Convocatoria de novas prazas nos Clubs de Lectura de Redondela

Os Clubs de Lectura de adultos das Bibliotecas Municipais de Redondela ofertan 7 novas prazas nas súas reunións mensuais:

 Club de Lectura de Adultos na Biblioteca Municipal Valle- Inclán  ( Redondela ): 3 prazas dispoñibles

 Club de Lectura de Adultos na Biblioteca Municipal Xela Arias (Chapela- Redondela ): 4 prazas dispoñibles

Máis información: Biblioteca Municipal de Redondela (tfno. 986 40 15 61) e  Biblioteca Municipal de Chapela-Redondela (tfno. 986 45 42 26)

Que é un Club de Lectura? 

 Un club de lectura é un grupo de persoas que len ao mesmo tempo un libro. Cada un faio na súa casa pero unha vez ao mes, nun día e a unha hora fixos, reúnense todos para comentalo.

 A gran aceptación que teñen os clubs débese, seguramente, a que reúnen dous alicientes: 

-A lectura persoal e íntima 
- A posibilidade de compartir esa lectura con outras persoas. 

As opinións dos membros do grupo enriquecen moito a impresión inicial que cada un saca lendo en solitario. O apoio do grupo é tamén moi positivo no caso dalgúns libros máis esixentes do normal, cara aos que moitos lectores mostran preguiza cando están sós e que se len con gran facilidade se outras persoas fano ao mesmo tempo.