Concentración lectora co CEIP de Reboreda

A biblioteca do CEIP de Reboreda deu inicio, o pasado xoves,  ao novo curso e quixo facelo xunto á Biblioteca P. M. Valle-Inclán como homenaxe ao seu 50 aniversario. 256 nenos aos que houbo que engadir pais, nais, profesores e persoal da biblioteca municipal concentráronse, dentro dun ambiente festivo,  diante do Multiúsos da Xunqueira onde está ubicada a biblioteca municipal, para proceder a unha lectura silenciosa levada a cabo por tódolos participantes.

 Ao remate...intercambio de agasallos: libros, por suposto, e uns preciosos marcapáxinas con Margarida, mascota da biblioteca de Reboreda. Moitas grazas, encantáronnos!!! Nunca vos agradeceremos bastante o convidarnos a participar neste evento de fermosa lectura outonal! 

 Accedede aquí a todas as fotografías:

                   Video da actividade realizado polo CEIP de Reboreda:                            

Festa do Libro con Lectura na Rúa

O Día do Libro é un día alegre e festivo e así o celebramos hoxe (aínda que sexa día 20), por segundo  ano consecutivo, o alumnado e profesorado do CEP Santa Mariña, EEI A Marisma e o IES Illa de San Simón e as Bibliotecas de Redondela.

De 10:00 a 12:30 h.  da mañá,  500 pequenos-grandes lectores tomaron o Paseo da Xunqueira para enchelo de lecturas, silenciosas e compartidas, e de cancións e bailes que falaban da alegría de ler. 

  Moitos foron os visitantes desta lectora concentración, entre eles Javier Bas Corugeira, alcalde de Redondela, que animou a continuar con esta iniciativa nos vindieros anos e, unha figura entrañable e moi querida por todos os nenos, a Coca Simona, que se uniu a todas as actividades que se realizaron. 

 Accede aquí a todas as imaxes do evento:

 

As Bibliotecas de Redondela colocamos un recuncho de lectura, dedicado a algunhas das efemérides literarias máis destacadas deste ano,  para que todos os que se achegaban ao lugar puidesen dedicar un intre a unha plácida lectura.

Podedes visualizar esta festa lectora nuns pequenos vídeos:

Lectura na Rúa 2018

O pasado 2017, 431 rapaces dos CEIP de Santa Mariña e tamén do EEI A Marisma,  encheron o Paseo da Xunqueira para ler e para convidar a todos os paseantes a facelo baixo o lema "Lectura na Rúa".

As bibliotecas de Redondela tivemos a sorte de poder colaborar en esta iniciativa da biblioteca do CEIP Santa Mariña e vivimos unha mañá inesquecible.

Non vivistes a experiencia? Non vos preocupedes, animámosvos a que este próximo venres, 20 de abril, pasedes polo Paseo da Xunqueira e, ademais de deleitarvos co aroma das glicinias, vos unades aos 500 nenos que gozarán duns momentos de lectura silenciosa e compartida. 

Para que ese intre de lectura vos sexa o máis grato posible, as bibliotecas colocaremos un acolledor recuncho cunha variedade de lecturas relacionadas cos aniversarios literarios deste ano (Jules Verne, Enid Blyton, María Victoria Moreno, Frankenstein, 50 anos das Bibliotecas de Redondela...)

Por certo, sabemos que nos vai visitar un entrañable amigo de cor verde que xa estivo connosco o pasado ano.

Non queremos rematar sen un agradecemento moi especial  ao CEIP Santa Mariña por contar con nós un ano máis

Presentación do club infantil de lectura nos centros de ensino de Chapela

O club infantil de lectura da biblioteca de Chapela, na edición 2016-2017, está a piques de comezar! 

A unha semana de que abramos a primeira sesión, xa temos completas as prazas dispoñibles.

E todo porque nestes días Leo Leíño, a coordinadora do mesmo, e mais Mª José, a nosa compañeira de Chapela, se desprazaron ata os centros de ensino da parroquia, dándoo a coñecer entre os rapaces e rapazas da contorna.

• Visitaron o CEIP de Laredo, no barrio do mesmo nome, e xunto ao paseo marítimo de Chapela:

Nestes días Leo visitou os centros de ensino de Chapela para presentarlle ao seu alumnado o #club_de_lectura da #biblio_de_chapela. Aquí, facendo un número de maxia no CEIP de Laredo

Una foto publicada por Bibliotecas P. M. Redondela (@bibliotecas_de_redondela) el 19 de Oct de 2016 a la(s) 7:28 PDT

• Tamén se achegaron ao CEIP Alexandre Bóveda, no barrio de Angorén:

Leo, na súa ruta polos centros de ensino de Chapela, e coa presentación do #club_de_lectura, achegouse tamén ao CEIP Alexandre Bóveda. #biblio_de_chapela

