lunes, 5 de marzo de 2018

Obradoiro creativo con papel reciclado: participa coas bibliotecas no certame Arte Lixo


As bibliotecas municipais convocamos un obradoiro creativo na biblioteca de Chapela.

Con papel para reciclar da biblioteca: revistas e periódicos vellos, imos deseñar unha peza artesanal que presentaremos xuntos ao certame redondelán Arte Lixo.


Este ano queremos festexar o noso 50 aniversario participando en diferentes eventos culturais no noso concello, e gustaríanos que nos acompañarades para formar parte deste evento artístico tan singular.

Doutra banda, con este obradoiro aprenderedes unha técnica para facer pezas artesanais moi orixinal, ademáis de sinxela e económica.

Será un obradoiro no que podedes participar nenos e adultos. Só precisamos as vosas gañas!

Ao rematar toda a actividade, poderedes levar algunha peza para a casa elaborada polas vosas mans.

O obradoiro celebrarase no Multiúsos de Chapela, e durará tres xornadas, en horario de 17:00 a 18:30h.
- Xoves 15 de Marzo
- Xoves 22 de Marzo
- Xoves 5 de Abril

Podedes inscribirvos na biblioteca de Chapela.
De luns a venres, de 16:30 a 21:00 h.
Tlf: 986-454-226

Colabora nesta actividade a Asociación Cultural e Social de Chapela.

Publicar un comentario