10º Aniversario de Leolo, a nosa mascota, na Feira do Libro de Redondela

As Bibliotecas Municipais de Redondela celebran o 10º aniversario da súa mascota, Leolo (2008-2018) cun espectáculo dirixido aos nenos e ao público familiar, no que se combinan as cancións co teatro.

Da man de Migallas Teatro, esperámosvos o sábado 9 de xuño, ás 18:30 h., na zona de actividades da III Feira do Libro de Redondela.

Entrada libre e de balde

Organizan, Bibliotecas Municipais de Redondela dentro do Programa Ler conta Moito da Xunta de Galicia

Fin de semana de maxia, agasallos e lectura coas bibliotecas municipais na II Feira do Libro de Redondela

Preme no enlace para ver o álbum de fotografías

Durante estes días as bibliotecas municipais de Redondela gozamos do contacto cos lectores nunha contorna diferente. 

Por segundo ano celebrouse a Feira do Libro na Alameda da nosa vila, e as bibliotecas estivemos presentes para convidar a todos os veciños, veciñas e visitantes a coñecer as bibliotecas e inscribirse como socios, así como tamén a achegarse aos nosos libros e, como non, para animar aos paseantes a achegarse á lectura.

Ademáis de abrir coa nosa caseta un dos espazos máis animados da feira, repartimos moitos caramelos e marcapáxinas e tamén participamos nalgunhas actividades:

• Sorteo dunha fabulosa cesta de libros, entre todos/as os nosos/as visitantes.
• Presentación do libro: Pituxa, a fantástica nena da caca de ouro.
• Tarde de Maxia coa festa Harry Potter, organizada pola Feira do Libro.

Tivemos moito movemento na nosa caseta, moitas visitas amistosas e ilustres, como a Coca Simona, coa que temos tanta amizade.

Todo o persoal das bibliotecas municipais estivemos presentes ao longo destes días, pero tamén nos axudaron moito algúns dos membros da Asociación de Amigos das Bibliotecas Municipais de Redondela, aos que, de novo, lles estamos moi agradecidos.

Ademáis, aproveitando algunhas das efemérides literarias destacadas deste ano, fixemos o noso recuncho para a obra de Carlos Casares, e tamén para os libros de poemas de Gloria Fuertes. A maxia e os libros de aventuras, o fondo sobre Redondela, a prensa e algunhas revistas... E, por suposto, Leolo... Todo tivo cabida nestes intensos e felices días de feria e de saír á rúa.

Agora tócanos descansar, porque estamos esgotados, pero a Leolo e mais a Gato, as mascotas da biblioteca e mais da Asociación de Amigos das Bibliotecas, encántalles saír aos espazos verdes da nosa vila e encantoulles a experiencia. Así que contade con nós para futuras ocasións. Ata outra!

Unha hora de Ouro con Pituxa e a súa maxia nesta Feira do Libro de Redondela

Sábado, 6 da tarde, día de praia e con moitas actividades en Redondela e a súa contorna; un grupo de aguerridos amantes da lectura asistiron á presentación da novela Pituxa, a fantástica nena da caca de ouro na Feira do Libro de Redondela, respondendo á convocatoria da mesma e das Bibliotecas... e foi o mellor que puideron facer! 

Un momento da presentación da man de Francisco Castro

  Francisco Castro, director da editorial Galaxia, Marcos López Concepción, autor e Lidia Nokonoko, ilustradora, fixéronnos pasar unha hora divertida, entrañable e enriquecedora, é máis, SORPRENDENTE!

Moitas foron as cousas que descubrimos con Marcos López, empeñado en demostrarnos que o que parece máis irreal e imposible acompáñanos nos acontecementos máis cotiáns;  e tamén en que, dentro dun libro infantil-xuvenil como o de Pituxa, pódense encerrar moitas cousas que nos deixarán coa boca aberta, sobre todo cando podemos contar coa máxia do seu autor para desvelárnolas.

 

Os gañadores dos moi doces penicos

 Podedes acceder aquí a todas as fotos do evento:

Premede na imaxe para acceder ás fotografías

Podedes ver unha pequena introdución neste vídeo:

A cesta xa ten gañadores!

