Primeira xuntanza de outono nos clubs de lectura das bibliotecas

O curso 17/18 inicia as súas reunións dos clubs de lectura. 

O club de lectura de Chapela, comentando "Nosotros en la noche"

Tanto na sede de Redondela como en Chapela volveuse a escoitar o son das páxinas nos debates sobre os libros do mes. Nesta ocasión, comezouse con dous textos de gran actualidade: o exitoso e multipremiado Patria , de Fernando Aramburu, e Nosotros en la noche, de Kent Haruf recentemente levado ao cinema con Robert Redford e Jane Fonda nos seus papeis principais. Dúas historias poderosas nas que destaca a presenza de personaxes fortes, capaces de arrostrar contornas hostís e miradas maliciosas en defensa das súas crenzas. 

O Club de lectura de Redondela comentando "Patria"

Os faladoiros, nas que as achegas individuais contribuíron a construír unha visión global, resultaron animadas e dinámicas, e serviron para ofrecer unha perspectiva motivadora sobre as lecturas. 

As dúas experiencias lectoras foron moi positivas, obtendo críticas unanimemente positivas, sendo ambas as citas unha cumprida celebración da lectura, a conversación e o compañeirismo.

Moitas grazas a todos!