Día da Ilustración con Sendak

Mañá sábado, día 30, celébrase en Galicia o Día da Ilustración, con diversas actividades por toda Galicia. 

Se estás en Redondela achégate á mostra bibliográfica dedicada ao gran ilustrador Maurice Sendak, dentro da exposición "O libro ilustrado: imaxes que contan" organizada pola Fundación Filomena Rivero Alonso e as Bibliotecas Municipais de Redondela. Que mellor xeito de celebrar o día!
No Multiusos da Xunqueira (Redondela)

“O libro ilustrado: imaxes que contan” Mostra bibliográfica en Redondela

 

A Fundación Filomena Rivero Alonso xunto coa Biblioteca Municipal Valle-Inclán de Redondela, a fin de promover o hábito da lectura, inauguran o vindeiro venres 29 de xaneiro, coincidindo coa véspera do Día da Ilustración, a mostra bibliográfica “O libro ilustrado: imaxes que contan”.

Esta exposición que se prolongará durante todo o 2016, xira ao redor dalgúns dos grandes nomes do mundo da ilustración, complementándose cunha serie de actividades paralelas.

A obra de Maurice Sendak, autor, entre outras, do clásico “Onde viven os monstros”, abrirá a mostra desde o 29 de de xaneiro ata o 30 de marzo.
“O libro ilustrado: imaxes que contan” está situada na entrada do Multiusos da Xunqueira (Redondela) e pode ser visitada no horario de apertura do mesmo.

Proxección do documental Universo Blanco Amor no Multiusos de Chapela

Co gallo da celebración de esta XXXIII edición do Premio Blanco Amor de novela no Concello de Redondela, o noso concello está a levar a cabo actividades para salientar a obra de Eduardo Blanco Amor, senlleiro escritor das nosas letras. Hoxe mesmo deuse a coñecer ao gañador do premio deste ano, o periodista Fran P. Lorenzo.

O vindeiro luns 17, ás 20:00 h. no auditorio do Multiusos de Chapela as bibliotecas municipais e mais o Servizo de Normalización Linguïstica proxectaremos un documental sobre a figura do autor, co título "Universo Blanco Amor".

Dito documental é unha producción da Asociación de Escritores e Escritoras en Lingua Galega (AELG).

A entrada é libre e gratuita.

Pola súa banda, e os clubs de lectura de Redondela estamos a ler a novela A Esmorga, que analisaremos na xuntanza deste mes.

O asombroso mundo mariño no Multiusos da Xunqueira

Benvidos ao mundo da vida acuática onde nos asombraremos máis que o capitán Nemo!

Os máis incribles e mecánicos monstros mariños nos aterrorizarán...aggghhhh!!!!.....nos asombrarán....ooohhh! e, en definitiva, farannos gozar duns momentos deliciosos

Unhas mans e unha mente enxeñosa e creativa

Máis información

Este venres...TODOS AO AUDITORIO DA XUNQUEIRA

O venres 2 de novembro, ás 20:00 h, no auditorio do Multiusos da Xunqueira (Redondela),  imos gozar dun  recital poético inesquecible e inimitable  con  Yolanda Castaño, Marko Pogačar (croata), Merja

 Virolainen (finés), Txema Martínez (catalán), Brane Mozetič (esloveno), Margrét Lóa Jonsdóttir (islandés), Sergej Timofejev (letón de expresión rusa).

Horario estudo

O Multiusos de Redondela habilitou unha sala de estudos na planta baixa que abre as súas portas de 8 a 10, hora na que se poderá acceder ao estudo da Biblioteca; incrementando así dúas horas a oferta de espazo de traballo para os estudantes e opositores.

Tras esta ampliación, o horario de estudo da Biblioteca de Redondela é de 8 a 2 pola mañá e de 4 a 10 pola tarde.


En canto ao horario da Biblioteca, tanto de acceso como de préstamos, non sofre modificación e segue abrindo para todos ás 10.

Grazas!