Una foto publicada por Bibliotecas P. M. Redondela (@bibliotecas_de_redondela) el 19 de Oct de 2016 a la(s) 7:35 PDT

• E xa por último, pero non menos importante, ao CEIP Igrexa, no barrio chapelán do mesmo nome:

Leo rematou a súa pequeña xira polos centros escolares de Chapela no CEIP Igrexa. De novo alí presentou aos escolares o #club_de_lectura infantil da #biblio_de_chapela

Una foto publicada por Bibliotecas P. M. Redondela (@bibliotecas_de_redondela) el 19 de Oct de 2016 a la(s) 7:51 PDT

Moitas grazas aos centros de ensino de Chapela por ternos aberto as súas portas. 

Pero sobreo todo, querémoslle achegar a Leo Leíño o noso agradecemento por esta xira tan pequena pero tan especial para o club.

Leo, onte, con Leolo e Gato, na "minixira" chapelana do #club_de_lectura da #biblio_de_chapela

Una foto publicada por Bibliotecas P. M. Redondela (@bibliotecas_de_redondela) el 19 de Oct de 2016 a la(s) 8:19 PDT

Suxestións lectoras das bibliotecas escolares e municipais de Redondela

Pica en cada imaxe para ampliar

Teatro infantil marabilloso na Biblioteca de Chapela... co IES de Chapela

Hoxe os nosos amigos do CS de Educación Infantil do IES Chapela pecharon unha dobre sesión máxica de teatro e diversión para nenos e adultos.

(Ver aquí a primeira sesión, o pasado xoves)

Marta e mais Adrián presentan a sesión de hoxe

"Mérida, unha princesa diferente", con pequenos títeres de papel, e "A mosca chosca", con fermosos decorados e escenarios, déronnos para ver que estes estudantes saben facer grandes cousas cando traballan en equipo, e saben transmitir a todo o público asistente o seu cariño e o seu bo facer.

"Mérida, unha princesa diferente" o lobiño comeza a narrar a historia

Dende a biblioteca queremos darlles as grazas por, un ano máis, superar as nosas expectativas e deixar o nome da biblioteca e mais a marca do IES Chapela en tan bo lugar.

A Mosca Chosca monta unha consultoría no bosque

Grazas por participar con nós!!

Rematamos... Todos a bailar!

Velaquí unha pequena nova onde o Atlántico Diario recolle estas actividades

Ata o vindeiro ano!

Primeira función de teatro infantil na Biblioteca co IES Chapela

Ver as fotos aquí

Este xoves o alumnado do CS de Educación Infantil do IES Chapela encheu de ledicia a nenos e adultos na Biblioteca de Chapela co seu teatro infantil.

A obra teatral "Carapuchiño" rompe co conto tradicional da nena da carapucha vermella, para cambiar os roles de xénero dos seus participantes, e para facernos pasar unha tarde chea de gargalladas e con mensaxe final.

Ademáis os asistentes aprenderon a facer comecocos animados de papiroflexia e figuras de globoflexia.

Rapazas que gozan co miniobradoiro de papiroflexia posterior á obra "Carapuchiño", hoxe, no teatro infantil organizado polo #cs_educacioninfantil_ieschapela, na #biblio_de_chapela

Una foto publicada por Bibliotecas P. M. Redondela (@bibliotecas_de_redondela) el 12 de May de 2016 a la(s) 12:55 PDT

As enquisas reflexaron boa satisfacción por parte dos asistentes e nós quedamos moi contentos. 

Moitas grazas a todos estes estudantes por facernos pasar tan bos ratos! Parabéns polo voso traballo!

Teatro infantil na biblioteca! Neste Maio o alumnado do IES Chapela interpretará historias e contos para a rapazada

Como ven de ser unha tradición na Biblioteca de Chapela, neste mes de maio non poden faltar as actividades de animación e contos que nos ofrecen sempre os alumnos do CS de Educación Infantil do IES Chapela.

Os xoves 12 e mais 19 de maio, ás 18:30 h. gozaremos de representacións teatrais, un tanto peculiares, para nenos e nenas.

A actividade é con entrada libre, ata completar aforo, e está recomendada para a rapazada a partir de 4 anos.

Agardámosvos o vindeiro xoves!

O club infantil de lectura celebra o mes do libro en Radio Redondela

As nosas participantes no club infantil de lectura de Chapela veñen de vivir por primeira vez a maxia da radio. 

Con motivo do mes do libro, e festexando o 11º aniversario da Biblioteca de Chapela as nosas xóvenes lectoras se achegaron aos estudos de Radio Redondela para gravar un programa. Leo, a coordinadora do club, acompañounas e conduciu esta divertida conversa sobre libros, lecturas, maxia e amizade.

