Premios na fase de desescalada

🏆Premios na fase de desescalada

   

🥇@s gañador@s do Premio Mellor Lector/a do Ano das Bibliotecas Municipais de Redondela xa están a recoller os seus agasallos 📔📘📒nas librerías do municipio.

 

Os irmáns🔹 Brais e Adrián, de 5 anos, xunto con 🔹Sheyla Fernández (na fotografía recollendo o seu premio na Librería La Imprenta) na Biblioteca P.M. Valle-Inclán de Redondela, e 🔸David Fernández, tamén de 5 anos, xunto con 🔸José Lorenzo, na Biblioteca P.M. Xela Arias de Chapela, foron os galardoados deste ano nas categorías de menores e maiores de 14 anos; isto fainos merecedores dun premio para a adquisición de libros📚 nunha librería do municipio.

José Lorenzo, mellor lector do ano 2019 da Biblioteca Xela Arias, recolle o seu premio na librería Acuario, situada na mesma parroquia.
🎁📚📚

Brais e Adrián xa recolleron os seus contos📚 como 🏆Premio aos Mellores Lectores Infantís da biblioteca de Redondela no 2019, na Librería Mandamamá.

David Fernández, Mellor Lector Infantil 2019 🥇📖 da Biblioteca de Chapela, recolle o seu premio 📚 na Librería Acuario

🏣As Bibliotecas Municipais de Redondela distinguen cada ano, en torno ao Día do Libro📖, aos lectores e lectoras menores e maiores de 14 anos, que maior uso realizaron do servizo de préstamo, atendendo aos datos que rexistran as súas estatísticas.

Eu recomendo...(2)

O pasado mes de decembro, iniciamos no blogue de Literaturas Irmás-Irmãs a sección "Eu recomendo..." na que diferentes representantes da cultura de Monçao e  de Redondela, fálannos dunha obra da súa preferencia, en lingua portuguesa e galega, respectivamente.

Neste momento de confinamento, vai ver a luz esta entrada que inicialmente se ía publicar no mes de febreiro pero que, por diversas circunstancias, demorouse ata o día de hoxe.

Nesta ocasión, estas son as recomendacións:

     Teresa Santos,  lectora da Biblioteca de Monção, 
 aconséllanos Novos Contos da Montanha de Miguel Torga

               

Pedro Táboas da librería redondelá Moliere, 

recoméndanos Infamia de Ledicia Costas

Tamén podes seguir a Literaturas Irmás-Irmãs no seu Instagram

 

"Eu recomendo..."nova sección no blogue de Literaturas Irmás-Irmãs

Onte, iniciamos no blogue de Literaturas Irmás-Irmãs a sección "Eu recomendo..." na que diferentes representantes da cultura de Monçao e  de Redondela, recomendarannos, con periodicidade mensual, unha obra da súa preferencia, en lingua portuguesa e galega, respectivamente.

O mes de Nadal ven a ser o máis lucido para a estrea desta nova sección. E para arrincar motores con ela, nada mellor que recorrer a Dosi Pérez, representante máis novo dunha veterana saga de libreiros da nosa vila: La Imprenta, Hijos de Amador. Con ela dise que naceron moitos lectores de Redondela.

Dosi convídanos a ler unha obra que podemos dicir está no cume das súas preferidas: Vicus de Beto Luaces, unha obra que se encadra dentro do que xa podemos denominar como novela negra viguesa.

Pero xa calamos e que fale Dosi! (premede neste link para lelo)

O escritor Beto Luaces recolle o noso proxecto nas súas redes sociais. 
(Moitas grazas, Beto! 😀)

No Tweeter e Instagram de Beto Luaces

No Facebook de Beto Luaces

E para finalizar dámoslle as grazas a Tania Lago pola creación e xestión deste blogue. Un novo instrumento ao servizo dos lazos culturais entre dous municipios, bibliotecas e cidadanías.

Recomendacións dos libreiros para estas Festas

Aquí podedes acceder un ano máis ás  RECOMENDACIÓNS DOS LIBREIROS de Redondela para regalar nestas Festas, tamén as tedes dispoñibles na web de Radio Redondela.

listen to ‘Libraría La Imprenta-Hijos de Amador-Nadal 2014’ on audioBoom

listen to ‘Libraría Moliere-Nadal 2014’ on audioBoom

listen to ‘Libraría Doble Pauta-Nadal 2014’ on audioBoom

listen to ‘Libraría A Carambola-Nadal 2014’ on audioBoom

Estás a buscar un libro para ler ou regalar?

