viernes, 19 de febrero de 2010

Morte de Fernando Krahn

O debuxante e humorista chileno Fernando Krahn faleceu onte xoves, 18 de febreiro, aos 75 anos de idade.
Nacido en Chile en 1935, estableceuse na localidade barcelonesa de Sitges logo de abandonar o seu país natal tras o golpe de estado do 11 de setembro de 1973. Desde 1984 colaboraba semanalmente co diario La Vanguardia. Tamén traballara para El País, International Herald Tribune, Die Zeit e La Republica. Ultimamente atopábase inmerso no seu propio estudo de animación, Krahnfactory, onde exercía de guionista e realizador.
Como autor e ilustrador de libros infantís conta con máis de corenta títulos, publicados en Estados Unidos, España, Venezuela e Chile. Realizou ilustracións para diversos autores norteamericanos e ilustrou numerosas publicacións da súa esposa, a escritora chilena María Luz Uribe, falecida en 1994. As súas obras foron galardoadas con diversos premios, entre eles, o Apel.lles Mestres en 1982, e o Premio Internacional de Ilustración Fundación Santa María no ano 2001.
Ilustracións de Krahn na novela "Firmin"
Publicar un comentario