Non, non, non. A lotaría de Nadal, as doce uvas, as manteigadas, o roscón de Reis... unha trapallada de tradicións!
![](https://blogger.googleusercontent.com/img/b/R29vZ2xl/AVvXsEgV8G7xxL3GPDQU_1UemL_ZbxAYh6bLvNjFPAKVvXB9ze6f-HR_U8pMHHuAqXQFB-IqQQ5GGWOD80Mv1gjH9pqBD8APSk74_AnzkElD0aJQ-x9AM871tAXNwrtKae2zM5irujK0oq7iUBc/s1600/heady.jpg)
O que de verdade leva, o que fai que esteas á última, é votar na elección realmente importante... a do libro do ano*!
* Libro do ano: Libro publicado no 2011, en galego ou castelán.
Elixe ben ao teu candidato, aquí si hai listas abertas!, e cando o teñas, pasa pola Biblioteca Municipal ou pola Axencia de Lectura de Chapela a votar nas urnas dispostas nelas.
A túa participación pode resultar premiada! Entre todos os electores, socios da biblioteca, que votasen será sorteado o libro gañador.
Como sempre, haberá dúas categorías: para os nosos socios máis novos (até os 14 anos) e outra para os adultos.
Pero, cando, cando podemos votar?, preguntaredes, inquietos e desaforados. Pois desde o 21 de novembro até o 2 de xaneiro. Rápido, rápido, que son só 43 días!
![](https://blogger.googleusercontent.com/img/b/R29vZ2xl/AVvXsEjD6iGlwSuYpnYuvN9rOeDibxCg8O5X-rtdoJGfKH_uRtRceWEMKBwHY6ic77ZdtrjhudhPN4ZWJmsn_lBahd8v5CWV56VtfjvYF7BmaafKvIz_TGJ0qMKDqAxy4MsjAbTNSYEogi-paz4/s1600/Vote+count.gif)
Non podes perder unha ocasión así!
No hay comentarios:
Publicar un comentario