jueves, 20 de noviembre de 2014

Presentación de "El ruido del silencio", primeira novela de África Guardia Lorenzo, na Biblioteca de Chapela

 

O pasado xoves tivemos o gozo na Biblioteca de Chapela de recibir a África Guardia Lorenzo, que nos presentou a súa primeira novela "El ruido del silencio", editada por Cardeñoso.


Malia a chuvia, que ameazaba con deslucir a actividade, moitos veciños, amigos e coñecidos que se achegaron á biblioteca, e foron moitos os profesores e alumnos do IES Chapela, membros e ex-membros desta comunidade educativa, que non quixeron perderse tal evento.

Foron tamén moitos os nervios antes de comezar a actividade, mais África, presentada e acompañada polo seu editor, Severino Cardeñoso, e pola profesora do IES Chapela, Cristina Garabatos, soubo achegarnos a súa calidez, a súa madurez no xeito de documentarse para a novela, e mais a súa ilusión por contar historias.

Ao rematar, moitos dos asistentes adquiriron o libro da autora, que asinou unha a unha cada unha das solicitudes.

Só nos queda dar as grazas aos organizadores, por facernos partícipes á biblioteca dun proxecto tan emocionante e tan bonito, e a todo o público por achegarse e por arroupar á nosa nova escritora de Chapela.
A autora agasallou ás bibliotecas de Chapela e mais de Redondela cun exemplar do seu libro

Publicar un comentario