Mario Puch, de catro anos, gañou para a súa familia a completísima cesta que as bibliotecas de Redondela sortearon na Feira do Libro. Esta tarde, pasou a recollela pola sala infantil, pero Mario é tímido ante as cámaras e delegou a representación na súa irmá pequena que fixo un gran papel.

A cesta está composta por libros para adultos, xuvenís e infantís que poderán ser desfrutados por toda a familia. Parte do contido sitúase nunha moi bonita caixa-biblioteca artesanal deseñada por Marta, unha gran amiga das bibliotecas, que a creou con todo o agarimo e esforzo. Desde aquí queremos enviarlle todo o noso agradecemento.

 Contido da cesta:

  . "Instrumental" de James Rhodes

 . "Paris-Austerlitz" de Rafael Chirbes

 . "Me llamo Zoila" de Chiki Fabregat

 . "Pituxa, a fantástica nena da caca de ouro" de Marcos López Concepción

 . "Junie B. Jones y el autobús apestoso" de Barbara Park

 . "Un monstruo viene a verme" de Patrick Ness

 . "Te espero en el cementerio" de Manuel L. Alonso

 . "El gato negro y otros relatos" de Edgar Allan Poe

 ."El extraño caso de Benjamin Button y otros relatos" de F. Scott Fitzgerald

 . "El arte de la guerra" de Sun Tzu

 . "Donde yo vivo"  de Frances Wolf

 . "Máis alá da fiestra" de Maurice Sendak

 . "Cuentos clásicos" de María Pascual (ilustradora)

 . "La casa de los ratones" de Karina Schaapman 

 . "El factor Churchill" de Boris Johnson

 . "Perseverancia" de Salvatore natilo

 . "Biografía del silencio" de Pablo d´Ors

 . "La fabulosa historia de Henry N. Brown" de Anne Helene Bubenzer

 .  Primeira tempada da serie de televisión "Mazinger Z.

Presentacións, sorteos e agasallos na caseta das bibliotecas na Feira do Libro de Redondela

As Bibliotecas de Redondela estamos presentes, por segundo ano consecutivo,  na Feira do Libro que se desenvolverá ata o domingo 11 de xuño, na Alameda de Redondela 

Este ano  haberá  sorpresas na nosa caseta:

• Cada persoa que se faga socia das bibliotecas de Redondela, recibirá como regalo unha bolsa de tea das mesmas, co logotipo da Coca Simona, contendo, no caso dos nenos, un libro infantil e un marcapáxinas conmemorativo do centenario de Gloria Fortes e, no caso dos adultos,  dúas películas en formato DVD 
  
   
  

. Así mesmo, entre todos os que se fagan socios e os que se acheguen a gozar dun intre de lectura na nosa caseta (na que estarán dispoñibles libros, revistas e xornais) sortearase unha cesta de libros e películas que conterá:

 . "Instrumental" de James Rhodes

 . "Paris-Austerlitz" de Rafael Chirbes

 . "Me llamo Zoila" de Chiki Fabregat

 . "Pituxa, a fantástica nena da caca de ouro" de Marcos López Concepción

 . "Junie B. Jones y el autobús apestoso" de Barbara Park

 . "Un monstruo viene a verme" de Patrick Ness

 . "Te espero en el cementerio" de Manuel L. Alonso

 . "El gato negro y otros relatos" de Edgar Allan Poe

 ."El extraño caso de Benjamin Button y otros relatos" de F. Scott Fitzgerald

 . "El arte de la guerra" de Sun Tzu

 . "Donde yo vivo"  de Frances Wolf

 . "Máis alá da fiestra" de Maurice Sendak

 . "Cuentos clásicos" de María Pascual (ilustradora)

 . "La casa de los ratones" de Karina Schaapman 

 . "El factor Churchill" de Boris Johnson

 . "Perseverancia" de Salvatore natilo

 . "Biografía del silencio" de Pablo d´Ors

 . "La fabulosa historia de Henry N. Brown" de Anne Helene Bubenzer

 .  Primeira tempada da serie de televisión "Mazinger Z.

• "Conta con Leolo": 

Na caseta das nosas bibliotecas atópase o comezo dunha historia protagonizada pola nosa querida mascota Leolo o Contadelo, o día que saíu da biblioteca para percorrer a vila. Animamos a todos os visitantes da feira a que continúen esa historia:

“Nunha biblioteca lonxana, na Vila dos Viadutos, naceu o pequeno Leolo. A Leolo gustáballe ler, e gustáballe gozar de todas as historias que se podían atopar na biblioteca: había tantas!. Pero un día decidiu que quería vivir algo máis que as aventuras dos libros, e decidiu saír dos andeis da biblioteca e percorrer a vila. Esto é o que atopou”.

As persoas que participen nesta actividade tamén entrarán no sorteo da cesta de libros e de películas que indicamos no punto anterior.

 

. O sábado, día 10, ás 18:00 h., esperámosvos para compartir con todos vós a simpática presentación dun libro ao que as bibliotecas de Redondela temos un agarimo especial pois foi escrito na sala de estudo da Biblioteca de Redondela. "Pituxa, a fantástica nena da caca de ouro (escrito por un bolígrafo") contará coa presenza do seu autor Marcos López Concepción ao que acompañarán a ilustradora da obra, Lidia  Nokonoko, Francisco Castro da editorial Galaxia e Mª Elena Becerra, bibliotecaria de Redondela.

 

 E como Pituxa é unha nena moi, moi golosa, fíxonos chegar tres penicos (moi, moi limpiños, sen estrear!) cheos de caramelos, chocolatinas e moedas de ouro para sortear entre todos os que asistades á presentación do libro do que é protagonista.

 Non podemos terminar sen agradecer, un ano máis, a súa colaboración e axuda á Asociación de Amigos das Bibliotecas Municipais de Redondela, indispensables para o bo desenvolvemento destas actividades e a Marta pola súa preciosa e artesanal creación dunha caixa- biblioteca para o sorteo, feita con moito agarimo e esforzo.

Fin de semana imparable das Bibliotecas na Feira do Libro de Redondela

VER AQUÍ TODAS AS FOTOS DA FEIRA DO LIBRO

Esta fin de semana as bibliotecas municipais tivemos moita actividade dentro da Feira do Libro de Redondela.

Nenos e maiores achegáronse á "caseta-bibliotecaria" para interesarse polos nosos servizos, facerse socios, consultar a prensa, curiosear nos libros, facerse fotos co noso Leolo e, por suposto, para debuxar e colorear os moitos personaxes literarios que nos acompañaban.

De mañá e de tarde, sábado e domingo, foron días intensos na caseta da biblioteca na Feira do Libro, que estivo atendida en todo momento por persoal da biblioteca e mais por voluntarios da Asociación de Amigos das Bibliotecas Municipais de Redondela.

 -- Velaquí tamén o que deu a xornada do venres.

Ademáis, recibimos moi agradables visitas: escritores e contadores, autoridades, persoeiros da cultura e do deporte, e moitos nenos e nenas, fixéronnos unha visita para saudar a Leolo e mais para adicarnos un sorriso ao persoal ocupado da caseta.

Por outra banda, o domingo era o noso día grande. As bibliotecas municipais e mais os Amigos das Bibliotecas faciamos unha das actividades da programación da Feira: un contacontos-obradoiro.

Para esta contada, nada mellor que o kamishibai, un material que agora temos dispoñible nas bibliotecas para o préstamo, e que sempre resulta moi atractivo para narrar as historias. 

O Soldadiño de Chumbo foi o conto co que eleximos para esta ocasión, e que nos trouxo, dende a biblioteca de Chapela, a nosa compañeira Mª José.

 

Ao rematar, reproducimos o corazón do soldadiño e mais da bailarina a través do origami, guiados por Mercedes, dos Amigos das Bibliotecas, e mais pola nosa bibliotecaria-contaconteira.

 

Ademáis, contamos coa presencia da Coca Simona, coa que fixemos unha visita a cada unha das casetas dos libreiros da feira, atentendo ás súas recomendacións para nenos e mais para adultos.

Foi unha xornada moi intensa. Como acto último, gozamos dun coloquio que nos mantivo a todos atentos: Yolanda Castaño xunto con Marilar Aleixandre, Iolanda Zúñiga e mais a nosa redondelana Ana Tierra déronnos o seu punto de vista sobre cómo aborda unha escritora o feito de escribir... e que supón de máxico e tamén de laborioso.

 

Rematou a Feira cun pequeno concerto ofrecido por un grupo da Escola de Música de Chapela. E coa música, e mais coas últimas visitas á nosa caseta... pechamos o traballo de todos estes días, co resultado moi positivo de 34 novos socios da biblioteca.

