jueves, 2 de febrero de 2012

Lectura "presa" no club de lectura de Chapela

 Foi unha sorpresa a xuntanza, xa que, a pesar de que moitos dos participantes do club nos dixeran que o libro lles parecera desagradable, duro ou incómodo; porén, a conversa sobre o mesmo resultou moi fructífera, enriquecedora e pracenteira.

A novela que protagonizou a xuntanza está escrita polo Premio Nobel de Literatura Kenzaburo Oé. Titulada La presa, narra as viencias dos rapaces dunha aldea xaponesa a partir do apresamento dun avión inimigo durante a 2ª Guerra Mundial.

Kenzaburo Oé, autor do relato
Os rapaces viven emocionados a chegada da súa "presa", esto é, o aviador negro apresado do bando inimigo que entra a formar parte do seu pobo. A "presa", a medio camiño, para eles, entre o animal e a deidade totémica, enche as súas vidas, e no seu cativo mundo todo xirará entorno a ela.
















A actitude case idólatra dos nenos frente ao seu prisioneiro, e a fascinación que lles provocan todas as súas accións e movementos, nos fai revivir a inocencia da infancia. Cando os sucesos mudan, a visión do protagonista muda tamén, de xeito brusco e abrupto; como brusco e desgarrador pode ser o camiño que nos leva da infancia cara á madurez.


A obra recibiu en 1958 o prestixioso premio Akutagawa, e foi levada ao cinema, da man do director xaponés Nagisa Oshima, no ano 1961.

Publicar un comentario