 |
| Préme na imaxe para ver as fotografías |
Este venres festexamos o Día das Bibliotecas en Chapela cunha auténtica "Romaría", servida e amenizada pola actriz e contadora Raquel Queizás.
E é que neste contacontos todo cambiou. A tarde de caloriña da que estabamos a gozar animou á biblioteca a saír do seu espazo habitual, e sacar os contos á natureza. Dese xeito a biblioteca e os seus usuarios viviron unha experiencia moi saborosa coa narración oral, pero tamén cos seus libros, que atoparon un andel improvisado nas mesas do merendeiro deste parque.
"Romaría" é un espectáculo baseado nos contos populares do rural tradicional galego, e que mellor espazo para contalo que o noso piñeiral, gozando da Ría de Vigo e mais das nosas árbores! Ademáis, o ambiente magosteiro que se estaba a "cocer" no Multiúsos de Chapela acabou de lle dar ambiente á nosa actividade.
Contos e lendas tradicionais que falan de festa e cos que festexar un dos días máis importantes no calendario das bibliotecas.
Moitas grazas a todos por participar. E grazas aos que vos uníchedes á actividade sen nos coñecer. Aledámonos moito de que vos gustara.
No hay comentarios:
Publicar un comentario