O noso querido Leolo vístese de gala para este Nadal, e achéganos moitos agasallos. Pola forma que teñen os paquetes, non dubidamos de que son libros. A Coca Simona, acompáñao nesta imaxe.
Por aquí imos subir algunhas fotos do noso Nadal. Podedes premer neste enlace para velas.
O noso agradecemento á Asociación Cultural e Social de Chapela por prestarnos tan fantástica decoración para a Biblioteca Xela Arias.
O pasado sábado, 9 de xuño, día chuvioso e gris, ás 18:30 h. xurdía luz, cor e música de mans de Migallas Teatro, co seu espectáculo Canta connosco!, e de innumerables amig@s de todalas idades que se reuniron para unha entrañable conmemoración dentro deste ano do 50 aniversario: a mascota das bibliotecas de Redondela, Leolo o Contadelo, cumpría 10 anos de vida.
Aquí podedes ver algunhas das fotos do evento, que se desenvolveu dentro da III Feira do Libro de Redondela
Leolo estivo presente en cada momento do espectáculo...por algo era o seu aniversario! :)
Seguro que, nestes días, moitos vos preguntades,pero quen é este Leolo do que tanto se está a falar? 😉
Imaxe de Leolo na antiga páxina web das bibliotecas de Redondela
Imos tentar contestar a esta pregunta.
Leolo tricotado; agasallo da Asociación de Amigos das Bibliotecas Municipais
Leolo o Contadelo,
naceu no 2008, moi ligado ao primeiro club de lectura infantil das
nosas bibliotecas, o Club de Lectura Infantil Valle-Inclán
Camiseta dos membros do Club de Lectura Infantil (ano 2008)
Presentación do Club de Lectura Infantil (ano 2006)
O deseñador redondelano, José Migueles “Sé” é o pai da criatura que, así mesmo, conta cun poema dedicado polo escritor Miguel Ángel Alonso Diz, realizado no ano 2015 con motivo do X Aniversario da Biblioteca de Chapela.
José
Migueles “Sé", artífice de Leolo, é deseñador e creador de banda
deseñada, e moi coñecido polo público por "Golfón” un proxecto, que
arrincou en 2008, desde Redondela, unha vila que non é allea ao
desenvolvemento téxtil, pois nela naceu e prosperou a que foi a fábrica
de camisas máis grande de Europa, Regojo. José Migueles é un deseñador
que ten na actualidade un catálogo de 15 deseños, algúns deles
memorables, como o de " Versacho, moda rural", ou o de "Perdidiños, inspirado na serie de TV “Perdidos”(que, por certo, está a piques de repoñerse en TV), do que chegou a vender mil camisetas en menos dun mes.
José Migueles, "Sé",paida criatura
Pero no 2008 non soamente naceu “ Golfón” senón que "Sé" tamén deu vida a un personaxe que se está convertendo en memorable,“ Leolo o Contadelo “, mascota das bibliotecas de Redondela,que recibiu nome e apelido por votación popular e que cumpre neste ano, 10 da súa vinda á vida do municipio redondelano.
Leoloestivo presente, como representante do 50 aniversario das
bibliotecas, nas alfombras do Corpus de Redondela deste ano...pero... (continúa na seguinte liña)
Corpus 2018
....houbo outro Corpus no que tamén fixo acto de presenza, mirade aquí
E agora, deixámosvos os looks que nos brinda Leolo en tempada de inverno, verán e outono-primavera 😊
Que alegría! A mellor das sorpresas neste día ! Dúas grandes
amigas das bibliotecas enviáronnos estas fotografías do noso Leolo!
Moitas grazas a elas e moitas grazas aos que tiveron esta bonita
iniciativa facendo presente ao mellor representante das nosas
bibliotecas nestas grandes festas.
Aquí deixámosvos este fabuloso poema que dedicou Miguel Ángel Alonso Diz ao noso querido Leolo con motivo doX Aniversario da Axencia de Lectura Municipal de Chapela.
