Títeres titiriteiros na Biblioteca de Chapela... para celebrar a IV Semana do Libro

Como hai tempo que non tiñamos... hoxe tivemos un espectáculo grande de títeres na biblioteca de Chapela.

Antes de comezar o espectáculo

O artista Lázaro Duyos saúda ao seu público antes de comezar

A compañía Títeres Cascanueces fixo as delicias de cativos e non tan cativos e achegouse á biblioteca para representarlles o espectáculo "A rúa das pantasmas"

O público

Todos atentos...

Xanciño, María, as pantasmas... e o mesmo Demo fixeron rir, berrar, aplaudir, e emocionarse a unha chea de cativos e cativas que hoxe se nos achegaron á biblioteca e que quixeron celebrar connosco esta inesquecible IV Semana do Libro.

Loita feroz entre Xanciño e o Diaño

 Graciñas a todos e a todas por virdes, tanto aos cativos como aos adultos, agardamos poder repetir noutra ocasión.

 Graciñas, tamén a Lázaro e a Títeres Cascanueces, e á Concelaría de Cultura do Concello de Redondela, e mais á Consellería de Cultura da Xunta de Galicia, e ao programa Letras Vivas, por facernos posible ofrecer este espectáculo tan grande na nosa biblioteca.