viernes, 2 de diciembre de 2011

A Coca ataca de novo!


Hoxe, tivo lugar ás 13 hs  a presentación da mascota de Redondela, unha nova imaxe de referencia para a vila dos viaductos. Trátase dun debuxo creado polo ilustrador Pepe Carreiro, a partires da tradicional Coca, pero humanizada e con personalidade propia. No acto, que tivo lugar na sala de exposicións do Multiusos da Xunqueira, cunha mostra onde se poderá desfrurtar deste becho a tamaño xigante en diferentes posturas e xogos para os nenos, deuse a coñecer a nova imaxe corporativa da vila, unha mascota  a que ao  longo do mes de decembro haberá que poñerlle nome. O día 23 fallárase o concurso de nomes e presentaráse a Coca ós nenos, cun figurante disfrazado cun traxe de gran volume que percorrerá Redondela.
O acto de presentación contou  coa presencia do Alcalde , a directiva da Asociación de Empresarios, que colaboran nunha serie de actividades en torno á mascota na programación de Nadal, e o ilustrador Pepe Carreiro, pai da criatura.
Publicar un comentario