Biblioteca Xela Arias-O desenlace: "Buscando a Xela: visita virtual á Biblioteca Xela Arias de Chapela"

Velaquí está! Misterio resolto!

Compracémonos en presentarvos o vídeo completo de "Buscando a Xela": visita virtual á Biblioteca Xela Arias de Chapela. 

Unha videovisita á nosa biblioteca situada en Chapela, que leva o nome de Xela Arias, e que festexa así este ano especial dedicado á escritora.

O vídeo paga a pena. Dura uns 10 minutos... pero pásanse voando!, xa que a narración do mesmo é dinámica, con misterio e efectos moi divertidos.

Veremos a biblioteca e coñeceremos moito sobre a figura literaria da escritora.

Agardamos que vos guste, xa que está feito con moito entusiasmo e agarimo. Conta coa dirección, guión e interpretación de Raquel Queizás, e a gravación de Fernando Carreira.

Podedes velo aquí:

Neste ano en que as Letras Galegas se lle adican á poeta e tradutora Xela Arias, as bibliotecas municipais de Redondela estamos comprometidas como nunca coa celebración desta festa do noso calendario literario.

Primeiro vídeo do noso club infantil de lectura en Youtube

O noso club infantil de lectura convertirase este ano nun Club 2.0.

Para iso, os seus compoñentes gravarán vídeos nas súas sesións; montaxes que subiremos á rede e que os converterán en auténticos Booktubers, recomendando libros e lecturas dende as bibliotecas de Redondela cara o Mundo.

E así comezamos no noso primeiro encontro. Este vídeo gravámolo na xuntanza do mes de Outubro:

Aínda nos queda un pouco para mellorar, pero é un comezo, non sí? 

O vídeo facémolo coa rapazada do club, e axúdanos a editalo Iago Garrido, un rapaz de 11 anos que lle está collendo moito gusto a editar contido en vídeo, e ao que lle agracedemos moito o seu tempo, o seu apoio e todo o que nos poderá ensinar.

Mañá, mércores 23 de novembro, teremos a segunda xuntanza do club, comentando o libro:"Cama y cuento", de Gonzalo Moure. 

Agardámosvos!

Hada Esther, presentación en video

Se non tivestes oportunidade de asistir ou se queres, como nós,  rememorar unha tarde moi especial para todos, non deixes de ver este vídeo coa presentación completa do libro Hada Esther.

Sumando esforzos pola lectura

O proxecto Sumando esforzos pola lectura, das Bibliotecas Municipais e Escolares de Redondela, xa está dispoñible para a súa lectura on line.

O proxecto fora seleccionado polo Ministerio de Educación, Cultura e Deporte para ser presentado no V Encontro de Bibliotecas e Municipio. Este último tivo lugar o pasado 1 de outubro en Madrid, na sede do Auditorio da Secretaría de Estado do Ministerio de Cultura, e nel participamos parte do persoal da biblioteca municipal, xunto con representantes do Concello e mais das bibliotecas escolares de Redondela.

Podedes ver aquí o vídeo coa intervención:

Obradoiro de Kamishibai na Biblioteca de Chapela

Este xoves pasámolo en grande cun obradoiro de Nadal que nos resultou a todos moi divertido.

Álbum de fotos da actividade

Os nosos amigos, rapaces e rapazas da biblioteca, se achegaron á biblioteca de Chapela para aprender a construir un conto para Kamishibai. 

Que non sabedes aínda qué significa esta palabra xaponesa? Os nosos amigos xa o saben, e tamén os seus pais. Pero podedes velo nesta interesante páxina pamplonesa con moita información sobre esta arte contaconteira vida do país nipón... Aquí.

Grazas á axuda de Mercedes, socia colaboradora da biblioteca, e mais do noso amigo camarógrafo Roberto, pudemos gozar dunha tarde moi interesante cos rapaces e rapazas, onde todos aprendemos moito.

Os nosos asistentes aprenderon que era un kamishibai, e despois de escoitar o conto que lles contamos "Unha invitación na Noiteboa" protagonizado pola Coca Simona, debuxaron cada unha das ilustracións do mesmo,e participaron na montaxe das láminas cos textos na parte de atrás (Lembrade o truco! O texto e a imaxe nunca se corresponden na mesma folla...).

Temos que salientar o excelente traballo que fixeron de colaboración estes ilustradores, coordinándose moi ben entre eles para lle dar unidade a todo o conto, cousa que quedou reflexada nos satisfactorios resultados.

O conto quedou moi fermoso coas ilustracións e contámolo co noso teatriño de Kamishibai, xa coa presenza dos pais e familiares dos rapaces.

Agora este conto pasa a formar parte dos fondos da nosa biblioteca. Os autores: Xiana, Alba, Rocío, Sira, Lucía R., Javier, Lucía P., Simón, Celia, Antón, Xabi e mais Nerea, fixeron un traballo estupendo, e levaron como agasallo de Nadal uns contos dos Bolechas, e moitos... pero moitos caramelos.

Dada a boa experiencia que tivemos con esta actividade, agardamos ir acrecentando os fondos da biblioteca con máis obras saídas da creatividade dos nosos rapaces. 

Apetécevos que repitamos a experiencia?
Pronto poderedes ver fotos de cada unha das ilustracións.

Por último, deixámosvos dous vídeos:

• O vídeo da actividade:

• O vídeo co kamishibai rematado:

Graciñas a todos por vir!

Vídeos das actividades realizadas con "Lambonadas de Cores"

A Biblioteca de Chapela e o C. S. de Educación Infantil do I.E.S. Chapela coordináronse o pasado mes de Maio para ofrecer actividades lúdicas e educativas cara aos máis cativos da parroquia. A proposta, ilusionante para os organizadores, divertida e sorprendente para os participantes, serviu para encher de cor e ledicia a biblioteca durante eses días.

Agora podedes ver os vídeos que os profesores do ciclo realizaron por cada unha das actividades. Agardamos que vos gusten e moitas grazas, profes!

• 9 de MAIO: Ábrete conto. Contacontos.

• 23 de MAIO: Crea e imaxina. Obradoiro de creación con materiais de refugallo. 

• 30 de MAIO: Rimos e xogamos a cachón. Xogos educativos e participativos.

O nacemento dun libro

Library girl

Vídeos da nosa travesía literaria pola Ría de Vigo

pasado venres os membros do Club de lectura da Biblioteca de Chapela, xunto con outros socios do centro, participamos xuntos nunha travesía musical e poética pola Ría de Vigo.

Achegámosvos aquí un vídeo sobre a actividade, gravado por Vigovídeo.

E tamén unha reportaxe fotográfica, elaborada por nós mesmos.



Por último, outra aportación de Vigovídeo, onde podemos gozar da magnífica paisaxe mariña do noso percorrido.

Gozádeos!

Da pedra ao ebook

Que é unha biblioteca pública?

O recital de Yolanda Castaño en vídeo

Préme aquí para velo



Moitas grazas a Vigovideo e a Roberto por gravarnos o evento.

Library

LIBRARY from singsfish on Vimeo.

Non hai que terlles medo ás novas tecnoloxías