Escribindo a vida

PIca aquí para ver as fotografías

O pasado venres, na Casa da Cultura de Redondela, con Marisé Barreiro, tivemos o mellor final de semana posible.

Descubrimos moitas cousas sobre a escritura expresiva pero, sobre todo, en algo máis dunha hora, saímos transformados e ata xeramos un fermoso poema que emerxeu da aportación de cada un dos asistentes.

Despois desta experiencia, xa nos tarda que comece o "Obradoiro de Escritura Expresiva" o próximo mes de marzo.

Marisé coa mascota das bibliotecas de Redondela, LEOLO

  Moitas grazas a Roberto Solano por algunhas das fotografías👍😊

Escribir a vida: Charla-obradoiro

ESCRIBIR A VIDA:   

Charla-obradoiro sobre os beneficios da escritura expresiva

Unha reflexión teórica e práctica sobre a escritura expresiva na que trataremos as seguintes cuestións:

-Diferenzas entre a escritura expresiva e creativa.

-Historia e descubrimentos ao longo de case cinco décadas de investigación neste campo.

-Por que funciona a escritura expresiva?

-Beneficios esperables. Por qué escribir a vida é “vivila dúas veces”.

-Suxestións para obter o máximo proveito da escritura persoal e autobiográfica e para afrontar as dificultades que se poden presentar.

-A escritura expresiva como viveiro de proxectos creativos.

-Lectura de exemplos.

-Unha pequena sesión práctica.

MARISÉ BARREIRO.  Filóloga, docente e gestaltista especializada en escritura expresiva. Formada no Center for Journal Therapy, é coautora, xunto coa súa directora Kathleen Adams, de The teacher´s journal e participa na antoloxía Expressive writing: classroom and community. Imparte cursos regularmente en Galicia, Madrid, Barcelona, Menorca e outras cidades. 

Creadora de varios cursos de escritura expresiva, entre eles Escribíndome, o Diario do profesor e Historias de muller.

Fundadora de CAFUNÉ, escola de escritura creativa, expresiva e literaria.

Venres 21 de febreiro, ás 19:00 h.
Na Casa da Cultura de Redondela
Entrada libre e de balde

Encontro aberto con Manuel Rivas

En Radio Redondela
En  Diario de Vigo 
En Faro de Vigo
En Noticias Vigo
Na web do Concello

Cima coroada!

O pasado venres, os asistentes a charla-coloquio"Porque está aí" puideron experimentar de primeira man e grazas ás experiencias compartidas por Rosa Paredes na Casa da Cultura, o que supón unha expedición motañeira con maiúsculas: a preparación, a dureza e riscos da aventura, a convivencia cos compañeiros e cos habitantes de remotos lugares, as secuelas,.... Sempre con tres premisas na cabeza: -Volver vivo -Volver como amigos -E, se é posible, chegar ao cume

Fotografías de Roberto Solano

As marabillosas fotografías con que nos deleitou Rosa Paredes non opacaron a paixón que transmitiu a escaladora no relato das súas expedicións. 
As 22:00 h. chegaron rapidísimo! e todos quedamos con ganas de máis, que é o mellor que se pode dicir de calquera acto.

Moitas grazas a Rosa Paredes e a Asociación de Amigos das Bibliotecas Municipais de Redondela por facer posible este encontro.
 

Rosa Paredes. Porque está aí

 O seu é vivir ao límite. Embarcar nunha aventura tras outra, odiseas que lle permiten respirar nos lugares máis fermosos da face da terra. Móverse ao fío do imposible, e despois de meses de preparación, abordar próximos retos.

Enfermeira de profesión, alcanzou a cima do Aconcagua arxentino e, debido ás condicións meteorolóxicas, quedou coas ganas de contemplar o paraíso desde a cima da maciza Muztagh Ata, situada na cordilleira chinesa de Kunkun.

