:00 h.

-- Pechará: 

24, 25 e 31 de decembro, 1 e 6 de xaneiro.

 -- Horario especial: martes 5 de xaneiro:

        Sala de adultos: de 9:00 a 14:00 h.

        Sala infantil: de 9:30 a 13:30 h.

BIBLIOTECA XELA ARIAS DE CHAPELA

 

Horario habitual: de luns a venres de 16 a 21 h.

-- Pechará: 24, 25, 28, 29, 30 e 31 de decembro, 1, 5 e 6 de xaneiro.

Creatividade con moito agarimo no noso obradoiro de postais de Nadal

O venres a Biblioteca de Chapela celebrou un obradoiro de postais de Nadal coa rapazada da contorna. 20 nenos e nenas participaron nesta actividade, enmarcada dentro da programación das festas de Nadal do Concello de Redondela.

A artista plástica Macarena González achegou aos rapaces diferentes técnicas artísticas e exemplos de creatividade e composición para elaborar felicitacións de Nadal orixinais e de moi bo gusto.

Agradecemos a todos os pequenos artistas ter pasado esta tarde tan creativa coa biblioteca.

VER AQUÍ AS FOTOGRAFÍAS. 

#nadalenredondela

Contacontos de Nadal na Biblioteca Xela Arias

Tachaaaaan!!! Temos unha segunda actividade de Nadal para a Biblioteca Xela Arias de Chapela.

O xoves 19 de decembro, a contadora Ana Facchini achegaranos o espectáculo "Encóntame o Nadal", para cativos e cativas de 3 e ata 10 anos, e adultos acompañantes, que queran gozar de fermosas, tenras, divertidas e tolas historias relacionadas con estas datas.

A entrada é libre ata que enchamos o aforo da sala. 

O contacontos quedará enmarcado dentro dun espazo, o Multiúsos Piñeiral do Crego de Chapela, que este ano está máis fermoso que nunca coa súa traballa dísima decoración de Nadal. Se non tedes espíritu de Nadal, seguro que vindo a este contacontos saídes ledos e cheos de xúbilo.

#nadalenredondela

O Nadal achégase ao noso Concello, as bibliotecas municipais énchense de paz e amor

O noso querido Leolo vístese de gala para este Nadal, e achéganos moitos agasallos.
Pola forma que teñen os paquetes, non dubidamos de que son libros.
A Coca Simona, acompáñao nesta imaxe.

Por aquí imos subir algunhas fotos do noso Nadal. Podedes premer neste enlace para velas.

O noso agradecemento á Asociación Cultural e Social de Chapela por prestarnos tan fantástica decoración para a Biblioteca Xela Arias.