Recursos Web para nenos e mozos

Fundación Germán Sánchez Ruipérez foi desenvolvendo ao longo destes anos diferentes recursos relacionados coas distintas áreas temáticas nas que traballa a institución. Co fin de orientar a nenos e mozos a atopar información na rede, o equipo do Centro Internacional do Libro Infantil e Xuvenil (CILIJ) presenta nesta ocasión unha selección de Recursos Web para nenos e mozos que está xa dispoñible para a súa consulta libre en Internet.

O propósito desta selección de enlaces é responder ás distintas necesidades informativas e lúdicas do público infantil e xuvenil. Os recursos están organizados por criterios de idade e por categorías de materias e centros de interese en razón de diferentes temas, relacionados coas inquietudes e necesidades de nenos e novos.

As procuras poden facerse por estes diferentes criterios, tendo en conta que tanto as materias como as idades son termos predefinidos, polo que para realizar as consultas débense seleccionar da listaxe que aparece no desplegable. Como resultado da consulta, nun primeiro nivel aparece a relación de recursos dispoñibles que cumpren coas pautas de procura formuladas. Pulsando "+INFO", visualízase un segundo nivel de información coa ficha completa do recurso, que presenta un resumo analítico e as diferentes materias das que trata a páxina, así como as idades para as que está recomendada. Desde a imaxe e tamén desde o título do recurso pódese acceder directamente á páxina deste.

A selección de recursos está accesible aquí

Vía Fundación Germán Sánchez Ruipérez