 

Dende aquí queremos dar as grazas a: Brais, Vanessa, Marta, Loli, Rosa, David, Mercedes, Roberto e Gustavo por toda a axuda que nos brindaron nestes días para ter esta magnífica biblioteca de feira.

Neste vídeo realizado por Roberto Solano podedes ver un resumo da nosa tarde do domingo na Feira do Libro de Redondela.

Tamén nesta reportaxe de Redondela TV podemos ver unha entrevista ao noso compañeiro Cote, no primeiro día da Feira.

Venres de bibliotecas na Feira do Libro de Redondela

Aquí as fotos das bibliotecas na Feira do Libro

Esta mañá o stand das bibliotecas municipais na Feira do Libro de Redondela estivo moi animado.

 

Ademáis das autoridades políticas e mais de vellos amigos, na nosa caseta recibimos a visita do alumnado da escola de educación infantil A Marisma, convidados a un contacontos coa imparable Fátima Fernández, e tamén, para aledarnos a mañá, a da Coca Simona.

As persoas que se achegan á caseta das bibliotecas para facerse socios/as dos nosos centros reciben un pequeno agasallo das bibliotecas. Encarna foi a primeira, pero tamén Dolores, Ana e moitos e moitas máis que pasarán ao longo destas intensas xornadas de desprazamento das bibliotecas neste novo e singular espazo a pé de rúa.

Na caseta das bibliotecas poderedes consultar libros ben curiosos para nenos e para adultos, álbumes ilustrados, cómics, ou tamén publicacións sobre o noso concello, así como sobre os personaxes literarios do ano: Cervantes, Manuel María ou Valle-Inclán.

Ademáis, poderedes fotografiarvos coa nosa mascota Leolo, divertirvos con xogos infantiles e puzles, ou tamén deixarnos o voso debuxo dos personaxes dos libros.

"Contacontos de Chumbo" as bibliotecas e os Amigos das bibliotecas "contaconteamos" na Feira do Libro de Redondela

Nestes días as bibliotecas municipais de Redondela estamos a participar na Feira do Libro de Redondela. 

Ademáis de visitarnos no noso "stand", tamén podedes gozar dun contacontos que faremos xuntamente cos Amigos das Bibliotecas de Redondela.

Será este Domingo, 19 de Xuño, ás 18:00 h., no espazo de actividades da Feira do Libro.

Ao rematar o conto, faremos figuras "de chumbo" con papiroflexia.

Animádevos a vir!

As bibliotecas na Feira do Libro de Redondela

Do 16 ao 19 de xuño as bibliotecas municipais estaremos presentes na Feira do Libro de Redondela, no espazo instalado nos xardíns xunto á estatua de Castelao.

Que vos podedes atopar no "Espazo Biblioteca"?:
Libros para consultar, xogos e contos para os nenos e a posibilidade de facervos socios da mesma con só presentar o DNI e cubrir o impreso de solicitude.

PARA CELEBRAR ESTE EVENTO CADA PERSOA QUE SE FAGA SOCIA DA BIBLIOTECA NO STAND DA MESMA LEVARÁ UN AGASALLO que consistirá nunha bolsa das bibliotecas decorada coa Coca Simona, en tea + 1 exemplar en galego de "Vinte mil leguas baixo dos mares" de Jules Verne + 1 marcapáxinas conmemorativo do 400 aniversario do pasamento de Miguel de Cervantes e de William Shakespeare + 1 marcapáxinas conmemorativo das Letras Galegas 2016, editado polo Servizo de Normalización Lingüística do Concello.

Así mesmo o DOMINGO 19 ás 18:00, gozaremos da man de María José Villar e a Asociación de Amigos das Bibliotecas Municipais de Redondela do contacontos "O soldadiño de Chumbo". Terá lugar no espazo adicado ás actividades (xunto ao da biblioteca)

Colabora nesta actividade a Asociación de Amigos das Bibliotecas Municipais de Redondela.

Velaquí podedes ver as actividades programadas para esta Feira do Libro redondelá:

A Feira do Libro chega a Redondela!

Por vez primeira,  a Feira do Libro desembarca en Redondela. 

Accedede, na web da Federación de Librarías de Galicia, ás datas e horarios.
Proximamente, máis información