 |
| Como todas as tardes no centro mosense de COGAMI, esta lectora acude ao seu rincón favorito para gozar dos libros |
Estes días chegounos a noticia de que COGAMI ven de preparar un rincón de lectura nas súas instalacións de Mos, e tamén que os seus usuarios están a tirarlle un moi bo partido.
Orgullosos e ledos recibimos esta nova, por saber da nosa modesta pero importante contribución neste ilusionante proxecto.
Os usuarios deste centro de atención visitaron a Biblioteca de Chapela no mes de Maio, onde recibiron información sobre como funcionan as bibliotecas públicas, as súas funcións e os servizos que proporcionan a todas as persoas. Falamos de libros e de literatura e achegámoslles algúns dos nosos álbumes ilustrados favoritos para adultos, que lemos xuntos durante a visita.
 |
| Usuarios/as de COGAMI na súa visita á Biblioteca de Chapela |
As Bibliotecas Municipais fixemos entrega a COGAMI dalgúns libros que vimos de recibir como doazóns nos últimos meses e dos que non precisamos, por ter xa repetidos, pero que serán de moita utilidade para o centro.
Aledámonos de que a visita deste colectivo ás nosas instalacións sexa o fío de enlace con esta biblioteca agromante, e agardamos futuras oportunidades para cooperar con eles no que lles guste.
Grazas por compartir a vosa ilusión con nós!
No hay comentarios:
Publicar un comentario