Podedes vela nos seguintes vídeos:

1ª PARTE

2ª PARTE
 

E podedes ver algunhas fotografías. A pesar do mal tempo, as rapazas viaxaron encantadas no automóbil de Leo.

Xa no estudo, preparáronse con cadanseus auriculares para escoitar o programa:

 

E prepararon os micros para falar:

Hai que ter coidado non facer ruído cando a luz vermella está acendida:

Ao salir, houbo doces e lambetadas:

Ademáis esta semana tiveron a súa xuntanza, e nela comentaron o libro "Tres trebellos máxicos" e xogaron a crear os seus propios xoguetes máxicos.

Entre trucos de maxia e xogos, comentaron este libro, formado por tres historias de tres autores diferentes. Nelas, os aparellos tecnolóxicos: unha máquina de viaxar no tempo, un robot e unha aspiradora, son protagonistas de aventuras e circunstancias moi diversas.

Grazas por participar coa biblioteca nas dúas actividades. Sabemos que gozades moito do club e agardamos seguir gozando con vós.

A vindeira xuntanza será o Mércores 11 de Maio, en que leremos "O dragón novo", de Elisabeth Heck. 

E se vós, rapaces e rapazas de 7 a 12 anos, queredes achegarvos ao club ou curiosear como é, podedes asistir a esta xuntanza, na que o pasaredes moi ben. 

  

O Atlántico Diario:recolle esta pequena aventura das nosas rapazas na súa edición do Martes 19 de Abril.

Pregón do Día do Libro Infantil en Radio Redondela

A nosa compañeira Vanesa compartiu no día de hoxe, dentro do programa matinal A Estación, o pregón do Día Internacional do Libro Infantil con todos os oíntes de Radio Redondela.

As bibliotecas municipais colaborando coa Concellería da Muller

Nestes días as Bibliotecas Municipais de Redondela estamos a participar coas actividades do 8 de marzo, Día Internacional da Muller, organizadas pola Concellería de Igualdade. 

Deste xeito, mañá venres poderemos gozar da mesa redonda: "A muller na literatura romántica", que se celebrará na Casa da Cultura ás 20:00 h.

Pero tamén levamos participando, dende o pasado mes de Novembro, coa campaña móbil de préstamo de libros: "Corazón de muller, cerebro de muller", que dentro da programación do 25 de Novembro, segue a percorrer as sedes das diferentes asociacións e colectivos de Redondela.

Nestes días está na Asociación Cultural e Social de Chapela, e tamén na Escola de Música de Chapela. Nelas os seus libros están a ser moi emprestados entre os socios.

 Os libros na Asociación Cultural e Social de Chapela.

Agardamos que os vosos socios gocen deles.

"El acertijo"

 Rematamos a nosa homenaxe radiofónica a Saturnino Calleja, no centenario do seu pasamento, co conto "El acertijo". Neste caso é un enigma, cuxa solución, nada fácil, devolverá ás nosas protagonistas a súa liberdade. Cóntanolo Rafa.

As tres preguntas

Ramón e  Esther cóntannos en "Las tres preguntas", unha historia na que o enxeño salva unha vida

Escoita "Los favoritos del Sultán" das "Mil e unha noites"

A nosa compañeira Ana, lenos o conto "Los favoritos del Sultán" das "Mil e unha noites" na edición da Editorial Calleja,
emitido esta mañá en Radio Redondela, no seu programa matinal a Estación, co gallo dos actos conmemorativos que levamos a cabo as bibliotecas de Redondela polo centenario do pasamento do editor Saturnino Calleja, coñecido, entre outras moitas cousas, polos seus famosos "Contos de Calleja".

Temos moito conto! Retransmisión radiofónica conmemorativa

As Bibliotecas de Redondela en colaboración con Radio Redondela conmemoran o centenario do pasamento do editor Saturnino Calleja (1915-2015) cunha retransmisión extraordinaria, nestas datas de Nadal, de tres dos seus contos: Los favoritos del Sultán, Las tres preguntas e El acertijo , que se emitirán no programa matinal A Estación os días 23 e 30 de decembro e 7 de xaneiro.

Posteriormente a estas datas os contos poderán escoitarse, en calquera momento, a través da web de Radio Redondela e  do blogue das bibliotecas.

Ilustración, "La familia de Antoñito" 

("Pelusa" de Luis Coloma, Casa Editorial Saturnino Calleja Fernández)

 Esta actividade vén complementar a homenaxe que, a través da mostra bibliográfica "Temos moito conto!",  están a realizar as bibliotecas de Redondela con motivo dos aniversarios do escritor Luís Coloma, autor do conto do Rato Pérez, de Saturnino Calleja, editor, entre outras moitas obras, dos famosos Contos de Calleja  e de Alicia no País das Marabillas que celebra neste ano os 150 da súa publicación.

