lunes, 19 de septiembre de 2011

Doazón dun lote de libros á Asociación de Veciños de Amorín

As Bibliotecas de Redondela vimos de facer unha doazón de dez caixas de libros (duplicados e obras repetidas que tiñamos no depósito) á Asociación de Veciños de Amorín (Tomiño).

A petición deste colectivo, nas nosas bibliotecas fixemos unha clasificación de obras que non precisamos, pero que, en cambio, lles poden ser de grande utilidade a estes compañeiros.

Agardamos que este colectivo cidadán, que está a facer un grande esforzo por abrir unha biblioteca pública no seu concello, poda acadar pronto o seu loable obxectivo. Os seus veciños e as bibliotecas de outros concellos agradecemos moito o seu traballo.

Aquí estamos para apoiarvos no que precisedes... Sorte, compañeiros!!

Podedes ver a nova nas webs de información Infomiño e Terramiño.
Publicar un comentario