viernes, 18 de diciembre de 2015

Nadal e maxia co Club Infantil de Lectura


Este mércores na Biblioteca de Chapela festexamos un club infantil de grandes galas e portas abertas. 


A nosa coordinadora do club, Leo Leíño, agasallounos cun dos seus fantásticos espectáculos. Os rapaces e rapazas que xa forman parte de este equipo de lectores e mais todos os nenos e adultos que se achegaron para coñecernos, gozaron dun número de maxia marabilloso, onde o mundo dos contos e a literatura clásica tamén nos fixeron compañía.


Leo Leíño contounos o coñecidísimo "Canto de Nadal", de Charles Dickens, cun número de maxia, e nos amosou outros trucos, con cartas, cordas... e ata con lume.

Rematamos tomando un petisco, brindando polo Nadal, e gozando da ledicia de estar xuntos.
A mellor das novas é que o noso club infantil incorporou a novos membros. A partir de xaneiro, Claudia e mais Uxía participarán nas sesións do club. Agardamos que lles guste e que, como aos outros rapaces do club, lles motive a seguir participando.
 
 Agradecemos a Faro de Vigo e mais ao Atlántico Diario que deran a coñecer a nosa actividade.


Moi feliz Nadal a todos e a todas.
 

Publicar un comentario