Trouleando cos contos (3) despedida das xornadas de contos e xogos para os máis cativos co IES Chapela

Este martes as xornadas de Trouleando cos contos, co alumnado do IES Chapela, tocaron ao seu fin. Mozos/as contadores e nenos/as espectadores gozaron xuntos desta despedida magnífica das actividades.

 

VER AQUÍ O ÁLBUM DAS FOTOS

Nesta sesión os contadores nos achegaron dúas historias:

•  A princesa que bocexaba a todas horas

 

•  Rato de campo, rato de cidade 

E con elas, xogos e actividades variadas coas que o pasamos todos moi ben, especialmente o s máis pequenos. Fixemos coroas con rolos de cartón, e torres de castelos, xogamos a pescar nunha fonte, a diferenciar os elementos da cidade e mais do campo e ao xogo de gatos e ratos.

Así como nas anteriores sesións, que fixemos ao longo deste mes:

• Sesión 1, cos contos: A aventura de Óscar, A selva ao revés
• Sesión 2, cos contos: A casa das campaíñas moradas, O espantallo

Botaremos moito de menos a estes magníficos e animados contadores, e agardamos poder repetir con este alumnado en futuros anos.

Dende aquí queremos darlle as grazas á súa profesora, Cristina Pazos Oya, por toda a súa axuda, e a xenerosidade con que nos brindan estas actividades. 

Grazas a todos e ata a próxima!

A cidade monstruosa (2), paseando pola cidade con Os Miúdos, na Biblioteca de Chapela

Esta tarde tivo lugar na biblioteca de Chapela a segunda parte da actividade "A cidade monstruosa", coa que en dous venres consecutivos nos fixeron gozar Os Miúdos, grupo de alumnos do C.S. de Educación Infantil do IES Chapela.

AQUÍ O ÁLBUM DE FOTOS 

Contando o conto "Bailar nas nubes"

Se a anterior xornada xiraba en torno aos monstros e á verbena festiva de monstros, nesta a protagonista foi a cidade, coas rúas, as tendas, os parques, as casas... e os cativos e maiores que viven nelas.

Bailar nas nubes, de Vanina Starkoff foi o conto que serviu de introducción. Despois os rapaces xogaron a deseñar cadansúa casa, e a pintar toda unha cidade nun mural.

Queremoslles dar as grazas a Os Miúdos, e agradecerlle tamén á súa profesora, Marina Mora, por permitirnos gozar na biblioteca das súas actividades.

Trouleando cos contos (2), na Biblioteca de Chapela

Nesta semana, o alumnado do C.S. de Educación Infantil do IES Chapela volveu troulear cos contos. Despois dunha primeira xornada divertida, o pasado martes, nesta, actores e público viñan con máis gañas, e a xuntanza de uns e outros deu como resultado unha tarde de moita diversión.

VER AQUÍ O ÁLBUM DE FOTOS

Os nosos animadores da tarde representaron dous contos:

- A casa das campaíñas moradas

- O espantallo

E fixeron moitos xogos con eles. 

Lembrades aquel "Pase Misi", de tempos tan antigos? Pois os cativos xogaron a el esta tarde. Tamén elaboraron o seu propio espantallo, e xogaron a moitos xogos. O pasamos tan ben que a tarde se nos fixo curta.

A vindeira sesión será o Martes 26 de Maio. As persoas interesadas deberán anotarse na biblioteca.

A cidade monstruosa (1) a festa dos monstruos na Biblioteca de Chapela

Neste venres gozamos da primeira das sesións do programa de contos e xogos "A cidade monstruosa", desenvolvida por Os Miúdos grupo formado por alumnado do C.S. de Educación Infantil do IES Chapela.

VER AQUÍ O ÁLBUM DE FOTOS

Comezamos cun conto de certo misterio: "Debajo de la cama", un tema coñecido para os nosos pequechos: a protagonista da historia descobre que debaixo da súa cama viven uns monstruos moi particulares. Eles se convertirán nos seus mellores amigos, e polas noites, durante o sono, viaxará con eles a lugares máxicos e marabillosos.

Despois do conto, os rapaces puderon gozar da gran feira dos monstruos, con moitas actividades: globoflexia, maquillaxe e atraccións de feira para ser bos monstruos.

As nosas amigas María e mais Ada quedaron así de guapas coa súa maquillaxe monstruosa. Begoña, pola contra, preferiu maquillar ao seu maquillador

 

Os máis pequenos se entusiasmaron co xogo de lanzar bólas

Nunha feira como esta, non poden faltar os globos

E para rematar, pais e nenos se divertiron cun baile

Grazas a Os Miúdos por esta tarde tan divertida. Vémonos para o vindeiro venres!