Exposición A Coca en Redondela en Mil Imaxes, no Multiusos de Chapela

Do 1 de febreiro ao 15 de marzo pode visitarse no Edificio Multiusos Piñeiral do Crego, en Chapela, a mostra A COCA DE REDONDELA EN MIL IMAXES. Continúa así o traxecto desta exposición na que se repasa a relevante figura da Coca de Redondela a través das súas múltiples representacións ao longo de máis de cen anos: na cerámica, nos maios, na publicidade, na cartelería, en fotos do arquivo Cal, na ilustración infantil, etc. Tamén, gracias o texto do historiador José Martínez Crespo, se lle dá cumprida explicación ás súas orixes e simboloxía,e se ilustra a súa aparición na literatura galega (textos de Celso Emilio Ferreiro, Álvaro Cunqueiro...).

A mostra irá acompañada dun CONCURSO DE DEBUXO para rapaces e rapazas, co tema central da Coca. Este terá lugar o xoves 24 de Febreiro, de 17:00 a 19:00 h.

O concurso premiará ás mellores imaxes da Coca segundo un xurado formado por representantes das asociacións culturais de Chapela.
Faránse 3 categorías por idades:
- De 4 a 6 anos
- De 7 a 9 anos
- De 10 a 12 anos

Os premios consistirán en lotes de libros xunto con outras sorpresas.
Para participar é preciso inscribirse previamente na biblioteca.

Organiza CONCELLERÍA DE CULTURA, CONCELLO DE REDONDELA

Interesante vídeo do escultor Moncho Novas

Xunto co pintor Manuel Boullosa, Moncho Novas expón algunha das súas esculturas no Multiusos de Chapela. A exposición poderá visitarse ata o vindeiro 31 de Xaneiro.

Aquí tedes un vídeo onde podedes ver algunha das obras máis fermosas do escultor.

Obra de teatro infantil no Multiusos de Chapela

A coñecida compañía teatral A Loca Motora estará no Multiusos de Chapela o vindeiro Martes 21 de Decembro, ás 18:00 h. para representar a súa divertidísima obra Carlota e Marieta dan a volta ao planeta.

A actividade forma parte da programación do Nadal Cultural que está a desenvolver este ano a Concellería de Cultura.

Os Clubs de lectura de Chapela coñecen ao escultor Bernardo Seoane

Membros dos clubs de lectura infantil e de adultos percorreron onte a exposición con Bernardo Seoane e co seu amigo Pepe Carvalho, coñecendo as súas obras e accionando cada unha das máquinas. A continuación Bernardo lles amosou algunhas pezas doutras coleccións da súa obra, e improvisaron a invención de máquinas e pezas artísticas con chatarra.

Podedes ver un vídeo da actividade, cortesía de Vigovídeo.

A Biblioteca de Chapela convida aos alumnos do C.E.I.P. Laredo a coñecer ao escultor Bernardo Seoane

Bernardo Seoane recibiu hoxe aos alumnos de 5º e 6º do C.E.I.P. Laredo de Chapela. Os alumnos disfrutaron accionando as súas Máquinas Absurdas e coñecendo outras obras do autor e asimesmo recibiron consellos sobre como empregar materiais reciclados para facer creacións artísticas.

Precisamente, segundo nos contaron, os alumnos e alumnas farán estes días a súa decoración navideña a partir de materiais reciclados, así que lles desexamos a todos moita sorte e que teñan moi boa inspiración!

Visita dos rapaces do C.E.I.P. Alexandre Boveda de Chapela á exposición de Bernardo Seoane

Os alumnos e alumnas do C.E.I.P. Alexandre Bóveda de Chapela viñeron coñecer a Bernardo Seoane esta mañá e a visitar a súa exposición "Máquinas absurdas" que se pode ver no Multiusos de Chapela ata o día 15 de Decembro.

Bernardo amosoulles as súas máquinas: o Confesionario, que serve para contar os segredos, a súa orixinal máquina para dar abrazos, o Desintoxicador de móbiles, para liberarnos do esclavismo da tecnoloxía, ou o Termineitor..., unha das que máis gustaron aos rapaces. Tamén lles amosou como é o seu proceso de traballo, e como selecciona as pezas de chatarra e refugallo para convertelas en outras realidades moito máis fermosas.

