martes, 30 de octubre de 2018

"Unha ponte de libros infantís. Jella Lepman" Exposición no Multiúsos da Xunqueira

 
A entrada do Multiúsos da Xunqueira de Redondela acolle, desde o pasado venres 26, unha exposición dedicada á escritora e xornalista Jella Lepman (1891-1970) que creou en 1949 a Biblioteca Internacional da Mocidade en Munich, un dos proxectos cos que contribuíu ao entendemento internacional a través da literatura infantil .
  A exposición articúlase contorna a unha selección bibliográfica de autores infantís e xuvenís que recibiron desde 1956 ata a actualidade o Premio Hans Christian Andersen, considerado o máis alto galardón outorgado na literatura infantil e xuvenil  e coñecido como o Pequeno Premio Nobel.

Aquí todas as fotografías:
"Unha ponte de libros infantís. Jella Lepman" Exposición

   A xoia da mostra son os Cuentos de las Buenas Noches”, JellaLepman (1951), nunha 1ª edición da editorial Juventud do ano 1967, unha rareza de moi difícil localización . Este libro contén unha selección de historias para durmir elaborada a partir da colaboración de cidadáns anónimos que enviaron miles de historias das que se fixo unha selección publicada orixinalmente en tres volumes.
 
  Na inauguración da exposición estivo presente Teresa Zataraín, editora para España da autobiografía de JellaLepman "Un puente de libros infantiles", Javier Bas, alcalde de Redondela, Mª Teresa París, concelleira de Cultura, Telmo Crespo, secretario da Fundación Filomena Rivero Alonso, organizadora da exposición, e Mª Elena Becerra, bibliotecaria das Bibliotecas Municipais de Redondela colaboradoras da mesma.
 
Mª Teresa París, concelleira de Cultura, Teresa Zataraín e Telmo Crespo, da Fundación Filomena Rivero Alonso
“Unha ponte de libros infantís. JellaLepman”, nome que designa á exposición,  permanecerá aberta ao público ata finais de ano.

En Radio Redondela
En redondela.gal 
No Faro de  Vigo 
No Atlántico Diario
Publicar un comentario