Hora do conto nas bibliotecas municipais

Bibliotecas municipais de toda Galicia unímonos nunha iniciativa para amenizar as tardes ás crianzas durante os días de encerro e confinamento.

Co cancelo (#) #horadoconto, subiremos un videoconto cada día da semana, ás 5:00 da tarde nas nosas redes sociais.

Podedes velos no noso Facebook.

#horadoconto

#quedanacasaele

#quedateencasaylee

S. Hermann & F. Richter en Pixabay

#quedanacasaele: sección literaria en Radio Redondela

#quedanacasaele, a campaña que lanzamos dende as bibliotecas municipais para promover a lectura como ferramenta terapéutica neste encerro, terá o seu reflexo tamén en Radio Redondela. 

Diariamente nos días laborables, e durante todo o tempo de duración do confinamento, o persoal das bibliotecas compartirá nas ondas municipais recomendacións lectoras, propostas literarias, iniciativas nas redes sociais entorno á literatura... e outras iniciativas culturais para ocupar o tempo e entreternos durante os días de confinamento.

Compartirémolas no noso Facebook, e tamén no da propia emisora. Poderedes tamén seguilas co citado cancelo (#)

#quedanacasaele
#quedateencasaylee

Neste enlace, a primeira sección.

Se tes que quedar na casa....#quedanacasaele

Photo by Josh Applegate on Unsplash

As bibliotecas de Redondela namorámonos da campaña de concienciación cidadá realizada polos sanitarios da Comunidade de Madrid: #quedateencasa, para frenar os contaxios e axudar a non expandir o COVID-19.  Nós tamén queremos contribuir  e lanzar a nosa campaña, promovendo o esforzo de quedar na casa e, xa de paso, fomentando a lectura.

Porque nestes días de alerta sanitaria o máis importante que podes facer por tí e polas persoas que che rodean é quedar na casa. Fagamos desta crise unha oportunidade, e aproveitemos para ler aqueles libros que tiñamos pendentes... eses que se nos acumulan na mesiña de noite 😊.
Na casa, con lecturas, é máis levadeiro e máis pracenteiro.

Dende as Bibliotecas municipais de Redondela convidámosche a que compartas nas túas redes sociais unha imaxe do teu recuncho de lectura para estes días ou de como estás ou estades sacando proveito para achegarvos aos libros. Propoñémosvos o cancelo (#) #quedanacasaele #quedateencasaylee

 

Así mesmo, baixo este mesmo cancelo, comezamos un espazo en colaboración coa Radio Municipal de Redondela para lembrar ferramentas útiles de caracter cultural, con especial incidencia nas relacionadas coa lectura, para estes días de confinamento.

Fagamos viral un chamamento  para que a cidadanía quede na casa e fomentemos a lectura!

Sairemos desta, e farémolo reforzados e máis cultivados e sabios 😉. Se tes que quedar na casa, goza da lectura.
 

O noso Leolo aproveita para ler na súa casa

#quedanacasaele
#quedateencasaylee
 
#yomequedoencasa
#quedateencasa
#quedanacasa

#eubibliotecasredondela50

As Bibliotecas de Redondela celebramos, este ano 2018, os nosos primeiros 50 anos de existencia e imos festexalo de moitas maneiras.

Unha delas será facer visible o novo carné das mesmas, que desde este ano convértenos en usuarios da Rede de Bibliotecas Públicas de Galicia.
Para eso pedímosvos que subades unha fotografía ás vosas redes sociais: Instagram ou Facebook, onde amosedes este novo carné, etiquetando a imaxe co cancelo #eubibliotecasredondela50.

Pero tamén podedes fotografarvos cos carnés antigos, sería unha bonita homenaxe a todos estes 50 anos de servizo das bibliotecas municipais. Animádevos a participar! 

Primeiro vídeo do noso club infantil de lectura en Youtube

O noso club infantil de lectura convertirase este ano nun Club 2.0.

Para iso, os seus compoñentes gravarán vídeos nas súas sesións; montaxes que subiremos á rede e que os converterán en auténticos Booktubers, recomendando libros e lecturas dende as bibliotecas de Redondela cara o Mundo.

E así comezamos no noso primeiro encontro. Este vídeo gravámolo na xuntanza do mes de Outubro:

Aínda nos queda un pouco para mellorar, pero é un comezo, non sí? 

O vídeo facémolo coa rapazada do club, e axúdanos a editalo Iago Garrido, un rapaz de 11 anos que lle está collendo moito gusto a editar contido en vídeo, e ao que lle agracedemos moito o seu tempo, o seu apoio e todo o que nos poderá ensinar.

Mañá, mércores 23 de novembro, teremos a segunda xuntanza do club, comentando o libro:"Cama y cuento", de Gonzalo Moure. 

Agardámosvos!

Escenifica en Instagram

Fotografías presentadas ao concurso "Escenifica a túa lectura de verán" a través da plataforma de Instagram

albamatilde

estela.david103

Leyendo #juntos siempre es mejor. #loveisintheair #lecturaveran #stormtrooper #starwars #oleyo #comoyomeamonadiemeamara #antesmuertaquesencilla

Una foto publicada por Lola (@lolainfinita) el 31 de Ago de 2016 a la(s) 10:59 PDT

Porque no sólo de #starwars se vive, también están #spiderman #ironman #xmen #superman etc. #lecturaveran #oleyo #antesmuertaquesencilla #superheroes #comoyomeamonadiemeamara

Una foto publicada por Lola (@lolainfinita) el 31 de Ago de 2016 a la(s) 12:55 PDT

Marabilloso Jordi Sierra i Fabra. #lecturaveran #miguelalonsodiz

Una foto publicada por Miguel Ángel Alonso Diz (@forxadordeversos) el 18 de Jul de 2016 a la(s) 3:55 PDT

Escenifica en Facebook

Fotografías presentadas ao concurso "Escenifica a túa lectura de verán" a través da plataforma de Facebook

"El Chojin e as súas cousas"
Fanny González Álvarez‎

"Calculando percorrido cara ao sur. Imos! #lecturaveran"

Melina López

"Cómaros de mel e rosas con López Foxo, para unha tarde no xardín"

Melina López

"Leyendo el caso del gatito imprudente, que tira accidentalmente una lámpara y hace comenzar la acción"

Melina López

"Tarde de lectura no Lago DI Como"

Mrta Bouzón Couñago

Toñi Rubio Veloso

"El Túnel"

Gustavo Barciela Balado

Fago a miña participación con dúas obras dunha mesma autora (e amiga) María Alonso: "Terras estrañas" (todavía non publicada) e "Despois do Cataclismo".
Din que "quen ten unha amiga ten un tesouro" pero, si ademais esta é escritora, ten tamén lecturas pendentes de verán. Un saúdo! 
Ángela Covelo Soto

Ángela Covelo Soto

Comparte as túas lecturas de verán coas bibliotecas de Redondela

 Fai unha fotografía escenificando o teu libro favorito deste verán ou tamén o teu momento marabilloso de lectura neste tempo, e compártea coas bibliotecas municipais de Redondela nas súas redes sociais Facebook e/ou Instagram.

• No caso de Instagram, deberás engadirlle a etiqueta #lecturaveran.

• No caso de Facebook, súbea ao EVENTO que creamos ao efecto na nosa páxina desta rede.

As fotografías escenificarán un libro que se estea lendo neste verán. Trátase dunha posta en escea onde o contido do libro, ou ben o seu título, ou tamén outras características, queden representados a través da imaxe. Nela pode aparecer representada ou non a persoa que le o libro, así como outras persoas.
A imaxe pode ser unha fotografía tomada de xeito natural ou tamén unha composición ou montaxe fotográfico.

Neste enlace tes toda a información, as bases...e o premio!

O premio do concurso

A data de inicio do concurso será o 11 de xullo de 2016 e finalizará o día 1 de setembro do mesmo ano. 

Fotografía gañadora do noso concurso "Unha viaxe, unha biblioteca"

Durante os meses deste verán que ven de rematar, propoxuémoslles aos nosos lectores que nos enviaran fotografías das bibliotecas que visitaran nos seus lugares de lecer e vacacións. Todas elas participaron no concurso "Unha viaxe, unha biblioteca", co que lanzamos ás bibliotecas municipais na rede social INSTAGRAM.

Podedes ver as fotografías aquí, ou na propia plataforma Instagram, co hashtag #viaxebiblioteca.

O prazo para enviar as fotografías rematou o pasado 15 de Setembro. Nestes dúas o xurado, formado polos  membros da Asociación de Amigos das Bibliotecas Municipais de Redondela, deliberou para decidir a fotografía gañadora. 

E xa coñecemos a instantánea vencedora deste certame fotobibliotecario! Podedes vela aquí:

A fotografía foi tomada na biblioteca de Arucas (Gran Canaria), e nola enviou Susi, de Radio Redondela.

Felicidades á gañadora! Nestes días poderá pasar pola Biblioteca Municipal de Redondela para recoller o seu premio.

Parabéns, e grazas, de novo, a todos e todas os que nos mandáchedes imaxes de bibliotecas fabulosas, da nosa contorna, de toda a xeografía española e, tamén, do extranxeiro. Mandámoslle o noso máis cariñoso recordo a todas esas institucións, aos seus traballadores e á comunidade de usuarios que lles dan uso e lles dan vida.

As imaxes do concurso "Unha viaxe, unha biblioteca"

Durante os meses deste verán que ven de rematar, propoxuémoslles aos nosos lectores que nos enviaran fotografías das bibliotecas que visitaran nos seus lugares de lecer e vacacións. Todas elas están a participar no concurso "Unha viaxe, unha biblioteca", co que lanzamos ás bibliotecas municipais na rede social INSTAGRAM.

Podedes ver as fotografías no Instagram das bibliotecas municipais , que recollemos co hashtag #viaxebiblioteca.

Rematado o prazo para enviar as fotografías o pasado 15 de Setembro, velaquí os amosamos todas as fotografías que recibimos.

Podedes facer click sobre elas, para velas máis grandes, ou ir directamente ao sitio web, nesta enlace:
#viaxebiblioteca, para velas todas.

O xurado do concurso está a ser a Asociación de Amigos das Bibliotecas Municipais de Redondela, que o día 30 de Setembro nos dará o seu veredicto. Publicarémolo ese día aquí, no blog da biblioteca.

Grazas a todos/as por participar, e que gañe o mellor!!