RECOMENDACIÓNS DOS LIBREIROS DE REDONDELA

Atoparás o título axeitado nas recomendacións dos libreiros de Redondela e máis de Eva do Servizo de Normalización Lingüística. Ademáis, ti tamén poder recomendarnos libros no apartado de comentarios desta entrada do blog.

Mandamos un saúdo moi especial á Librería Rivero de Chapela que este ano, por causas maiores, non puido particiar.

E, como sempre, o noso agradecemento a Radio Redondela por a súa colaboración.

Estas recomendacións están a facerse por iniciativa das Bibliotecas municipais e coa colaboración de Radio Redondela e dos libreiros do Concello.

FELIZ PRE-DÍA DAS LETRAS GALEGAS A TODOS!!!

listen to ‘Día das Letras Galegas-Moliere’ on Audioboo

listen to ‘Día das Letras Galegas-Doble Pauta’ on Audioboo

listen to ‘Día das Letras Galegas-Hijos de Amador’ on Audioboo

listen to ‘Día das Letras Galegas-A Carambola’ on Audioboo

listen to ‘Día das Letras Galegas-Mandamamá’ on Audioboo

listen to ‘Día das Letras Galegas-Normalización Lingüística’ on Audioboo

Os libreiros de Redondela recomendan nas Letras Galegas

Que vou regalar ou que "me vou regalar" o 17 de maio?

Achégase o Día das Letras Galegas, unha data, que como o Día do Libro invita a adquirir unha obra que nos guste dos nosos escritores (recordade ademais que ese día hai desconto).

Se temos dúbidas acerca de en que libro investir ou, se non somos lectores afeccionados a ler en galego e non sabemos por que libro decantarnos, achegarvos, o 15 de maio, ao dial de Radio Redondela (94.9) onde os libreiros da nosa localidade nos suxerirán libros para público infantil e adulto cos que non erraremos a compra.

Será un espazo especial dentro das emisións de Radio Redondela realizado en colaboración coa Biblioteca Municipal.

A Libraría A Carambola (Reboreda), Libraría La Imprenta de Amador (Redondela), Libraría Moliere (Redondela), Libraría Doble Pauta (Redondela) e Mandamamá (Redondela), compartirán cos oíntes os libros que consideran máis acertados para regalar (e regalarse) nesta data. Por certo, un saúdo afectuoso á Libraría Rivero de Chapela que, por causas maiores, non pode participar nesta edición.

Nesta ocasión teremos unha convidada moi próxima a todos nós, Eva M. García Rei, do Servizo de Normalización Lingüística Redondela, que tamén nos achegará as súas propostas. 

Non podía faltar tampouco, Mª Elena Becerra, a nosa directora, que ten no máis absoluto dos segredos o libro que vai suxerir.

Unha vez emitido, poderá accederse aos audios do programa a través da web da Radio e do blog das Bibliotecas de Redondela:

http://radioredondela.com/

http://bibliotecasredondela.blogspot.com.es/

(ilustración de Violetno)

E AQUI ESTAMOS TODOS!

 A iniciativa galardoada esta fin de semana na entrega dos XXIII Premios Irmandade do Libro celebrada en Rianxo, contou coa colaboración dos libreiros de A Carambola de Reboreda, Libraría Rivero de Chapela e as librarías La Imprenta de Amador, Moliere, Doble Pauta e Mandamamá no casco urbano de Redondela e da Radio Municipal na que se emitiu esta programación especial destinada a promocionar os libros como agasallo de Nadal e a sua adquisición nas librarías do propio concello. Acompáñannos na imaxe, Javier Bas, alcalde de Redondela, e Julio Alonso, concelleiro de Cultura.

Os bibliotecarios e mais os libreiros de Redondela, xunto coa representante de Radio Redondela, o Alcalde e mais o Concelleiro de Cultura, presentamos o premio na sala infantil da biblioteca

Recepción do premio polo Alcalde do Concello de Redondela

A nova no Faro de Vigo.

