Xuntanza sobre "O grande Inquisidor" de Dostoievski, a cargo da Asociación de Amigos das Bibliotecas Municipais de Redondela

O pasado venres, 5 de xuño a Asociación de Amigos das Bibliotecas Municipais de Redondela ofrecéronnos unha nova sesión de libro-fórum.

Nesta ocasión, o punto de partida para a sesión era un texto que, ainda que moi breve, ten condensado moito contido para a reflexión e o debate. Tratábase do fragmento "O grande inquisidor", publicado dentro da novela "Os irmáns Karamazov" de Fiodor Dostoievski.

Deste xeito, a sesión de libro-fórum tivo moito contido filosófico e de debate entorno a relixión.

O profesor Pedro Bravo, profesor de filosofía do IES Sabón de Arteixo, se encargou de dirixir o coloquio, previa presentación do tema de Jerónimo Pomares, coordinador dos clubs de lectura. Jerónimo acompañou a presentación cun simpático vídeo para ilustrarnos a Rusia do tempo de Dostoievski.

Aledámonos porque a actividade tivo moita participación, e porque deu para falar de moitísimos temas: liberdade, ética, espiritualidade, crenzas relixiosas, racionalismo...

Agardamos e animamos a Asociación de amigos das bibliotecas que sega a propoñer estas actividades tan enriquecedoras.

Moitas grazas!

Astrolabios, astronomía e literatura... unha historia de amor

 

Os Amigos das Bibliotecas Municipais de Redondela veñen de celebrar o seu segundo libro-fórum deste ano. Neste caso a temática xiraba entorno á astronomía e ao tratamento literario que se ven dado a esta ciencia, así como aos astros, dende diferentes propostas estilísticas e estéticas

Poemas e relatos "astronómicos" propostos para esta actividade

A selección de textos realizouna Jerónimo Pomares, o coordinador dos clubs de lectura das nosas bibliotecas.

A actividade completábase cunha visita ao observatorio astronómico de Cotobade, da man da Asociación Astronómica Sirio de Pontevedra. A mala sorte veu en dar un día moi nubrado para a observación, así que quedou aprazada. Proximamente nos informarán da nova data para intentar a visita ao observatorio, pois para todos promete ser unha actividade moi atractiva, non sí?

 

Fotografías do pasado venres

Aquí a crónica que fixeron da sesión no seu blog dos Amigos das bibliotecas.

Grazas por estas propostas tan interesantes. Agardamos que sigades facendo moitas actividades máis.

Arredor de Ana Frank

Exitazo e acendido debate na primeira actividade organizada por a Asociación de Amigos das Bibliotecas Municipais de Redondela, "Arredor de Ana Frank". 

Os máis variados perfís e as máis diversas idades, déronse cita para compartir opinións sobre "El diario de Ana Frank" e, a partir deste, sobre os máis variados temas. 

A máis nova participante: 12 anos e un exemplo para os "maiores". E por suposto, sempre, a presenza dos libros, neste caso en torno á figura de Ana Frank e de todos aqueles que a rodearon. 

Colaboraron: Fundación Filomena Rivero Alonso e Bibliotecas de Redondela.