viernes, 30 de marzo de 2012

Contacontos polo Día do Libro Infantil, na Biblioteca de Chapela

Hoxe a Biblioteca de Chapela vestiuse de festa para celebrar o Día Internacional do Libro Infantil. Para tal data, nada mellor que retomar a nosa tradición "contaconteira", agasallando a todos os nenos de chapela, e mais aos adultos que nos quixeron acompañar, unha contada das narracións máis tradicionais, pero, eso sí, contadas, desta vez, dun xeito moi diferente.

Acompañounos Julio, de Eduvía, que lles fixo aos rapaces pasar un rato moi divertido disfrazándose e convertíndose nun senfín de personaxes de contos. Así os tradicionales
  • Polgariño
  • Os sete cabritiños
  • Brancaneves
Foron contados dun xeito novo, dacabalo entre a narración do contador principal e mais a interacción dos cativos, que o pasaron en grande converténdose en actores-contadores improvisados.




... E non nos esquecemos! Tamén estiveron connosco os alumnos do Ciclo Superior de Educación Infantil, do I.E.S. de Chapela, aos que lles gustou moito a actividade. Ao rematar a sesión, entrevistaron entre todos a Julio, quen lles descubriu moitos dos segredos da súa profesión.

 A actividade foi levada a cabo grazas ao cofinanciamento entre a Concellería de Cultura do Concello de Redondela e o programa Letras Vivas da Consellería de Cultura da Xunta de Galicia.

Ata o próximo conto!!






No hay comentarios: