Meirande: horarios

Radio Redondela no Facebook!

Segue as súas novas!

Pica na imaxe e accede a súa páxina

Peche definitivo da Libraría Michelena en Pontevedra

A primeira escola galega de banda deseñada e ilustración abrirá este inverno

Pendente de permisos legais e de rematar as obras para abrir as súas portas, Kiko da Silva ultima o proxecto O garaxe hermético, que quere ser a primeira escola profesional de banda deseñada e ilustración de Galicia. A iniciativa pretende desenvolver polas mañás cursos para a formación de debuxantes que aspiren a traballar nestes campos, cun programa formativo de tres anos que impartirán Kiko da silva, Fernado Iglesias, Miguel Porto e mais os irmáns Jacobo Fernández e Norberto Fernández. Canda a isto, haberá cursos monográficos a cargo de autores de primeira liña do panorama estatal e durante as tardes clases de iniciación para afeccionados. 

  Continúa lendo

Fonte Culturagalega.org

Vota!

Por fin! Tivemos que esperar todo un ano... pero xa está aquí!

Sufrimos, si, o tempo parecía un chicle, estirándose e estirándose pero, finalmente, o día foi cumprido e a data sinalada en vermello en todos os calendarios chegou: 21 de novembro, Día Mundial das Votacións do Libro do Ano!

É o momento de recapitular, pechar os ollos, facer un exercicio de introspección e seleccionar entre todos os libros que lemos este ano aquel que merece un recoñecemento especial.

Xa sabemos que non é fácil!, pero, gañar o libro do ano quizá sexa un bo aliciente!

Lembramos as dúas únicas normas: para participar, fai falta ser socio da Biblioteca e hai que seleccionar un libro publicado este ano.

A votar!

Nova páxina web do Concello de Redondela

Pica no escudo para acceder a ela

...e a ver se nos atopades

Pechou o literario cafe Richmond

O lugar onde se reunían entre semana, a iso das oito da tarde, Jorge Luís Borges, coa súa habitual cunca de leite quente, e outros destacados escritores arxentinos, como Macedonio Fernández e Conrado Nalé Roxlo, o café Richmond, tan emblemático como o Café Gijón para Madrid, pechou as súas portas de xeito indefinido. O Richmond atopábase nunha difícil situación económica; os seus donos xa pecharan a área do soto onde se xogaba ao billar, reducido o horario de atención ao público e despedido á metade do persoal, antes de tomar a decisión final.

O Richmond fora catalogado polo municipio como un dos "60 Bares Notables" da capital arxentina

Amazon lánzase ao papel

Amazon está disposta a deixar de ser só unha tenda online para pasar a converterse nunha editorial en papel. Esta noticia, que saíu á luz en maio, faise realidade agora coa fichaxe de Timothy Ferrys, un gurú dos libros de autoaxuda.
En realidade este non será o primeiro libro publicado por Amazon, que xa fixo algunha pequena incursión lanzando pequenos selos especializados en xéneros concretos. Pero o de Ferris será o primeiro libro de envergadura que sairá á venda baixo a tutela da poderosa tenda online.

Máis información

Incoase o expediente de declaración de Ben de Interese Inmaterial do conxunto da obra de Castelao

O inicio destes trámites para esta declaración, prodúcese no ano en que se celebra o 125 aniversario do nacemento de Castelao (1886) perseguindo unha labor de protección, conservación e difusión do legado que constitúe o patrimonio cultural de Galicia, ademais da súa transmisión ó futuro. Considérase como Ben de Interese a tódolos bens materiais e inmateriais que son considerados como de interese relevante para a permanencia e a identidade da cultura galega a través do tempo, debido ó seu recoñecido valor propio. Así, a resolución determina a aplicación inmediata e provisional do réximo de protección para os bens xa declarados.

Continúa a ler a nova

Vaise un clásico

Educación y Biblioteca despídese despois de 183 números e 23 anos publicando trimestralmente: "No hay un sinfín de razones, hay una sinrazón: en el contexto de la crisis económica, nuestro proyecto, mantenido con tesón desde 1989, actualmente es insostenible."
Parabéns polos anos de traballo e polos números publicados sen o que as bibliotecas nos sentiremos un pouco máis orfas.

Editorial de despedida

Fonte: Biblioteca de Ames-Milladoiro

Galicia hoxe pecha en papel...

