Mostrando entradas con la etiqueta As nosas bibliotecas. Mostrar todas las entradas
Mostrando entradas con la etiqueta As nosas bibliotecas. Mostrar todas las entradas
jueves, 30 de diciembre de 2021
jueves, 29 de julio de 2021
martes, 18 de mayo de 2021
Buscando e atopando a Xela Arias e a súa biblioteca
💟 Emocionados que estamos coa xentileza do 🔸 CPR María Inmaculada (Verín), 🔸 CEIP Xunqueira 1 (Pontevedra), 🔸 Colexio de Verducido (Pontevedra), 🔸 Colexio de Campañó (Pontevedra), 🔸 CPI Curros Enríquez de Pazos de Borbén, 🔸 C.R.A. Monterrei (Ourense), 🔸 Santa María do Castro (Boiro), 🔸 CEIP de Quiroga (Lugo) e 🔸 O Ruxidoiro (A Valenza-Ourense) 🔸 CPR Colexio Vigo (Redondela) que, non soamente, buscaron e atoparon a Xela a través da visita virtual á Biblioteca P.M. Xela Arias de Chapela (Redondela), senón que nos enviaron as fotografías que dan fe dese encontro que sabemos foi moi, moi grato.
 |
| CEIP de Quiroga (Lugo) |
 |
| Colexio de Verducido (Pontevedra) |
 | |
| CPI Curros Enríquez (Pazos de Borbén) |
 |
| Colexio de Campañó (Pontevedra) |
 |
| CEIP Ruxidoiro (A Valenza, Ourense) |
 |
| CEIP de Quiroga (Lugo) 2 |
 | ||
| CEIP Santa María do Castro (Boiro) | |
 |
| C.R.A. Monterrei (Ourense) |
 |
| CPI Curros Enríquez (Pazos de Borbén) |
 |
| CPR María Inmaculada (Verín) |
 |
| CPR Colexio Vigo (Redondela) |
Ademáis, onte as Bibliotecas Municipais de Redondela recibimos un agasallo moi fermoso. É o traballo dunha nena dun cole de Vigo: mandoullo a Raquel Queizás a súa nai e Raquel a nós.
É un debuxo no que sae a nosa Biblioteca Xela Arias de Chapela debuxada como se fose unha casiña de conto…
A autora chamase Alba, ten 10 anos, e estuda no Centro Dr Fleming de Vigo.
✅ MOITAS GRAZAS A TOD@S QUE COMO NÓS… 💖 XELA ARIAS!
lunes, 17 de mayo de 2021
Unha biblioteca para Xela Arias
No ano
2018 Redondela
recoñeceu a
figura da
poeta Xela
Arias ao poñer
o seu nome a unha das
súas
bibliotecas
municipais.
Nese ano, o Concello de Redondela convidara á cidadanía a participar na elección dun nome para a Biblioteca situada no Multiúsos do Piñeiral do Crego, na parroquia de Chapela.
Foi o nome de Xela Arias, proposto pola biblioteca do IES Chapela, instituto no que ela deu clases, o escollido entre varias suxestións de nomes de persoeiros vencellados á literatura e mais á lingua galega que foron achegados pola veciñanza. A escolla recibiu a aprobación unánime do Pleno municipal en novembro dese ano.
Nunha cerimonia que tivo lugar xa no 2019, distintas autoridades descubriron a placa conmemorativa que asignaba o nome de "Biblioteca Pública Municipal Xela Arias" á biblioteca de Chapela. Ademáis un mural lembra á escritora na entrada interior da biblioteca, en cuxa fachada tamén se gravou o nome de Xela.
Ao acto asistiran entre outros Manuel Bragado, pedagogo, escritor e vencellado á editorial Xerais, da que foi o seu director durante 24 anos, unha representación do IES de Chapela, onde Xela Arias levou a cabo labores docentes e tamén o fillo, a nai e mais un irmán da poetisa falecida en 2003.
 |
| Cerimonia nomeamento da biblioteca Xela Arias. Fotografía Atlántico Diario |
 |
| Familiares de Xela Arias na cerimonia de nomeamento da biblioteca. Fotografía de Alba Villar, para Faro de Vigo |
Por iso
este ano as
bibliotecas de
Redondela están a promover con especial
intensidade a celebración das Letras
Galegas, cunha serie de actividades desenvolvidas con moitísimo agarimo e admiración cara o persoeiro á que van adicadas:
- O programa radiofónico "Xela a diario", coordinado e conducido pola dinamizadora cultural Ana Facchini.
- O encontro virtual cos centros de ensino superior de Redondela ao redor da figura da autora lucense, coa participación da filóloga Chus Nogueira e mais Darío Gil, o fillo de Xela Arias.
- O vídeo “Buscando a Xela”, videovisita á biblioteca para coñecer á escritora, coa dirección e interpretación de Raquel Queizás e a gravación de Fernando Carreira.
Grazas, Xela, polo teu legado e por significar tanto para a cultura galega. Grazas polo vencello que te une ás nosas bibliotecas municipais.
viernes, 14 de mayo de 2021
Xela na Voz Amiga de… Amparo Castaño
✴Marabilloso programa o que nos regalan hoxe Ana Facchini e as ondas de Radio Redondela a través do programa “Xela a Diario. Voces Amigas”, organizado polas Bibliotecas Municipais de Redondela.
✴Unha honra contar coas lembranzas e as palabras de Amparo Castaño, nai de Xela Arias.
Moitísimas grazas pola túa afabilidade e cariño, Amparo, e por compartir a Xela con todos nós
Aquí, na web de Radio Redondela
jueves, 13 de mayo de 2021
Xela na Voz Amiga de… Mónica Soto
✴️Unha alegría contar de novo con Mónica Soto en “Xela a Diario” neste caso dentro de “Voces Amigas”. Mónica é mestra e amiga de Xela Arias
Aquí, na web de Radio Redondela
miércoles, 12 de mayo de 2021
Xela na Voz Amiga de… Cristal Méndez
✴️Hoxe, na Voz Amiga de “Xela a Diario”, contamos coa participación de Cristal Méndez Queizán, poeta e cantante.
Aquí, na web de Radio Redondela
martes, 11 de mayo de 2021
Xela na Voz Amiga de… Marga do Val
A voz amiga de Xela a Diario no día de hoxe é…Marga Romero, coñecida polo seu seudónimo artístico Marga do Val. É escritora, crítica literaria, tradutora e mestra.
Aquí, na web de Radio Redondela
lunes, 10 de mayo de 2021
Xela na Voz Amiga de… María Reimóndez
✴No espazo de hoxe de “Xela a diario. Voces Amigas”, dirixido por Ana Facchini, contamos coa participación da escritora, tradutora e intérprete María Reimóndez
Aquí, na web de Radio Redondela
Xela na Voz Amiga de… Antonio García Teijeiro
✴Por se onte non o puidestes escoitar, aquí tedes o espazo deste domingo de “Xela a diario. Voces Amigas”, no que contamos coa participación do escritor Antonio García Teijeiro.
Aquí, na web de Radio Redondela
Suscribirse a:
Entradas (Atom)