Aproveitando o bo tempo, e que tivemos a Marta Pérez Lozao e a súa exposición Vida e cor na natureza durante todo este mes no Multiusos de Chapela, hoxe aproveitamos para facer cos rapaces da biblioteca un obradoiro de pintura ao natural.
A beleza do Piñeiral, a súa paisaxe mariña e, como non, o parque cos columpios, foron temas atractivos dos que os participantes tomaron boa nota nos seus debuxos.
En dous grupos, un de cativos de 5 a 7 anos e outro de rapaces de 8 a 12, os asistentes disfrutaron da experiencia de copiar e reproducir o seu entorno, seguindo as directrices e consellos da autora.
Como exemplo poñemos o debuxo dunha das participantes, Raquel Santos, que optou por reproducir aos rapaces debuxando no Piñeiral do Crego.
No hay comentarios:
Publicar un comentario