No 2013 viaxou ata Kirguizistán, unha das repúblicas da xa extinta Unión Soviética coa intención de hollar a cima do pico Lenín, unha montaña da cordilleira de Pamir que conta cunha altitude de 7.165 metros sobre o nivel do mar.
(Información obtida de La Voz de Galicia)

Na Casa da Cultura de Redondela
Ás 20:30 h.
Entrada libre e de balde
Organiza: Asociación de Amigos das Bibliotecas Municipais de Redondela
Colabora: Bibliotecas Municipais de Redondela

Jella Lepman, a muller que cambia vidas

   A Casa da Cultura de Redondela acolleu este pasado venres un acto   conmemorativo do Día da Biblioteca centrado na figura da escritora e xornalista alemá Jella Lepman, unha muller que organizou o primeiro evento internacional despois da Segunda Guerra Mundial en Alemaña: unha exposición internacional de libros infantís que foi a orixe da maior biblioteca do mundo en materia de literatura infantil e xuvenil, a Biblioteca Xuvenil Internacional situada no Palacio Blutenburg, nos arredores de Múnic.

Teresa Zataraín coa autobiografía de Lepman

O evento, organizado polas Bibliotecas Municipais de Redondela coa colaboración da Asociación de Amigos das mesmas, estivo conducido por Teresa Zataraín xornalista e editora da viguesa editorial Creotz que conseguiu no 2017 os dereitos de publicación da autobiografía de Lepman, "Un puente de libros infantiles". 

 Teresa Zatarín que acaba de regresar, convidada polo Instituto Goethe, da Feira Internacional do Libro de Frankfurt, cativou aos asistentes coa semblanza desta descoñecida autora alemá sen cuxa labor é imposible comprender o panorama editorial actual. 

Jella Lepman (Foto, Stiftung Internationale Jugendbibliothek (IJB)

O acto comezou cunha emocionante referencia á destrución da Biblioteca de Saraievo, incendiada en 1992 durante o conflito dos Balcáns. O incendio destruíu centenares de miles de libros e numerosos incunables. Varios miles de volumes puideron ser salvados nos primeiros momentos do incendio, cando os empregados da biblioteca, arriscando as súas vidas, comezaron a arroxar libros e documentos polas xanelas. Para evitar que esta dolorosa historia fose esquecida, a Asociación Española de Amigos do Libro Infantil e Xuvenil propuxo celebrar o Día da Biblioteca. 

A editora viguesa con Cristina Rivas, da Asociación de Amigos das Bibliotecas Municipais de Redondela, que presentou o acto

Con esa concomitancia co vivido na época nazi, Teresa foi esfiañando as vivencias de Jella Lepman ao longo de 12 anos da súa vida e con elas a situación das mulleres e nenos alemáns na posguerra e a transformación acontecida, grazas a súa labor a través dos libros infantís, no devastador panorama cultural e social  tras a Segunda guerra Mundial.

 Nun momento en que Alemaña saía dun período de illamento a todo o que proviñese do exterior e no que non existiu produción literaria algunha que non tivese caracter propagandístico, Jella Lepman organizou o primeiro evento internacional despois da guerra, unha exposición internacional de libros infantís chegados de numerosos países e diferentes linguas, atrevéndose a pedir axuda para o mesmo aos países que sufriran, ata facía pouco, a violencia alemá.

 Ninguén que queira comprender o panorama editorial infantil actual poderá facelo sen coñecer a achega desta gran muller que foi Jella Lepman.
 

Imaxe de Jella Lepman tomada do blog Palabras que hablan de historia

 Desde estas liñas, o noso agradecemento a Teresa Zataraín e a súa familia por compartir connosco un encontro inesquecible nunha semana de gran traballo para a editora e, sobre todo, grazas por darnos a coñecer a unha persoa que transformou e continúa a tranformar a todo o que se achega a ela.

A nova en Comarcas na Rede
No Faro de Vigo 
En Radio Redondela 
En redondela.gal 

Falemos: charla sobre comunicación efectiva, con Susana Daviña e os Amigos das Bibliotecas

Falemos: Comunicación efectiva.

