jueves, 24 de septiembre de 2009

Terrorífica xuntanza do club de lectura de adultos con "Drácula" de Bram Stoker


No Club de Lectura de adultos de Chapela disfrutamos este mércores da xuntanza correspondente á lectura da novela Drácula.

Malia que ao principio algúns dos nosos compañeiros mostraron certas reticencias co libro, debido á súa condición de novela de terror, a opinión xeral, unha vez rematado éste, foi moi positiva.

Moitos de nós descubrimos en Drácula unha novela trepidante (ben é certo que tamén houbo opinións que a consideraron un pouco lenta) que arrastra ao lector a través recursos literarios moi efectistas e, ademáis, novidosos.

Para a ocasión fixémonos con abundante material relacionado cos vampiros (novelas, películas, artigos de revistas, tratados e ensaios...) aportados non só polas Bibliotecas Municipais de Redondela, senón tamén por algúns dos nosos compañeiros do club.

Ao rematar, limos dous álbumes ilustrados relacionados co terror e cos soños:

- Christian Omar Pacheco Cámara: Un oscuro resplandor. Nostra Ediciones.
Acerca dun neno moi especial, que non quere deitarse.

- Marta Rodríguez Bos; Noemí Villamuza (il.): El dueño del sueño. Los cuatro azules.
Unha doce fantasía sobre o mundo dos soños.


Publicar un comentario