Un premio en imaxes

Este pasado sábado, vivimos en Rianxo unha tarde inesquecible e isto, que pode soar ao típico que se escribe nestes casos, foi e é unha realidade. Perdura, ainda hoxe, un sentimento gozoso de ter compartido un momento de grande alegría arroupados polo cariño de organizadores, compañeiros, de todas as "xentes do libro". Queremos agradecer a Pilar Rodríguez Álvarez, presidenta da Federación de Libreiros de Galicia, as súas afectuosas palabras e a Teté e María da organización a súa simpatía e incondicional axuda. Ao alcalde de Rianxo, a cordialidade e afecto que despregou en toda a xornada. A reunión final, distendida e divertida, foi o inmellorable colofón a esta celebración.

       FELICITACIÓNS A TODOS OS GALARDOADOS!!! 

 e, permitídenos un abrazo moi forte á nosa compañeira e amiga, Sofía Carou, magnífica bibliotecaria de Rianxo.

Todos os galardoados

Pica aqui para acceder ás imaxes  da entrega do premio en video

Co concelleiro de Cultura, Julio Alonso

Unha grata sorpresa: Saúdos para os clubs de lectura de parte de Berta Dávila!

As Bibliotecas de Redondela premio Fomento da Lectura 2013 na XXIII edición dos Premios Irmandade do Libro

A Federación de Libreiros de Galicia entregou este sábado, en Rianxo, os Premios Irmandade do Libro coa colaboración da Consellería de Cultura e Educación, co fin de render homenaxe aos que durante o ano 2013 destacaron no seu traballo para que o libro e a lectura continúen a ter un presente activo e un futuro determinante para a sociedade galega. . 

Galardóns:

Na súa vixésima terceira edición, os Premios Irmandade do Libro contemplaron sete modalidades. Así, na de Autora a galardoada foi Chus Pato; mentres que a de Centro de Ensino recaeu no CPI Manuel Suárez Marquier (O Rosal); a do Libro do Ano 2013 en ‘Ulises’, de James Joyce, traducido e publicado por Galaxia; e a de Obra Editorial para a colección ‘Cociña infantil e familiar’ da editorial Ouvirmos. O premio de Fomento da Lectura levouno a Biblioteca Municipal Valle-Inclán (Redondela); o de Libraría recaeu na Ramón Cabanillas (Cambados); e a nova modalidade do galardón incorporada este ano, a de Libro Infantil e Xuvenil do Ano 2013, foi para a ‘Triloxía Ámote Leo’, de Rosa Aneiros, publicada por Edicións Xerais de Galicia. Todos eles recibiron unha figura exclusiva realizada en bronce deseñada polo lucense Ismael López e mais un vale para mercar libros en librarías asociadas á federación.

A nova en Faro de Vigo

A nova na web da Concellería de Cultura da Xunta de Galicia

A nova no blog Brétemas, de Manuel Bragado.

Os libreiros de Redondela recomendan: audios

Xa están á vosa disposición os audios coas recomendacións para este Nadal dos libreiros de Redondela. Así mesmo, deixámosvos o enlace na web de Radio Redondela ao programa completo, tal cual emitiuse no día de onte.

listen to ‘Recomendacións no Nadal-A Carambola (Reboreda)’ on Audioboo

listen to ‘Recomendacións no Nadal-Libraría Rivero (Chapela)’ on Audioboo

listen to ‘Recomendacións para o Nadal-Moliere’ on Audioboo

listen to ‘Recomendacións para o Nadal-Mandamamá’ on Audioboo

listen to ‘Recomendacións para o Nadal-La Imprenta de Amador’ on Audioboo

listen to ‘Recomendacións no Nadal-Doble Pauta’ on Audioboo

Programa completo en Radio Redondela

Os libreiros de Redondela recomendan...

O xoves, 19 de decembro, Radio Redondela en colaboración coa Biblioteca Municipal, emitirá dentro do espazo matinal  A Estación un programa especial dedicado ás recomendacións dos libreiros de Redondela, que compartirán cos oíntes os libros que máis lles gustaron e que consideran máis acertados para regalar nestas festas.

Unha vez emitido, poderá accederse aos audios do programa a través da web da Radio e do blog das Bibliotecas de Redondela

Esta iniciativa da Biblioteca Municipal e a Radio xunto cos libreiros de Redondela, está encamiñada a recordarnos a todos a "excelente adquisición" que é comprar un libro e moito máis "regalar un libro"

Participan: Libraría A Carambola (Reboreda), Libraría Rivero (Chapela), Libraría La Imprenta de Amador (Redondela), Libraría Moliere (Redondela), Libraría Doble Pauta (Redondela) e Mandamamá (Redondela)