A doutora Susana Daviña, médica de familia no Centro de Saúde de Chapela, traeranos esta interesante charla grazas ao ciclo de conferencias que organizan os Amigos das Bibliotecas de Redondela. 

Neste caso o tema da conversa non será tanto o coidado da saúde, senón máis ben o perfecionamento das habilidades de expresión, e os recursos para mellorar a nosa fala en público.

Cómo mellorar a nosa comunicación en público? Susana Daviña achéganos as claves.

Será o venres 25 de maio, ás 20:30 h, no Multiúsos de Chapela.

Organiza a Asociación de Amigos das Bibliotecas Municipais de Redondela, en colaboración coas bibliotecas municipais.

Non vola perdades!

Viquingos na Galicia, charla-coloquio na Casa da Cultura de Redondela

O venres 9 de marzo, ás 20:30 h., a Casa da Cultura de Redondela acollerá unha charla-coloquio, da man do medievalista Mario López Vittori sobre os "Viquingos na Galicia"

 Entrada libre e de balde 

Organiza: Asociación de Amigos das Bibliotecas Municipais de Redondela coa colaboración das mesmas

Anotade ben en papel pois se falará de Vindel...

Lectores: 

Os Amigos das Bibliotecas infórmannos do descubrimento dun documento excepcional, inédito ata a data, que ampla o coñecemento da poesía trovadoresca. En exclusiva, aquí tédelo para o voso uso e goce. Pode cantarse coa axuda dun laúde ou unha cítara :D

---

" ¡El año nuevo ha venido,

  con un tema entretenido!

  Que la primera gran cita

  no se la pierda ni Rita.

  Anotad bien en papel

  pues se hablará de Vindel.

  La obra de Códax, Martín,

  da para hablar un ratín.

Máis información

   Haremos un gran camino

  comentando el pergamino.

  Expectante está la gente,

  Julio Alonso es el ponente.

  Aumenta más el fervor:

  Iñaki, presentador.

  La cita este viernes doce,

  nadie se olvide ese goce.

  En la casa da Cultura,

  ocho y media, hora segura.

  Oferta de clase alta,

  ¡acudan todos sin falta!"

O pergameo Vindel, charla-coloquio na Casa da Cultura de Redondela

Descobre o pergameo Vindel, a xoia das cantigas de amigo da literatura medieval galaicoportuguesa, da man da Asociación de Amigos das Bibliotecas Municipais de Redondela e  Julio Alonso Monteagudo, profesor do Departamento de Musicoloxía do Conservatorio Superior de Vigo. 

O 12 de xaneiro, ás 20:30 h., na Casa da Cultura de Redondela. 

Entrada libre e de balde

Verdade e mito, suceso e lenda das revoltas dos Irmandiños, a historia medieval de Galicia nos parladoiros dos Amigos das Bibliotecas de Redondela

Este pasado venres tivemos un novo parladoiro dos Amigos das Bibliotecas de Redondela. O profesor e investigador Mario López Vittori falounos dun tema do que é profundo coñecedor, non ben ven de facer sobre el a súa tese de doutoramento: as guerras dos Irmandiños.

A verdade dos feitos, os documentos recollidos de primeira man en multitude de arquivos foron contrastados con moitos aspectos máis míticos ou lendarios cos que nos ten chegado este período da historia ao noso tempo.

A abundancia de documentación e a precisión dos seus datos, fixeron o encontro unha ocasión moi interesante. Un luxo poder coñecer de primeira man, grazas ao noso poñente, moitos aspectos destas guerras tan significativas da nosa historia. 

Aledámonos tamén porque contamos cun público participativo que preguntou e engadiu, cos seus comentarios, moitos detalles e diferentes puntos de vista ao aquí exposto.

A actividade foi realizada pola Asociación de Amigos das Bibliotecas Municipais de Redondela, en colaboración coas bibliotecas municipais. 

Museo Nomade: Maruja Mallo na Casa da Cultura de Redondela

A Casa da Cultura de Redondela acollerá o próximo 22 de setembro unha charla sobre a pintora Maruja Mallo, impartida por Telmo Crespo Tojeiro.

