Os libros que máis lle prestan a... Mercedes Corbillón

 

Mensualmente o SNL do concello de Redondela estase a poñer  en contacto con distintos creadores e persoas das letras para pescudar sobre as súas preferencias literarias e os libros que máis lles marcaron ao longo da súa vida.

No mes de febreiro foi Olga Novo, unha das voces emerxentes da nosa poesía, en marzo, un dos escritores consagrados da literatura galega recente: Darío Xohán Cabana.

E en abril, unha libreira de sona: Mercedes Corbillón, directora da afamada librería Cronopios, columnista, personaxe de grande actividade nas redes sociais e apaixoada lectora.

Aquí podedes acceder á entrevista.

As bibliotecas poñemos o noso pequeno gran de area nesta preciosa iniciativa , colocando cada mes, nas nosas salas de lectura, un centro de interese coas obras dos escritores que máis lle prestan ao autor/autora do mes.

 

 

Os libros que máis lle prestan a... Darío Xohán Cabana

Mensualmente o SNL do concello de Redondela estase a poñer  en contacto con distintos creadores para indagar sobre as súas preferencias literarias e os libros que máis lles marcaron ao longo da súa vida.

No mes de febreiro foi Olga Novo, unha das voces emerxentes da cultura galega, a escritora entrevistada. 

E este mes de marzo, un dos escritores consagrados da literatura galega nas últimas décadas: Darío Xohán Cabana.

O SNL púxose en contacto con este escritor para coñecer os seus libros de referencia.  

Aquí podedes acceder á entrevista.

As bibliotecas poñemos o noso pequeno gran de area nesta preciosa iniciativa , colocando cada mes, nas nosas salas de lectura, un centro de interese coas obras dos escritores que máis lle prestan ao autor/autora do mes.

Expositor na Biblioteca de Chapela

 

Semana moi completa para os clubs de lectura de adultos

A pasada semana tivemos as xuntanzas de outubro dos clubs de lectura. Os mesmos títulos que no pasado mes, pero desta vez, trocando os lectores.

Así Patria, de Fernando Aramburu, que ven de ser recoñecida como o Premio Nacional de Narrativa 2017, foi desta vez lido, comentado e discutido polos nosos lectores do club de lectura de Chapela; mentres que Nosotros en la noche, de Kent Haruf, cuxa versión cinematográfica ven de ser estreada pola cadea Netflix, aterrou nas expertas mans dos lectores do club de Redondela.

Pero a participación destes lectores coas bibliotecas non rematou aquí. Dado que o martes era o Día das Bibliotecas, os nosos expertos lectores foron convidados polo Servizo de Normalización Lingüística de Redondela a unha visita guiada á exposición "Airiños Aires", no Multiúsos da Xunqueira.

A exposición recolle unha serie de fotografías realizadas polo prestixioso fotógrafo e xornalista coruñés Xurxo Lobato, entorno á figura de Rosalía de Castro, e pode verse ata o 31 de outubro no Multiúsos da Xunqueira, grazas á colaboración da Casa-Museo Rosalía de Castro.

Xurxo Martínez, técnico de Normalización Lingüística do noso Concello acompañounos á visita para desvelarnos as claves da vida e mais da obra rosaliana, e que tan ben se reflicten de xeito moi interesante nas fotografías amosadas na exposición. Pudemos escoitar algúns textos rosalianos, e intercambiar os nosos pareceres ao rematar a visita.

Todo un luxo!

Agradecémoslle ao noso compañeiro de Normalización Lingüística a súa xenerosidade e adicación, e o ternos feito un roteiro expositivo tan cumprido.