Na biblioteca os rapaces completaron a visita cunha actividade proposta polas profesoras do seu centro: os alumnos deseñaron máquinas e instrumentos do máis orixinal que se poderían fabricar a partir de obxectos cotiáns. Tamén traballaron cos diccionarios, os ordenadores e os libros da biblioteca. Asimesmo, lles amosamos moitos documentos da biblioteca nos que poderán aprender máis sobre os inventores ou a reciclaxe, atopar inspiración para a construcción de pezas ou ver moitas ilustracións de orixinalísimas máquinas ou complexos aparellos.

Ver máis fotos no blog do centro.

Bernardo Seoane, autor das "Máquinas absurdas", explicará a súa obra aos centros de primaria de Chapela

Na vindeira semana os alumnos de 6º curso dos centros de primaria de Chapela virán visitar a exposición Máquinas Absurdas de Bernardo Seoane, onde os recibirá o autor das obras.

O artista desmontará e volverá a montar algunha das pezas para explicar aos alumnos o proceso de traballo, e falaralles tamén do sentido das súas obras dentro dunha valoración da reciclaxe e a reutilización, pero tamén dunha exaltación da arte do Surrealismo.

Por tal motivo, queremos proporcionar a estes rapaces e aos seus profesores, e tamén a todos os que queirades achegarvos a visitar a exposición, información sobre o artista e as súas obras.

- No mes de Xullo o diario A Nosa Terra fixo unha entrevista ao escultor.

- Tamén o diario La Voz de Galicia realizou unha reportaxe sobre estas obras.

Velaiquí un vídeo, da canle Galicia TV.

Lembrámosvos que a exposición se pode visitar ata o día 15 de Decembro.

Exposición no Multiusos de Redondela

A exposición, que poderá visitarse nas dúas salas do edificio, reúne unha extensa recopilación de obras dos artistas Moncho Novas, e Manuel Boullosa.

O escultor natural de Pontesampaio, Novas traballa a madeira procedente da obra, paus queimados, raíz de eucalipto, pecio, etc coa que da forma a todo un universo onírico e fantasioso en pezas coma Xana, A danza, Cópula, Pez,O mundo (alusión ós poderes que moven á sociedade) ou Por que?, que denuncia a violencia e a tortura.

Manuel Boullosa, nacido en Canicouva, fai un minucioso e ben documentado percorrido pola nosa arquitectura popular, cunha recopilación de máis de 20 hórreos, da zona da Lama, Meira, Donón, etc, prazas e monumentos, así como capelas e carballos centenarios: o Carballo do Pelete, realizados todos eles en grafito e plumilla.

Observación das estrelas coa Biblioteca de Chapela

venres, por mor das condicións climáticas, non puidemos disfrutar da observación das estrelas con telescopios no parque do Piñeiral do Crego. En lugar diso tivemos unha charla a cargo de Ricardo, Patricia e Pablo, da Agrupación Astronómica Rías Baixas de Vigo.

Ao rematar a intervención, a Banda de Música Xuvenil de Chapela tocou en directo o fermosísimo tema Virginia, de Jacob de Haan, mentres no auditorio podiamos disfrutar de imaxes de planetas e galaxias.

Grazas a todos por participar connosco!

Mulleres galegas na emigración

Hoxe tivemos unha charla da escritora Elba Torres Rondón, na que nos falou de algunhas mulleres galegas que se destacaron polo mundo ao longo da historia.

Galegas ilustres ou curiosas como a monxa Exeria, peregrina a Terra Santa que nos deixou a primeira crónica de viaxes no século IV; Sofía Casanova, escritora e corresponsal de guerra en Polonia na I e na II Guerra Mundial; María Muñoz, divulgadora da música coral en Cuba; Haydeé Santamaría, fundadora dunha institución insigne para intelectuais e artistas que é a Casa das Américas en Cuba, ou a bailarina e actriz Agustina Otero Iglesias, popularmente coñecida como A Bela Otero, acompañáronnos esta tarde en imaxes fotográficas, anécdotas e referencias contadas pola autora da conferencia.

Ao rematar a charla, a escritora agasallou aos presentes con exemplares dos seus libros.

Nova observación das estrelas en Chapela

Debido ao éxito que tivo a observación astronómica que fixemos o pasado ano, xunto coa Agrupación Astronómica Rías Baixas de Vigo, ofrecémosvos agora unha nova edición da proposta.