...pero continúa viva na rede: www.galiciahoxe.com

Aquí a nova completa

A despedida de Polaqia

Dez anos de traballo de edición e dinamización de banda deseñada en Galicia rematan. O colectivo Polaqia despedirase a final de ano, non sen antes desenvolver unha intensa actividade. Segundo explica David Rubín, actual presidente da asociación, "a función de Polaqia está máis que cumprida nestes dez anos. Nacemos nun momento no que non había onde publicar e hoxe a maior parte de nós traballamos en Galicia, en España ou mesmo no estranxeiro". Detrás queda unha traxectoria que implica dous premios no Saló del Còmic de Barcelona, exposicións colectivas ou 16 números do fanzine Barsowia (contando o que sairá este verán) e diferentes obras individuais entre outros logros.

Continuade coa noticia en culturagalega.org

A televisión chega a Redondela!

Pica no logo

Redelibros: a rede social galega do libro

Abrir un espazo galego de literatura en Internet que sirva de punto de encontro para todo o todo o universo do libro en Galicia. Este é o principal obxectivo co que sae á luz Redelibros.es, unha plataforma virtual concibida como a primeira rede social galega dedicada exclusivamente á literatura e que pretende congregar nun mesmo espazo a lectores, escritores e profesionais procedentes da industria editorial.
A aplicación, presentada o venres 12 en Vigo, é de rexistro gratuíto e xa logrou congregar a máis de 200 usuarios. Trátase dunha rede social con "clara identidade galega, en que a literatura do país terá un peso primordial polo propio espazo en que nace e a proximidade das editoriais e as librarías que colaboran con ela", expón Rodríguez Lois, un dos artífices xunto con Fran Zabaleta e Gonzalo Pérez Nieves. Á marxe das aplicacións propias da rede social (mensaxes, taloleiro de anuncios, chat...) destaca a posibilidade de consultar unha ampla base de libros catalogados. Os usuarios poderán intercambiar opinións e recomendacións persoais sobre as súas lecturas, crear unha biblioteca virtual propia e personalizada e, sempre, decidindo o nivel de privacidade do propio perfil.
A web ten ademais un espazo reservado para os acontecementos arredor da industria do libro, como lanzamentos editoriais, charlas de escritores ou convocatorias de premios literarios. Redelibros.es ofrece igualmente unha sección que permitirá aos usuarios colgar os seus propios traballos e recibir valoracións e críticas que contribúan a fomentar o proceso creativo e a facilitar aos editores a captación de novos talentos.
O que se busca é "dar forma a un espazo cultural común que brinde novas oportunidades a autores, editores e, sobre todo, lectores", conclúe Rodríguez Lois

A Libraría Michelena abre de novo en Pontevedra

Tan só catro meses despois do seu peche, a libraría Michelena volve abrir as súas portas na rúa dá Alameda. Este luns inaugurarán a planta baixa do local. O motivo do peche na rúa Michelena foi o feito de que "había que parar para plantearse la situación y se necesitaba liquidez". "El alquiler del local no va a ser más económico que el anterior, pero en cuestión de gastos, juntas todas las partidas en las que ahorras y compensa. No compensa irse de allí porque era un sitio estupendo, pero sí necesitaba poner un punto final porque económicamente aquello sí estaba siendo inviable. Se verá después si el aspecto económico es sostenible para los 4 que vamos a estar aquí. Yo creo que sí, espero que ésto dure al menos diez años más", engade o xerente. A nova libraría Michelena non será máis pequena, senón todo o contrario, xa que conta con dúas plantas e é máis ampla que a súa sucesora. A súa apertura foi posible grazas a unha reestruturación de persoal (agora estarán á fronte tan só catro dos antigos socios) e na forma de traballar cos provedores (agora pasará a ser máis "un escaparate de las editoriales sin la necesidad de hacer un desembolso inicial importante").
Do resto, a libraría Michelena seguirá a mesma liña que a converteu na tenda de libros de referencia en Pontevedra. ""Todo lo que no se vendió estará en la tienda. A lo mejor es un 15% de lo que había en el antiguo local"declará José María, que non se arrepinte de pechar no seu momento: "No me arrepiento porque es hablar en pasado. Hay que pensar en el presente y el futuro. Siento un poco de tristeza, después de estar allí 30 años, esperabas que las cosas fueran de otra manera. Aunque 30 años juntos en aquel espacio te llega también a agobiar, pero la situación económica a la que se llegó, obligaba a tomar esta decisión. Si nos hubieran permitido hacerlo de esa manera no hubiera pasado nada. Son cosas que pasan...traeré el cartel que había en el otro lado y creo que éste es un sitio muy bueno" conclue José María Dios.
Vía Viavedra