A galiña azul de Carlos Casares percorre as nosas bibliotecas polo Día das Letras Galegas

Preme na imaxe para ver as fotografías

As bibliotecas de Redondela, en colaboración co Departamento de Normalización Lingüística do Concello, fixemos esta pequena homenaxe ao escritor ourensán, convidando a rapaces e adultos a debuxar unha galiña azul, en recordo do seu famoso conto.

A galiña azul está a decorar as nosas bibliotecas nestes días.

Na nosa sede de Chapela contamos, ademáis, coa inestimable complicidade do curso de traballos manuais da Asociación Cultural e Social de Chapela, e coa súa magnífica profesora, Gladys, que animou aos seus alumnos máis cativos a participar facendo pequenas galiñas de cartón reciclado, e ás súas aprendices máis avanzadas a facer outras orixinais creacións.

Homenaxe a Carlos Casares nas bibliotecas municipais de Redondela polo #dia_das_letras_galegas: A aula de traballos manuais da Asociación Cultural e Social de Chapela, coa súa profesora Gladys, elaboran pequenas galiñas azuis de cartón reciclado, para agasallar á biblioteca e para levar para casa 🐓💙

Una publicación compartida de Bibliotecas P. M. Redondela (@bibliotecas_de_redondela) el 16 de May de 2017 a la(s) 11:55 PDT

Homenaxe a Carlos Casares: pinta unha galiña azul nas nosas bibliotecas para recordar o seu famoso conto. Agradecemos a Sara e mais a Tamara, alumnas do curso de traballos manuais da Asociación Cultural e Social de Chapela, as fermosas e orixinais galináceas coas que veñen de obsequiar á #biblio_de_chapela. Menudo agasallo! 🐓🐓💙💙💙💙 #letras_galegas

Una publicación compartida de Bibliotecas P. M. Redondela (@bibliotecas_de_redondela) el 15 de May de 2017 a la(s) 8:21 PDT

Non son fermosas? A nós encántannos!
Feliz Día das Letras Galegas e parabéns a Carlos Casares polo seu día.