Cea despedida dos nosos clubs de lectura

O pasado venres festexamos unha cea cos clubs de lectura de Redondela e de Chapela 🍽 Celebramos así a despedida do curso desta actividade. O noso coordinador, Jerónimo, portouse marabillosamente e agasallounos con libros comestibles 😋🍪📖 Ademáis, houbo sorteo de libros entre os/as asistentes 📚📚 Para os que esteades desexando participar de novo, non vos preocupedes: estaremos de volta en Setembro 🗓

Una foto publicada por Bibliotecas P. M. Redondela (@bibliotecas_de_redondela) el 12 de Jul de 2016 a la(s) 2:05 PDT

Os nosos clubs de lectura de Redondela e mais de Chapela están agora de vacacións, logo de dez meses consecutivos de xuntanzas e lecturas compartidas.

Para festexar este final de curso, e para facer unha quenda lúdica e festiva, nada mellor que compartir mesa e mantel todos xuntos, nunha cea que celebramos o pasado venres. 

Ademáis do encontro, a risa e a diversión houbo, como non, espazo para os libros e as recomendacións lectoras.

Jerónimo, o noso senigual coordinador, agasallounos a todos con galleta-libros (ou libros-galletas?), moi doces por certo. E ademáis, sorteou entre todos os participantes tres libros:

- "La decepción se pinta", de Carmen Castejón Cabeceira, que viñamos de presentar na biblioteca de Redondela.
- "La luz que no puedes ver", de Anthony Doerr. Premio Pulitzer de Ficción 2015.
- "El libro de los Baltimore", de Joel Dicker, continuación da saga familiar do exitoso personaxe de Marcus Goldman.

Case nada.... 

Por certo, Leolo e mais Gato, as nosas mascotas das bibliotecas e dos amigos das bibliotecas, tampouco se perderon o encontro.

Leolo e Gato brindan, ao seu xeito, durante a cea

Dende aquí queremos darlle as grazas a Jerónimo pola súa disposición, o seu bo gusto e a súa xenerosidade. 
Tamén lles damos as grazas a todos os que asistiron a tan gorentosa xuntanza.

Ata a vindeira tempada!