Este equipo de aventureiros namorados da astronomía teñen moitas gañas de volver traballar coas bibliotecas de Redondela, e nesta vindeira cita incorporarán a expertos como Ricardo Lago e Patricia Díaz, que nos darán a coñecer moitas cousas sobre estrelas, planetas e corpos celestes.

Será o Venres 1 de Outubro, ás 21:30 h.

- A primeira parte da actividade será unha charla-coloquio, no Edificio Multiusos, onde falarán sobre o firmamento, vos darán consellos sobre como observar as estrelas e poderedes facerlles preguntas.

- A segunda parte (condicionada a que o clima sexa o axeitado), será unha observación con telescopios no parque do Piñeiral do Crego. Nese día poderemos ver:

• Venus (a primeiriña hora)
• Xúpiter e os seus satelites
• A Lúa (cos seus cráteres, mares, ...)
• Algunhas Galaxias e Cúmulos

Agardamos ilusionados a ter tan bo tempo como o ano pasado, e que a actividade vos siga animando a todos a participar.

Charla-coloquio: "Mulleres galegas na emigración" na Biblioteca de Chapela

escritora e actriz cubana Elba Torres Rondón, ademáis dunha extensa traxectoria na poesía, a escrita periodística e a dirección teatral, leva tempo investigando no fenómeno das migracións, colaborando co Grupo de Comunicación de Galicia en el Mundo.

A raíz desta tarefa investigadora, grazas á que leva publicados dous libros sobre biografías de mulleres galegas, xurde unha colaboración coa biblioteca, dado que no Multiusos de Chapela está aberta ao público a exposición Mulleres Galegas na Historia.

O vindeiro Martes 21 de Setembro, ás 20:00 h., teremos o gusto de escoitar e participar nunha charla-coloquio impartida pola autora. Ela nos falará sobre algunhas destas destacadas mulleres, e o seu devir vital na diáspora, pero tamén nos achegará ao coñecemento de outras mulleres galegas, que, alén das nosas fronteiras, sobresaíron en diferentes eidos da cultura, a ciencia ou as artes.

Convidámosvos a todos a participar nesta actividade, que agardamos será moi amena e interesante.

Colabora: Galería Campo das Redes

"Máqunas absurdas" de Bernardo Seoane, no Edificio Multiusos da Xunqueira

Durante os meses de xullo e agosto pode visitarse no Edificio Multiusos da Xunqueira de Redondela a mostra Máquinas absurdas do escultor afincado en Arcade Bernardo Seoane.

O artista, autodidacta aínda que con máis de trinta anos de traballo ás súas costas, presenta unhas 25 pezas elaboradas a partir da reciclaxe de diversos materiais: ferramentas, aceiro, ferralla, etc, coas que reflexiona sobre o absurdo de certos comportamentos e situacións: a incomunicación, a hipocresía, o asulagamento, ou mesmo a violencia das guerras. Así, con títulos coma Desintoxicador de móviles, Auto-zoupador, Instrumentos de pedir, Máquina de pisarse, Confesionario ambulante, ou a Terminator, que da imaxe ao cartel da exposición, Seoane fai un lúcido traballo conceptual de crítica dende a ironía, facendo participar activamente ao espectador na visita, xa que todas as máquinas están concebidas para ser accionadas polo visitante (mesmo hai unha que permite ser abrazado gratuitamente).

A mostra está organizada pola Concellería de Cultura do Concello de Redondela.

Taller de pintura do natural na Biblioteca de Chapela

Aproveitando o bo tempo, e que tivemos a Marta Pérez Lozao e a súa exposición Vida e cor na natureza durante todo este mes no Multiusos de Chapela, hoxe aproveitamos para facer cos rapaces da biblioteca un obradoiro de pintura ao natural.

En dous grupos, un de cativos de 5 a 7 anos e outro de rapaces de 8 a 12, os asistentes disfrutaron da experiencia de copiar e reproducir o seu entorno, seguindo as directrices e consellos da autora.

A beleza do Piñeiral, a súa paisaxe mariña e, como non, o parque cos columpios, foron temas atractivos dos que os participantes tomaron boa nota nos seus debuxos.

Como exemplo poñemos o debuxo dunha das participantes, Raquel Santos, que optou por reproducir aos rapaces debuxando no Piñeiral do Crego.