sábado, 16 de enero de 2010

O Club de Lectura no Taller de Gravado


O s rapaces do Club de Lectura Xuvenil da Biblioteca Municipal participaron no Terceiro Taller de Gravado Illa de San Simón
organizado por CAMPO DAS REDES para a Concellería de Cultura e Concellería de Xuventude do Concello de Redondela, coa colaboración de La Caixa e Caixanova
Nunha sesión que se desenvolveu na sala de exposicións do Edificio Multiusos da Xunqueira de Redondela e que estivo impartida pola gravadora Pilar Fernández Rey,os rapaces traballaron o método de punta seca sobre pvc e plástico . Todas as técnicas tratadas nestes obradoiros carecen de productos nocivos para a saúde. Só se tiveron en conta as técnicas directas de gravado, é dicir, as que non necesitan de ningún ácido nin mordente para esculpir. Este taller, totalmente gratuíto, intenta un achegamento a esta disciplina. Os participantes levan as obras creadas polas súas máns ás súas casas. Como se trata de gravado, a outra copia queda no edificio para compoñer un mural xigante coa unión de tódolos traballos de aqueles que participen nos talleres.
Publicar un comentario