II Travesía Literaria pola Ría de Vigo

 O Club de lectura de adultos de Chapela celebrou onte a II edición da súa particular Travesía Literaria pola Ría de Vigo. 

 [Velaquí un enlace ás impresións que recollemos na 1ª edición]

O club de lectura disponse a partir

Gozando do sol, do mar e das verbas dos poetas na paz do océano, intercambiando impresións sobre as nosas lecturas deste verán e, por suposto... lendo; unha experiencia única para coller forzas coas que reiniciar a nosa experiencia do club neste novo curso.

Arriando velas!

A pequena biblioteca no barco

Martín Códax, Cabanillas, Rosalía de Castro, Celso Emilio, Bernardino Graña, Xohana Torres, Bécquer, Lorca, Octavio Paz, Pablo Neruda... foron moitos os grandes poetas que nos prestaron a intensidade e a emoción das súas palabras.

Benito nos le un poema de Cabanillas, un dos seus preferidos

Pero tamén lemos divertidos poemas sobre piratas, lendas sobre as forzas ocultas do mar e ata un conto infantil moi evocador.

Carme tamén nos contou un fermoso conto: "Nun porto de mar"

Algúns poemas tamén recibiron acompañamento musical, coa guitarra de Marcos.

A música tamén nos fixo boa compaña

O Capitán Patapau saíu a poñernos firmes a todos

Despois de tantas emocións, non podiamos rematar doutro xeito que cunha riquísima merenda para repoñer forzas, compartindo ricas viandas regadas con bo Albariño.

 

Unha deliciosa merenda para acompañar...

   E cando o sol xa se poñía, tivemos que poñer fin á experiencia, non sen antes felicitarnos todos por compartir unha xornada tan animada.

A volta... cando o sol comezaba a desaparecer

O Atlántico Diario tamén se fixo eco da nosa xesta marítima:  

Ver a NOVA

Atentos, que subiremos máis fotos... VELAQUÍ AS PODEDES VER