 A actividade estará organizada polas bibliotecas de Redondela coa colaboración da Asociación de Amigos das mesmas, dentro do programa Ler conta Moito da Xunta de Galicia. 

 De balde. Prazas limitadas (Inscrición previa na Biblioteca de Redondela -986 40 15 61)

 A Real Academia das Artes dedica este ano 2017 a Maruja Mallo.

O músico Alejo Amoedo e os Amigos das Bibliotecas de Redondela achéganos a dous persoeiros da nosa vila

O pasado venres, na Casa da Cultura de Redondela, e dentro dos parladoiros organizados polos Amigos das Bibliotecas de Redondela, o músico Alejo Amoedo, achegounos a vida e a obra de dous importantes persoeiros do século XX en Redondela: o compositor Reveriano Soutullo e mais o xornalista Diego San José.

Presentado polo profesor de música Julio Alonso, Alejo Amoedo, que está a ultimar a súa tese doutoral sobre o músico redondelán, compartiu co público asistente contidos de grande interese sobre ese período da nosa historia.

Compartimos álbum de fotografías subido polos Amigos das Bibliotecas de Redondela nas súas redes sociais.

Un venres entre contos e editores

O pasado venres tivemos a gran alegría de contar con Pavís Pavós nunha sesión de contacontos para bebés dentro do programa Ler conta Moito da Xunta de Galicia. 

Vinte nenos, cos seus correspondentes acompañantes, gozaron de variadas historias de tradición oral e actuais da man de Tareixa Alonso, axudada nalgúns momentos polo noso compañeiro, Cote. 

A nota triste da tarde púxoa a ausencia de Xacobe que, por tristes motivos, non puido formar parte do dúo como é habitual; pero Tareixa deu todo de si, desdobrándose e convertendo a actividade nun exercicio de paixón e entrega. Moitas grazas, Tareixa! 

Aquí todas as imaxes:

As 20:30 foi a hora de partida para unha actividade, organizada ao limón pola Asociación de Amigos das Bibliotecas de Redondela  e as mesmas, na que arrincou a primeira charla-coloquio da serie adicada aos oficios do libro. Nesta ocasión foi a edición a que centrou a exposición e posterior debate, sendo abanderado de tan noble oficio, Enrique sánchez Sotelo, profesor, escritor e editor da viguesa Discursiva. 

Multitude de anécdotas e curiosidades infestaron a charla e as respostas ás interesantes preguntas dos asistentes, descubríndonos así, todas as reviravoltas dun labor moi descoñecido e no que os operarios do mesmo, aparecen, en moitas ocasións, como os malos dentro da cadea dos oficios do libro.

 Como remate, e grazas á xentileza da editorial, un sorteo de dous lotes de libros...mágoa que nos nos tocaron á biblioteca! :)

Aquí todas as imaxes:

Un final de venres  moi interesante e sumamente agradable. Moitísimas grazas a Enrique e a Asociación de Amigos das Bibliotecas.

Os oficios do libro: a edición, charla-coloquio

As pequenas editoriais españolas, que proliferaron nos últimos anos, viven o seu particular esplendor nun sector difícil e marcado pola incerteza. A elección de bos autores e a creación dun catálogo coherente representan os seus principais desafíos.
Enrique Sánchez Sotelo, editor dá viguesa "Discursiva" descubriranos, nunha interesantísima charla-coloquio, o que supón hoxe en día apostar polo libro e a lectura.

  Por cortesía da editorial Discursiva, o acto incluirá o sorteo de dous lotes de libros da mesma.

Na Casa da Cultura de Redondela (Praza Figueroa)

Venres, 17 de marzo 

Ás 20:30 h.
Entrada libre e de balde

Organizan: Asociación de Amigos das Bibliotecas Municipais de Redondela e Bibliotecas Municipais de Redondela

Un dous de decembro cheo de historias

 

A tarde do 2 de decembro, comezou coa calor que nos proporcionou a todos os asistentes o abrigo cheo de contos co que se engalanaba Olga Cuervo. Dun peto escondido no máis profundo dese abrigo, tan profundo que estaba no corazón de Olga, xurdiron emocións, sentimentos....historias que, como boa contacontos, quixo compartir con todos.

