Esta semana o club infantil de lectura atreveuse cunha lectura moi singular e bastante disparatada: os "Cuentos para jugar", de Gianni Rodari.
Dese xeito, o espíritu de Rodari, o grande inventor de historias italiano, mestre da imaxinación e a creatividade literaria para moitas xeracións, se instalou con nós na biblioteca, e as nosas rapazas crearon a súa obra de teatro: "O circo que perdeu unha serea".
Na xuntanza do club foron quen de facer o guión, escoller o vestiario e ensaiar a posta en escea. Un xogo de improvisación que divertiu moito aos seus pais, que nos acompañaron ao rematar a xornada.
Graciñas a todas por vir, e graciñas pola vosa imaxinación e a vosa creatividade. Sodes xeniais!
No hay comentarios:
Publicar un comentario