viernes, 7 de enero de 2011

Alicia Giménez Bartlett, Premio Nadal



A escritora albaceteña, fincada en Barcelona, Alicia Giménez Bartlett gañou o Premio Nadal, dotado con 18.000 euros, coa súa novela "Donde nadie te encuentre", inspirada no personaxe real de Teresa Plà Meseguer, unha maquis coñecida como "La Pastora" ou "Florencio".
Giménez Bartlett, considerada a dama española do crime grazas á súa serie da inspectora Petra Delicado, escribiu unha novela baseada en Teresa Plà Meseguer, nacida en 1917 no mas da Pallissa, unha casa de pastores de Vallibona, preto de Morella.
A novelista explora as posibilidades caleidoscópicas do personaxe, que naceu cunha malformación, o que dificultou a identificación do sexo nun primeiro momento, aínda que finalmente foi rexistrada como nena (Teresa).
A lenda que rodea ao personaxe conta que tras sufrir unha humillación por parte duns axentes da Garda Civil, Teresa Plà, que logo tamén sería coñecida como Durruti, uniuse ao maquis, seguramente máis por vinganza que por convicción ideolóxica. Antes da súa detención en 1960 en Andorra, La Pastora, xa convertida en home (Fulgencio) compaxinaba as tarefas de pastoreo co contrabando de tabaco e nylon. Foi o diario de sucesos El Caso o que fixo circular a lenda negra da Pastora ata o punto de que tras a súa detención foi acusada do asasinato de 21 gardas civís e 7 alcaldes. Tras ser liberada pola amnistía política de 1977, Fulgencio instalouse en Castelló xunto a unha sobriña, ata que en 2002 volveu á súa poboación natal para solicitar un certificado do Concello que lle permitise recibir unha indemnización como represaliado do franquismo. Aproveitando a procura que os dous protagonistas, un psiquiatra francés e un xornalista catalán, realizan de Teresa Plà, Giménez Bartlett realizar un retrato da España da posguerra en "Donde nadie te encuentre".
Tras o fallo do xurado, a escritora confesou que o tema de Teresa Plà Meseguer apaixonáballe desde facía moito tempo, porque circulaba a historia de que esta bandoleira, adscrita ao maquis, era "sanguinaria", acusada formalmente de 29 asasinatos e que se escondía na zona do Maestrazgo e Els Ports, unha zona que a propia Giménez Bartlett coñece ben.
Publicar un comentario