 Accede aquí as fotos de Al abrigo de los cuentos

E dunhas historias a outras, porque son moitas as que nos conta Cervantes no Quixote, a mellor obra de todos os tempos segundo escolleu unha comisión do Premio Nobel de Literatura alá polo ano 2002, e ao redor da que virou a conferencia e posterior coloquio con Alexia D´Otras na Casa da Cultura de Redondela. Unha hora e media (porque había que pechar que se non...) que pasou nun amén. Foi tan interesante e entretida que ata o máis novo dos participantes, de 6 anos, atendeu como un adulto máis co seu libro do Quixote entre as mans (unha edición infantil, claro)

Aquí as fotos da reunión cervantina

 Unha obra, Don Quijote de la Mancha, que fixo que Flaubert, o seu máis apaixonado admirador, aprendese o español para lela no seu idioma orixinal, e crease unha versión feminina da mesma que coñecemos como Madame Bovary.

Unha historia de episodios ensartados que consiguen "suspender os ánimos"  deixándonos en suspense como calquera boa serie de misterio.

Este ano remata o 400 aniversario da morte de Miguel de Cervantes pero, amantes cervantinos, non penedes, no 2017 "El Persiles", para o escritor a súa mellor obra, está de aniversario e xa se están a preparar múltiples celebracións, algunhas delas, con moito agarimo, en Portugal, lugar no que se desenvolve parte da acción.

Por certo, un xogo para terminar: atopade, nesta pintura realizada por Dalí da figura do Quixote, todos os elementos relevantes da novela.

Charla- coloquio para conmemorar o 400 aniversario da morte de Miguel de Cervantes

   As Bibliotecas de Redondela e a Asociación de Amigos das mesmas, organizan  unha charla-coloquio que imparte Alexia D´Otras Bravo baixo o lema “Ficción, parodia e recreación en Don Quijote de la Mancha”. 

    Esta conferencia enmárcase dentro das actividades que se  levan a cabo con motivo do 400 aniversario da morte do autor de El Quijote e ten como tema central os episodios da corte dos duques e o aspecto teatral na segunda parte de Don Quijote

Añadir leyenda

 

Alexia Dotras Bravo, doutora europea en Filoloxía Española pola Universidade de Vigo, cunha tese sobre Los trabajos cervantinos de Salvador de Madariaga, Premio de investigación nacional de Estudios Cervantinos de la Sociedad Cervantina de Madrid e profesora adxunta na Escola Superior de Educação de Bragança, publicou diversos artigos en revistas especializadas, participa en congresos nacionais e internacionais desde 2000 e editou varios libros na área da literatura cervantina, a literatura siglodorista, a literatura infantil, as relacións literarias e culturais entre Portugal e España -e Galicia e Portugal-, tamén  ensina  literatura para estranxeiros, ademais de especializarse na obra de Salvador de Madariaga, de tipo cervantino e tamén literario ficcional.

Alexia D´Otras, primeira coordinadora dos nosos Clubs de Lectura para adultos

•  Animámosvos  a que leades os capítulos XXX a XLIII da segunda parte de Don Quijote, para aproveitar moito máis este interesantísimo coloquio.
• Tamén poñemos á vosa disposición o capítulo «Teatro como burla: el poder de los duques en el Quijote, II» neste enlace.

A actividade terá lugar na Casa da Cultura de Redondela (Praza Figueroa), o venres 2 de decembro, ás 20:30 h.

 A entrada é libre e de balde.

Felipe Carnotto fala do seu traballo fotográfico co alumnado do IES Chapela

F. Carnotto durante a súa charla co alumnado do IES Chapela, no auditorio do Multiúsos

VER AQUÍ AS IMAXES DA ACTIVIDADE

O Fondo Galego de Cooperación e Solidariedade está moi presente nestes días nas bibliotecas municipais, concretamente na biblioteca de Chapela.

