lunes, 18 de octubre de 2010

Exposición "O Camiño de Santiago nos libros" e obradoiro de azulexos pintados en Chapela

N o Multiusos de Chapela podedes ver durante esta semana a exposición que con tanto agarimo preparamos para vós dende a biblioteca. Nela podedes ver algunhas publicacións en libro, CD ou DVD nas que o Camiño de Santiago e a cidade Xacobea están presentes.


No seu primeiro día, a exposición contou cun obradoiro moi divertido, dirixido pola ceramista Pilar Rubio Peixoto. Nel os rapaces e rapazas de Chapela puideron facer o seu propio azulexo pintado con tema xacobeo que, ao finalizar a exposición, poderán levar para a casa.


Se queredes participar nesta actividade, mañá teremos outra sesión, en horario de 5:00 a 7:00 da tarde.

Para facer esta exposición a biblioteca contou coa inestimable colaboración do C.E.I.P. Laredo de Chapela, e tamén a do obradoiro de traballos manuais de Gladys Núñez e o albergue Casa da Torre de Redondela.
Publicar un comentario