domingo, 27 de junio de 2010

Letras Galegas 2011


O poeta monfortino Lois Pereiro será homenaxeado o próximo 17 de maio de 2011, con motivo da celebración do Día dás Letras Galegas, segundo acordou o plenario da Real Academia Galega (RAG).
O presidente da RAG, Xosé Luís Méndez Ferrín, reivindicou o "compromiso" da súa obra, "a temática e a súa forma", así como o seu carácter "contemporáneo".
Todo iso, engadiu, faio "merecedor" da homenaxe que recibirá o próximo ano e que, augurou, incrementará o índice de coñecemento do autor na comunidade, sobre todo entre os máis novos.
Natural de Monforte de Lemos (Lugo), Lois Pereiro (1958-1996) desprazouse a Madrid con 17 anos, onde cursou estudos de Políticas, que abandonou despois polos idiomas e a informática. Fundo ademais a revista 'Loia' en Madrid xunto a Antón Patiño e Manuel Rivas, que só coñecería catro números -o último de 1978-.
Nesta publicación introducíronse poemas do escritor monfortino que, posteriormente, serían recolleitos en 'Poemas para unha loia' (1996), libro no que se inclúe o ensaio 'Modesta proposición para renunciar a facer xirar a roda hidráulica dunca cíclica historia universal dá infama', dado a coñecer ese mesmo ano nas páxinas da revista 'Luzes de Galiza'.

Somentes intentaba conseguir
deixar na terra algo de min que me sobrevivise
sabendo que deberia ter sabido
impedirme a min mesmo
descubrir que só fun un interludio
atroz entre dous muros de silencio
só puiden evitar vivindo á sombra
inocularlle para sempre a quen amaba
doses letais do amor que envelenaba
a súa alma cunha dor eterna
sustituíndo o desexo polo exilio
iniciei a viaxe sen retorno
deixándome levar sen resistencia
ó fondo dunha interna
aniquilación chea de nostalxia.

II.
Tristemente convivo coa túa ausencia
sobrevivo á distancia que nos nega
mentres bordeo a fronteira entre dous mundos
sen decidir cal deles pode darme
a calma que me esixo para amarte
sen sufrir pola túa indiferencia
a miña retirada preventiva
dunha batalla que xa sei perdida
resolto a non entrar xamais en ti
pero non á tortura de evitarte



Publicar un comentario