A exposición "Imaxes con Fondo" no Multiúsos de Chapela

Como xa vos vimos contando, durante todo este mes podedes ver a exposición que eles nos traen: "Imaxes con Fondo" no Multiúsos do Piñeiral do Crego. 

Lembrámosvos que o horario para visitala é de Luns a Venres, de 16:30 a 22:30 h.

A exposición recolle unha serie de fotografías, acompañadas de textos explicativos, que enviaron mozos/as e adultos/as galegos para participar no concurso "Imaxes con Fondo", organizado pola mesma entidade, no ano 2012.

E para falar de fotografía, e particularmente de fotografía social, nada mellor que contar cun experto na materia. Grazas, novamente, ao Fondo Galego, o fotógrafo Felipe Carnotto, reporteiro gráfico freelance e gañador do concurso "Imaxes con Fondo II" (2014), desprazouse esta mañá ata o Multiúsos do Piñeiral do Crego para ter un encontro co alumnado da Familia Profesional de Servizos á Comunidade do IES Chapela. 

Felipe Carnotto posa con Leolo, a mascota das bibliotecas, na exposición do Multiúsos de Chapela

Carnotto amosounos o seu traballo en diferentes contextos, e contounos como o aborda el, non só dende a perspectiva técnica da fotografía, senón na súa vertente humana e informativa.

Felipe Carnotto durante a súa exposición

Un dos aspectos máis interesantes son as reportaxes que desenvolveu cos refuxiados da guerra de Siria. Neste caso traballou tanto o enfoque dende a fronteira dos Balcáns, onde miles de persoas desprazadas percorreron esta ruta na fuxida dos conflitos armados dos seus países de orixe, como dende os migrantes xa asentados en países europeos, no seu camiño pola integración.

Tamén nos amosou outros traballos, como contextos de marxinalidade e drogas na nosa contorna, nunha reportaxe que realizou no Barrio do Cura en Vigo. 

Por último, coñecimos a súa experiencia na comunidade rural de Somoto, en Nicaragua, viaxe que pudo facer co Fondo Galego de Cooperación, tras acadar o premio na II edición do concurso Imaxes con Fondo.

Fotografía de Felipe Carnotto coa que en 2014 gañou o concurso "Imaxes con Fondo II" 

Na web de Felipe Carnotto podedes achegarvos ao seu traballo como fotógrafo.

E ao rematar a presentación do noso poñente, visitamos tamén a exposición "Imaxes con Fondo", para animar aos nosos visitantes de hoxe a participar no concurso de fotografía.

Os participantes na charla visitan a exposición "Imaxes con Fondo"

Este ano o Fondo Galego de Cooperación ten aberto xa a súa III Edición do concurso "Imaxes con Fondo".

Lembramos que:

• Este ano 2016 o concurso xira en torno á INTERCULTURALIDADE. 
• Como novidade, o concurso presenta este ano dúas seccións: fotografía e vídeo. 
• Hai dúas categorías para participar, segundo idades: 

        - Xuvenil, para persoas de 14 a 17 anos.

        - Adultos: persoas a partir de 18 anos. 

• Unha viaxe a Mozambique, unha cámara de fotografía e vídeo ou unha cesta de produtos de comercio xusto entre os premios. 
• O enderezo para presentar as fotografías/vídeos participantes é imaxesconfondo@gmail.com. 
• O prazo remata o Sábado 15 de Outubro.

CONSULTADE AQUÍ AS BASES DO CONCURSO

Dende as bibliotecas municipais de Redondela animámosvos a todos a participar.
Para que serva de inspiración, propoñémosvos a nosa selección de libros infantiles e xuveniles sobre a interculturalidade. Podedes consultalos, e levalos en préstamo, na Biblioteca de Chapela.

Felipe Carnotto, coas mascotas Leolo e Gato co noso centro de interese sobre a Interculturalidade