En 1615 publicouse a Segunda parte de Don Quixote. Miguel de Cervantes non tiña inicialmente a intención de publicar unha continuación da obra pero a aparición do Quixote de Alonso Fernández de Avellaneda impulsouno a crear a que para moitos é a mellor secuela da historia.
.
A Asociación de Amigos das Bibliotecas Municipais de Redondela, a Radio Municipal e as bibliotecas, queremos sumarnos a este aniversario coa gravación e emisión radiofónica de distintos fragmentos da obra que se emitirán ao longo do mes de abril, a partir do día 6, na Radio Municipal de Redondela, de luns a venres, no programa matinal "A Estación" a partir das 11 da mañá e, dun modo continuado, o 23 de abril, Día Internacional do Libro, a partir das 20:00 h.
Pero as verdadeiras protagonistas desta iniciativa son todas as persoas que puxeron a súa voz para dar vida a estas pasaxes e ás que os membros da asociación e colaboradores queremos agradecer a súa contribución, sen a cal este proxecto non tivese sido posible
No hay comentarios:
Publicar un comentario