domingo, 27 de noviembre de 2011

Unha colección con LETRA GRANDE: LECTURA +

 Non , non é un erro tipográfico; eliximos un maior tamaño de letra para esta entrada para estar na onda coa colección da que vos imos informar:
"Lectura + (Lectura plus)"
 "Lectura +" é  unha colección con letra grande pensada para satisfacer a demanda de todas aquelas persoas que por calquera motivo teñen dificultades para ler libros con estilo e tipografía de tamaño convencional.


A idea  naceu en Inglaterra no ano 1964 impulsada polo empeño de Agatha Christie en que as súas vellas amigas puidesen seguir lendo os seus libros,  pero non foi utilizada en España ata o ano 2000.  45 anos máis tarde, "Lectura + " naceu co obxectivo de satisfacer a demanda e achegar obras de autores universais, clásicos e contemporáneos, a todas aquelas persoas con dificultades de visión.

Así a colección caracterízase por usar un tipo de letra de fácil lectura: tipografía palatina con corpo de texto 17 e interlineado de 19 puntos. A pesar destas características especiais, os volumes non aumentarán o seu tamaño, xa que o formato manterase nos 15 x 23 centímetros e cada edición terá unha media de 288 páxinas, aínda que hai títulos que as superan, por exemplo o que atoparedes nestes momentos na Biblioteca Municipal "Muerte en la Fenice" de Donna Leon (444 p.) (Prometemos aumentar a colección no principio do ano, tanto na biblioteca municipal como na axencia de lectura de Chapela)
O deseño é sinxelo pero lese con agrado e a colección xa conta cunha apreciable variedade.
Desexámoslle unha longa vida pois é unha iniciativa moi necesaria
Aquí podedes acceder a algunhas das obras editadas ata o momento

No hay comentarios: